سؤال للباشمهندس سبعاوي

[hazem_khidr]

و الجميع طبعا للي يقدر يفيدني
انا معايا سويفت سيدان و عاوز اغير المساعدين الاماميه علشان خلاص مش نافعين .
طبعا انا مش بثق في المستعمل في اجهزه التعليق و الفرامل و استحاله اجيب مستعمل
انا بفكر اجيب مساعدين مونرو و تاجر قطع الغيار اللي بشتري من عنده بقولي بلاش مونرو وحشين و هات المساعدين الياباني
ف يا تري الكلام دا صحيح ولا لاء؟و هل المونرو ممكن ياثرو علي العربيه يعني يكونو ناشفين عليها و يبوظو الشاسيهات؟؟؟
ارجو الافاده علشان انا محتار و يمكن دي اول مره اغير مساعدين في حياتي

[sab3aawy]

المونرو ادائهم رياضى، بيبقوا ناشفين شوية لكن بيدعموا ثبات العربية
المونرو مايركبوش غير لو كل العفشة سليمة ، لأن لو ركبوا على عفشة بايظة هيكسورها زيادة

النوع اليابانى كى واى بى طرى واريح فى الركوب بس على حساب الثبات فى السرعة العالية

فشوف انت ايه احتياجك من المساعد، جرى وثبات وللا راحة ونعومة

[hazem_khidr]

شكرا علي ردك يا باشمهندس انا طبعا عاوز اداء رياضي مش مهم عندي الراحه اوي بس انا متخوف من موضوع العفشه كلها سليمه دي علشان انا ما غيرتش فيها حاجه بقالها فتره طويله ف حتاكد من سلامتها الاول و اتكل علي الله و اجيب المونرو