تغير الزيت اول مره ارجو الافاده لعضو جديد معايا ماروتى ومش عارف حاجه

[minarr]

انا لسه شارى ماروتى جديد ومش لسه فاهم اوووى وسمعت عن سمعه التوكيل اللى اغلب الناس بيشتكوا منه الاستفسار انا مفروض اغير الزيت على كام 1000 ولا 5000 اروح صيانه 1000 واغير زيت وفلتر ولا استنى لحد صيانه 5000 بالمره ارجوا الافاده من رجاله الماروتى وياريت لو انطباعكوا عن التوكيل والضمان وقطع الغيار اكون شاكر جدا

[Amr Axel]

اعتقد اني رديت ع حضرتك بخصوص الصيانة في الموضوع هنا

http://www.nilemotors.net/Nile/271848-a.html

بالنسبة قطع الغيار خارج التوكيل فطبعا متوافرة و رخيصة و فيه محلات كتيير بنتعامل معاها منهم اكرم حمدي في دمشق و سوزوكي سنتر في التوفيقية غير الباقي
اما في التوكيل غالية طبعا
اما عن التوكيل فقسم سوزوكي و نيسان زاخر بالموضوعات و المشاركات اللي بتشتكي منه
و تقدر تقول ان 90 في المية منا مبيروحش التوكيل و اللي بيروح مرة مبيروحش التانية

و لو عايز ميكانيكي او عفشجي او ظبط زوايا فكله موجود ان شاء الله ناس عندهم ضمير و فاهمين و بنتعامل معاهم

اي استفسار تاني اتفضل و ان شاء الله نرد عليك

بالتوفيق ان شاء الله

[ahma8]

تسلم يا اكسل