تجديد الرخصة

[sarah5]

السلام عليكم ورحمة الله وبركاته

لو سمحتو يا جماعة موضوع الرخصة ده هيجنني رخصة العربية منتهية بقالها 4 شهور ده غير معاد الفحص انا عارفة اني بستهبل بجد بس انا مش طايقة المشوار ده انا اعرف ان في غرامة تأخير بعد شهر بس معرفش ايه الوضع بعد 4 شهور عموما هل المشوار ده لازم راجل ولا ممكن انا اعمله لوحدي وانا ما حصلش قبل كده ان ظابط طلب يشوف الرخصة الحمدلله بس لو ده حصل ورخصتي منتهية هيعمل ايه افيدوووووووووني ارجوكم وشكرا

[oousaoo]

الاجراءات سهلة ولاتوجد مشاكل وفي ناس في المرور (مخلصتية) ممكن يساعدوكي هو دلوقتي الغرامة للتاخير حتكون ثلث الضريبة يعني حوالي من 30-50 جنية
لو اتاخرتي اكتر من كدة بعني تاخير سنة حت لو العربية واقفة ولاتتحرك بيتم تحويل ملف العربية للنيابة ورفع قضية بالمحكمة تبديد لوحات وممكن يصدر حكم غيابي
ولذلك انصحك بسرعة التجديد

[Amr Axel]

زي ما oousaoo قالك الغرامة بعد الشهر المهلة بتكون حوالي ثلث الضريبة زيادة و الافضل في اسرع وقت ممكن يعني لو ينفع بكرة كمان
و نصيحة ابعدي عن حوار الناس المخلصتية دول عشان محدش يشتغلك و يقولك عليها و عليها
حتي لو واحد جيه قالك اخلصهملك في 5 دقايق و انتي واقفة و ليا الحلاوة و القصص الفاشلة بتاعتهم ديه قوليله شكرا و ولا تعبريه كده كده طالما فحص هدخلي العربية جوة ان شاء الله
روحي و خلصي ورقك بنفسك و تقلي جيبك شوية عشان لو لا قدر الله فيه مخالفات بالاضافة لتكاليف من ضريبة و مصاريف ادارية ..ألخ...ألخ
و بالنسبة الخطوات متقلقيش لو تهتي هتلاقي لوحة متعلقة في المرور مكتوب عليها الورق المطلوب و خطوات التجديد او الفحص و لو سألتي في اي شباك جوة برده هيفيدوكي بس روحي يوم الصبح عشان تبقي الدنيا رايقة شوية
بس بسرعة لأن زمان مكنوش بيدقوا لو اللي سايقة واحدة انما دلوقتي بيدقوا اكتر لأن فيه كتيير كانوا بيمشوا من غير رخص اعتمادا ع ان مفيش حد هيشك في واحدة و يوقفها دلوقتي مبقتش تفرق

بالتوفيق ان شاء الله

[sarah5]

الاجراءات سهلة ولاتوجد مشاكل وفي ناس في المرور (مخلصتية) ممكن يساعدوكي هو دلوقتي الغرامة للتاخير حتكون ثلث الضريبة يعني حوالي من 30-50 جنية
لو اتاخرتي اكتر من كدة بعني تاخير سنة حت لو العربية واقفة ولاتتحرك بيتم تحويل ملف العربية للنيابة ورفع قضية بالمحكمة تبديد لوحات وممكن يصدر حكم غيابي
ولذلك انصحك بسرعة التجديد

شكرا جزيلا لرد حضرتك الغرامة مش فارقة معايا بس معقولة توصل للقضايا طيب موضوع القضايا ده بعد سنة يعني ولا اقل عموما اكيد هحاول اسبوع بالكتير واخلص الموضوع ده

[sarah5]

زي ما oousaoo قالك الغرامة بعد الشهر المهلة بتكون حوالي ثلث الضريبة زيادة و الافضل في اسرع وقت ممكن يعني لو ينفع بكرة كمان
و نصيحة ابعدي عن حوار الناس المخلصتية دول عشان محدش يشتغلك و يقولك عليها و عليها
حتي لو واحد جيه قالك اخلصهملك في 5 دقايق و انتي واقفة و ليا الحلاوة و القصص الفاشلة بتاعتهم ديه قوليله شكرا و ولا تعبريه كده كده طالما فحص هدخلي العربية جوة ان شاء الله
روحي و خلصي ورقك بنفسك و تقلي جيبك شوية عشان لو لا قدر الله فيه مخالفات بالاضافة لتكاليف من ضريبة و مصاريف ادارية ..ألخ...ألخ
و بالنسبة الخطوات متقلقيش لو تهتي هتلاقي لوحة متعلقة في المرور مكتوب عليها الورق المطلوب و خطوات التجديد او الفحص و لو سألتي في اي شباك جوة برده هيفيدوكي بس روحي يوم الصبح عشان تبقي الدنيا رايقة شوية
بس بسرعة لأن زمان مكنوش بيدقوا لو اللي سايقة واحدة انما دلوقتي بيدقوا اكتر لأن فيه كتيير كانوا بيمشوا من غير رخص اعتمادا ع ان مفيش حد هيشك في واحدة و يوقفها دلوقتي مبقتش تفرق

بالتوفيق ان شاء الله

بشكر حضرتك جدا علي المعلومات دي بس انا بحب امشي صح يعني من ساعة ما رخصة العربية انتهت بخرج بيها فقط فالشوارع القريبة مني عشان متعرضش لموقف سحب رخص او غيره المشكلة اصلا اللي مخلياني بأجل مشوار التجديد عشان حاليا محدش فاضي يجي معايا فالمشوار ده وانا خايفة جدا انهم يستغلوا اني بنت ويقولو دي مبتفهمش حاجة وانا فعلا مبفهمش حاجة في الحاجات دي للاسف :-( وخصوصا ان فيه فحص انا تقريبا مش عارفة طفاية الحريق حطاها فين اصلا ربنا يستر بس ياتري نفس المعاملات بتحصل فالمرور التابع للقوات المسلحة لاني بجدد فيه ؟؟؟

[LORD.ADeL]

بشكر حضرتك جدا علي المعلومات دي بس انا بحب امشي صح يعني من ساعة ما رخصة العربية انتهت بخرج بيها فقط فالشوارع القريبة مني عشان متعرضش لموقف سحب رخص او غيره المشكلة اصلا اللي مخلياني بأجل مشوار التجديد عشان حاليا محدش فاضي يجي معايا فالمشوار ده وانا خايفة جدا انهم يستغلوا اني بنت ويقولو دي مبتفهمش حاجة وانا فعلا مبفهمش حاجة في الحاجات دي للاسف :-( وخصوصا ان فيه فحص انا تقريبا مش عارفة طفاية الحريق حطاها فين اصلا ربنا يستر بس ياتري نفس المعاملات بتحصل فالمرور التابع للقوات المسلحة لاني بجدد فيه ؟؟؟

قوات مسلحه حضرتك تعاملاتهم من افضل ما يكون غير مدنى عادي خااااااااااااااااااالص فرق سماء عن الارض حضرتك تروحي بسلامة وتدخلي وتتعاملي وتسائلي عايزة افحص واجدد وهما هيقول لك تعملي ايه كاخطواط الموضوع كله مش هياخد نص ساعه وهتمشي برخصتك جديدة ان شاء الله دة لو انتى تبع مرور قوات مسلحه ......؟

[Amr Axel]

بشكر حضرتك جدا علي المعلومات دي بس انا بحب امشي صح يعني من ساعة ما رخصة العربية انتهت بخرج بيها فقط فالشوارع القريبة مني عشان متعرضش لموقف سحب رخص او غيره المشكلة اصلا اللي مخلياني بأجل مشوار التجديد عشان حاليا محدش فاضي يجي معايا فالمشوار ده وانا خايفة جدا انهم يستغلوا اني بنت ويقولو دي مبتفهمش حاجة وانا فعلا مبفهمش حاجة في الحاجات دي للاسف :-( وخصوصا ان فيه فحص انا تقريبا مش عارفة طفاية الحريق حطاها فين اصلا ربنا يستر بس ياتري نفس المعاملات بتحصل فالمرور التابع للقوات المسلحة لاني بجدد فيه ؟؟؟

تبع مرور القوات المسلحة و قلقانة اومال احنا نعمل ايه هههه لا المعاملة هناك مختلفة تماما انتي تروحي و انتي مغمضة و كل حاجة هتخلص
و متنسيش الطفاية و المثلث العاكس
و محدش من اللي شغالين في المرور يقدر يضحك عليكي لأن ديه اوراق محددة و محطوطة لوحة بالاوراق و الخطوات و سعر الاوراق كمان
و متنسيش تاخدي معاكي فكة لو انتي من الناس اللي زي حالاتي بيحبوا يغتتوا ع بتوع الخزنة اللي بيقلبوا الناس بس طالما قوات مسلحة اشك انها تحصل اساسا

[expert]

خطوات الفحص سهله وكالاتي:
1- تجهيز شهادة المخالفات من نيابة المرور التابعه لوحدة المرور
2-شراء بوليصة التأمين الأجباري(هتلاقي اكشاك او مكاتب التأمين في المرور )
3-دفع الضريبه(ودي اللي بيحددها موديل العربيه والسي سي بتاعها)
4-شراء نموذج الفحص(اورنيك فحص)
5- التأكد من وجود طفايه في شنطة العربيه
6-فحص العربيه في التراك عن طريق المهندس او العامل اللي معاه(بياخد بصمة الشاسيه والموتور من العربيه)
7-اتأكد ان مفيش ازاز مكسور او مشروخ عشان ميسقطكش في الفحص
طبعا ده على اساس الرخصه باسمك مش توكيل..عشان لو بتوكيل هتحتاج كذا خطوه تانيه

بلاش المخلصتيه عشان بيهبشو فلوس ملهاش اي لازمه
وبالتوفيق

[sarah5]

قوات مسلحه حضرتك تعاملاتهم من افضل ما يكون غير مدنى عادي خااااااااااااااااااالص فرق سماء عن الارض حضرتك تروحي بسلامة وتدخلي وتتعاملي وتسائلي عايزة افحص واجدد وهما هيقول لك تعملي ايه كاخطواط الموضوع كله مش هياخد نص ساعه وهتمشي برخصتك جديدة ان شاء الله دة لو انتى تبع مرور قوات مسلحه ......؟

انا عارفة ان تعاملاتهم كويسة ورخصتي مطلاعها هناك في نص ساعة بس اول مرة اروح في رخصة العربية عشان كده قلقانة شوية بس حضراتكو طمنتوني جدا بس جايز بعد الثورة اتغيروا مع الناس انا معرفش بقي ممكن بقوا مش طايقين حد خلاص يطلعوا غيظهم فيا

[sarah5]

تبع مرور القوات المسلحة و قلقانة اومال احنا نعمل ايه هههه لا المعاملة هناك مختلفة تماما انتي تروحي و انتي مغمضة و كل حاجة هتخلص
و متنسيش الطفاية و المثلث العاكس
و محدش من اللي شغالين في المرور يقدر يضحك عليكي لأن ديه اوراق محددة و محطوطة لوحة بالاوراق و الخطوات و سعر الاوراق كمان
و متنسيش تاخدي معاكي فكة لو انتي من الناس اللي زي حالاتي بيحبوا يغتتوا ع بتوع الخزنة اللي بيقلبوا الناس بس طالما قوات مسلحة اشك انها تحصل اساسا

هههههه انا مجربتش المدني بس واضح اني اتحسدت من قبل ما اروح بس خلاص انا قررت الاسبوع الجاي هخلصها انتو طمنتوني اوي بس معنديش المثلث المعاكس ده لازم ولا ايه ؟؟؟

[sarah5]

خطوات الفحص سهله وكالاتي:
1- تجهيز شهادة المخالفات من نيابة المرور التابعه لوحدة المرور
2-شراء بوليصة التأمين الأجباري(هتلاقي اكشاك او مكاتب التأمين في المرور )
3-دفع الضريبه(ودي اللي بيحددها موديل العربيه والسي سي بتاعها)
4-شراء نموذج الفحص(اورنيك فحص)
5- التأكد من وجود طفايه في شنطة العربيه
6-فحص العربيه في التراك عن طريق المهندس او العامل اللي معاه(بياخد بصمة الشاسيه والموتور من العربيه)
7-اتأكد ان مفيش ازاز مكسور او مشروخ عشان ميسقطكش في الفحص
طبعا ده على اساس الرخصه باسمك مش توكيل..عشان لو بتوكيل هتحتاج كذا خطوه تانيه

بلاش المخلصتيه عشان بيهبشو فلوس ملهاش اي لازمه
وبالتوفيق

شكرا علي معلومات حضرتك جدا بس انا عندي الفانوس الامامي مكسور منه حتة وفانوس الاشارة كده بقي لازم اعملهم الاول بس مش مشكلة حاجات بسيطة يعني وموضوع المخلصتية ده للاسف ساعات بستسهل واعتمد عليهم بس اكتر من حد نصحني انه ملوش لازمة وطبعا موضوع تأخير التجديد ده هيرسي علي غرامة بس مش مهم حاجات بسيطة برده :-)

[sarah5]

الحمدلله اخيرا جددت الرخصة :)) الموضوع طلع سهل جدا وانا فاكرة انه بهدلة بس يمكن عشان تبع مرور القوات المسلحة ومكنش عليا مخالفات خالص الحمدلله بس جددولي من تاريخ الانتهاء يعني يعتبر جددت 8 شهور مش سنة مع ان في ناس قالتلي الرخصة هتبدأ من يوم التجديد انا بشكر كل الناس اللي شجعتني والحمدلله خلصت الرخصة شكرا جزيلا :)

[Amr Axel]

الف مبروك التجديد قولنالك التجديد بسيط و خاصة لو مرور القوات المسلحة و ده طبيعي انه يرخص من يوم الترخيص حتي لو رخصتي قبل الميعاد المحدد بيترخص ع نفس الميعاد

و في انتظار تفاعلك في قسم السوزوكي

بالتوفيق ان شاء الله

[sarah5]

الف مبروك التجديد قولنالك التجديد بسيط و خاصة لو مرور القوات المسلحة و ده طبيعي انه يرخص من يوم الترخيص حتي لو رخصتي قبل الميعاد المحدد بيترخص ع نفس الميعاد

و في انتظار تفاعلك في قسم السوزوكي

بالتوفيق ان شاء الله

ميرسي يا استاذ Axel بس في حاجة محيراني انا مرة ركنت فالممنوع ولزقولي ورقة كده علي الشباك بس لما كشفت علي المخالفات ملقتهاش دفعت 5 جنيه بس رسوم

[Amr Axel]

لا عادي ناس كتير لزقولهم المخالفة و ملقوش حاجة متقلقيش ان شاء الله