اخر كلام و احنا فى 2012 اهو..اروح اعمل صيانة 1000كم فى التوكيل ولا لأ ؟

[ahma8]

حبايبى الحلوين

احلى ناس فى الدنيا كلها

داخل على 600 كيلو و عاوز اعمل صيانة ال1000 كم للمارو بتاعتي
ايه رايكم اعمل ايه بالظبط

توكيل ولا نؤ نؤ ؟؟

ولو توكيل اعمله فى اى توكيل ؟؟؟

اخر كلام معلش علشان انا ماليش خالص فى حوار الصناعيية ده بس كده

ايو رايكم يا شباب

احمد

[Amr Axel]

انا هعيط و اروح انتحر من الرد ع السؤال ده خلال يومين بس سواء في المنتدي او برة هههههههه

حضرتك صيانة الــ1000 المزعومة كل اللي بيحصل فيها ان التوكيل بيغيرلك الزيت و الفلتر و بتدفع مبلغ محترم لا اكتر و لا اقل مجرد مصاريف
عايز تعملها في التوكيل مفيش مشاكل كل الموضوع انها مصاريف زيادة مش عايز تعملها برده مفيش مشاكل و اعمل صيانة الــ5000 عالطول و بعدين صيانة 10 الاف و 20 الف و 30 الف ...الخ...الخ

عايز تعملها و تمشي مع العربية من البداية اذا كنت هتعملها خارج التوكيل يبقي تغير زيت و فلتر و تربط العفشة و تظبط زوايا و ترصص لو مكنتش رصصت او فكيت العجل و نضف فلتر الهوا

و نصيحة لو هتغير زيت ابعد عن موبيل
فيه انواع افضل زي كاسترول و ليكوي مولي و فالفولين و فيسكو

و عود العربية ع زيت تخليقي من دلوقتي بلاش معدني خاصة لو مشاويرك كتيير ( التخليقي اللي بيقعد 10 الاف و المعدني لا يزيد عن 5 الاف )

و اخيرا غسلة محترمة لزقزوقة و خليها تمشي و تكيد الاعادي امثال البي ام و الهوندا منافسينا هههههههه

بالتوفيق ان شاء الله

[zalpany2000]

بلاش الالف ... اعمل ال 5000 علي طووول الا اذا كان فيه مشكلة ظاهرة في العربية ... وبعدها فكك من التوكيل ده اصلا

[dr.hazem]

اكسيل على قد ما انت رديت عالسؤال ده دايما بتغلط نفس الغلطه

خلينا الاول نرد عالراجل

في الكتالوج بتاع الماروتي صيانة 1000 كيلو كالتالي:
استبدال زيت الماتور
استبدال فلتر الزيت
الكشف على سير الدينمو وشده ان لزم الامر
التشييك على السوائل

في حاجه مش في الكتالوج لكن المهندسين الميكانيكيين بينصحو بيه وهي تغيير زيت الفتيس وارشحلك زيت فتيس 90 ايسو او موبيل كلهم كويسين
والسبب في تغييره ان من تليين الفتيس ممكن يكون فيه رايش يزود الاحتكاك جواه...

الصيانة اللي بعدها بتبقى على 5 وبعدها على 10 وثم كل 10

طيب
نيجي للمكان
الكلام الفاضي ده مش محتاج التوكيل في اي شئ وانا رأيي تعمله بره ارخصلك واوفرلك في الوقت والمجهود...

نيجي للموضوع بتاع الزيت...

الماروتي من المحركات التي تعتمد على اللاتكنولوجيا في الموتور
ومفيش فيه حاجه تستدعي ان الواحد يحط في موتورها زيت تخليقي
بل بالعكس
التخليقي اداؤه وحش جدا مع موتور زي موتور الماروتي
نسبة بخره اعلى
ومعندناش اماكن ضيقه جدا تحتاج الى تزييت
وبالتالي
اي جنيه بيدفع في زيت تخليقي ما هو الا فائض من جيبك انت مستغني عنه ولو كده ممكن تبقى تعبي بنزين 95 لان المحصله واحده
فلوس زياده عالفاضي

طيب
الغلطه يا آكسل مش هنا

ههههههههههههههههههه

الغلطه انك تقول ان الزيوت المعدنيه مبتقعدش 10 آلاف كيلو مع اني كررتلك ان زيت فيسكو 3000 معدني وبيقعد 15 ألف كيلو كمان وانا مجربه لحد 11 ألف وكان لسا يقعد اكتر

وفي المقابل التخليقيه المفروض بتقعد ارقام توصل لل 25 ألف كيلو زي فيسكو 5000 وكاسترول ايدج سبورت

لكن في المقابل الزيوت التخليقيه مبتشتغلش حلو في ماتور عربيتنا البدائي...

نصيحتي لصاحب الموضوع بقا
الفتره دي تحط فيسكو 2000 وتغير الفلتر
ده زيت معدني بيقعد عالاقل 5 آلاف كيلو فانت هتحطه التغييرتين الجاييين لحد ال 10 آلاف كيلو وثم لو حبيت تنتظم مع جدول الصيانه تبقى تغير لفيسكو 3000 والكلام ده كله بالتجربه وهتغير معاه الفلتر ولو انتظمت عليه هتغير الفلتر مره ومره....

اتمنى اكون وضحت للجميع بعض الاستفسارات والاستفهامات وربنا يكتب اللي فيه الخير


تحياتي

[Amr Axel]

اكسيل على قد ما انت رديت عالسؤال ده دايما بتغلط نفس الغلطه

خلينا الاول نرد عالراجل

في الكتالوج بتاع الماروتي صيانة 1000 كيلو كالتالي:
استبدال زيت الماتور
استبدال فلتر الزيت
الكشف على سير الدينمو وشده ان لزم الامر
التشييك على السوائل

في حاجه مش في الكتالوج لكن المهندسين الميكانيكيين بينصحو بيه وهي تغيير زيت الفتيس وارشحلك زيت فتيس 90 ايسو او موبيل كلهم كويسين
والسبب في تغييره ان من تليين الفتيس ممكن يكون فيه رايش يزود الاحتكاك جواه...

الصيانة اللي بعدها بتبقى على 5 وبعدها على 10 وثم كل 10

طيب
نيجي للمكان
الكلام الفاضي ده مش محتاج التوكيل في اي شئ وانا رأيي تعمله بره ارخصلك واوفرلك في الوقت والمجهود...

نيجي للموضوع بتاع الزيت...

الماروتي من المحركات التي تعتمد على اللاتكنولوجيا في الموتور
ومفيش فيه حاجه تستدعي ان الواحد يحط في موتورها زيت تخليقي
بل بالعكس
التخليقي اداؤه وحش جدا مع موتور زي موتور الماروتي
نسبة بخره اعلى
ومعندناش اماكن ضيقه جدا تحتاج الى تزييت
وبالتالي
اي جنيه بيدفع في زيت تخليقي ما هو الا فائض من جيبك انت مستغني عنه ولو كده ممكن تبقى تعبي بنزين 95 لان المحصله واحده
فلوس زياده عالفاضي

طيب
الغلطه يا آكسل مش هنا

ههههههههههههههههههه

الغلطه انك تقول ان الزيوت المعدنيه مبتقعدش 10 آلاف كيلو مع اني كررتلك ان زيت فيسكو 3000 معدني وبيقعد 15 ألف كيلو كمان وانا مجربه لحد 11 ألف وكان لسا يقعد اكتر

وفي المقابل التخليقيه المفروض بتقعد ارقام توصل لل 25 ألف كيلو زي فيسكو 5000 وكاسترول ايدج سبورت

لكن في المقابل الزيوت التخليقيه مبتشتغلش حلو في ماتور عربيتنا البدائي...

نصيحتي لصاحب الموضوع بقا
الفتره دي تحط فيسكو 2000 وتغير الفلتر
ده زيت معدني بيقعد عالاقل 5 آلاف كيلو فانت هتحطه التغييرتين الجاييين لحد ال 10 آلاف كيلو وثم لو حبيت تنتظم مع جدول الصيانه تبقى تغير لفيسكو 3000 والكلام ده كله بالتجربه وهتغير معاه الفلتر ولو انتظمت عليه هتغير الفلتر مره ومره....

اتمنى اكون وضحت للجميع بعض الاستفسارات والاستفهامات وربنا يكتب اللي فيه الخير


تحياتي

دايما كده قافشني يا حازم باشا هههههههههههه و لا تلكيكة عشان ازعل و مجييش المقابلة اللي مش عايزة تتم في سنتها ديه ههههههههههههه

بس مخدتش بالك من حاجة ان المعدني اللي اقصده في باقي الزيوت
بس يبدو ان شركة بي بي في المركز الأول في الزيوت لأن باقي الزيوت و ع استخدام كل اللي اعرفهم غير استخدامي مش بتكمل معاهم المعدني اخره 5000 و لو قعد 6000 بتبقي الحالة كرب و التخليقي عمره ما زاد معاهم عن 11 الف مع ان كلام المصنعيين ان الزيوت تقعد فعلا زي ما بتقول لكن العملي غير النظري يمكن السبب لجو عندنا او كترة الاشارات او الحرق اللي بيحصل لما دمنا بيتحرق من البلاوي اللي بنشوفها و كتر المشاوير او ان المواصفات اللي بتنزلنا مش اد كده كالمعتاد الله اعلم

اما فيسكو فكلامك مظبوط واحد معرفة قبل ما اغير لفيسكو بيستخدم فيسكو 2000 و نزله ع 8 الاف و كان لسه يكمل الف او الفين كمان و طبعا تجربتك مع فيسكو 3000
و بما ان كاسترول نفس الشركة فالامر واضح :)

شوفت بقي انك ظلمتني
شكلي هشتغل بدري بدري و ارفع قضية و اطالب بتعويض عما اصابني من اضرار نفسية و مادية
نفسية انك بهدلتني قدام الناس و مادية انك خليت كل الناس اللي نصحتهم يرجعوا عليا بالتعويض ربنا معاك يا باشا هههههههههههههه

وكمان لو سمحت اسحب اهانة ان مواتيرنا بدائية ده انا لسه بقول الراجل اننا منافسيين للبي ام و الهوندا تقول كده بالمناسبة ديه قضية تانية بس المرة ديه هتبقي تقيلة عشان هتدخل فيها شركات و دول و ليلة ملونة هههههههههه

مش ناويين نشوفك و لا ايه و لا المقابلة في السر عشان متتنحسش و ترسي ع 3 او 4 ههههههههه ؟؟

[dr.hazem]

دايما كده قافشني يا حازم باشا هههههههههههه و لا تلكيكة عشان ازعل و مجييش المقابلة اللي مش عايزة تتم في سنتها ديه ههههههههههههه

بس مخدتش بالك من حاجة ان المعدني اللي اقصده في باقي الزيوت
بس يبدو ان شركة بي بي في المركز الأول في الزيوت لأن باقي الزيوت و ع استخدام كل اللي اعرفهم غير استخدامي مش بتكمل معاهم المعدني اخره 5000 و لو قعد 6000 بتبقي الحالة كرب و التخليقي عمره ما زاد معاهم عن 11 الف مع ان كلام المصنعيين ان الزيوت تقعد فعلا زي ما بتقول لكن العملي غير النظري يمكن السبب لجو عندنا او كترة الاشارات او الحرق اللي بيحصل لما دمنا بيتحرق من البلاوي اللي بنشوفها و كتر المشاوير او ان المواصفات اللي بتنزلنا مش اد كده كالمعتاد الله اعلم

اما فيسكو فكلامك مظبوط واحد معرفة قبل ما اغير لفيسكو بيستخدم فيسكو 2000 و نزله ع 8 الاف و كان لسه يكمل الف او الفين كمان و طبعا تجربتك مع فيسكو 3000
و بما ان كاسترول نفس الشركة فالامر واضح :)

شوفت بقي انك ظلمتني
شكلي هشتغل بدري بدري و ارفع قضية و اطالب بتعويض عما اصابني من اضرار نفسية و مادية
نفسية انك بهدلتني قدام الناس و مادية انك خليت كل الناس اللي نصحتهم يرجعوا عليا بالتعويض ربنا معاك يا باشا هههههههههههههه



وكمان لو سمحت اسحب اهانة ان مواتيرنا بدائية ده انا لسه بقول الراجل اننا منافسيين للبي ام و الهوندا تقول كده بالمناسبة ديه قضية تانية بس المرة ديه هتبقي تقيلة عشان هتدخل فيها شركات و دول و ليلة ملونة هههههههههه

مش ناويين نشوفك و لا ايه و لا المقابلة في السر عشان متتنحسش و ترسي ع 3 او 4 ههههههههه ؟؟

ههههههههههههههههههههههههههههه
حبيبي يا اكسيل

سيبك انت من باقي الشركات
فيسكو حلو وبيتصنع ويتعبا في الامارات يبقى ليه وجع القلب وسعره كمان ممتاز فعلا

الجو عندنا مش جو يهلك الزيت كده
انا شفت في السعودية والله الزيت صعب جدا يكمل ال 5000
هههههههههههههههههههههه

بالمناسبه
انا جربت عندي تخليقي
جربت كالتكس هافولين الذهبي
وقعد عندي 10 آلاف كاملة ونزل ولزوجته ممتازه وكان ممكن يقعد كمان وفنفس الوقت نقص حوالي كيلو الا ربع خلال ال 10 آلاف كيلو...

وموضوع ان ماتور الماروتي بدائي فهو فعلا بدائي وموضوع الزيت اللي نصح بيه بشمهندس خالد عمر (سبعاوي ربنا يرجعه بالسلامه من ارض الغربة)
وهو اللي أكد ان المعدني عندنا في الماروتي افضل من التخليقي..

المهم

موضوع المقابله ضروري جدا جدا
انا نفسي نتجمع ونتقابل بما اني خلاص بودع

فايه الرأي انا جاهز

خلصت عسكرية؟؟؟؟

[Amr Axel]

يمكن الزيت كويس معاك لأنك مبتنزلش كتيير و بيقعد فترة عندك لكن بالنسبة ليا ممكن اخلص الــ5000 في شهر بس و ممكن اخلصهم في 5 شهور

بالنسبة فيسكو الزيت فعلا لغاية دلوقتي معايا بسم الله ما شاء الله كويس و محافظ لزوجة و مستوي اللون بس اغمق حاجة بسيطة
بس طالما هو هو تبع بي بي ايه الفرق ان ده ينزل للغاز و البنزين و ده بينزل بنزين بس ؟؟؟؟

المهم

موضوع المقابله ضروري جدا جدا
انا نفسي نتجمع ونتقابل بما اني خلاص بودع

فايه الرأي انا جاهز

خلصت عسكرية؟؟؟؟

ايه يا باشا هتسافر تاني و لا ايه مينفعش كده
و انا الحمد الله لسه مخلص العسكرية طازة بس اوعوا حد يتخض لما يشوفني انت عارف الحلاقة الميري ههههههههه
شوف هنعملها امتي و اعمل موضوع استفتاء و بعدين ننزل الموضوع النهائي بلاش انا عشان مش ناقص انا خايف اعمل موضوع تاني المنتدي هو اللي يرسي ع 2 او 3 هههههههه
و ربنا يستر

[ahma8]

اولا انا اسف جدا للتاخير فى الرد بسبب ضغط الشغل و كده
انا هبعت العربية بكرة الاربعاء التوكيل اللى فى الهايكستب
بس الحاج اللى رايح لانى مش هعرف اروح

مشكلة الزيت و نوعة هتبقى صعب احددها دلوقتى الا لما اروح بنفسى بس هأكد على تغيير زيت الفتيس ده
على العموم

اوعدكم بتقرير عن اللى حصل فى العربية بعد لما جبتها من التوكيل بعد صيانة الالف

[tito2020]

اولا الف مبروك على العربيه وربنا يحميهالك ويكفيك شرها
انا بس تجربتى مع الماروتى الى جبتها للمدام موديل 2011 انها طلعت فيه عيب فى الصناعه فى وش السلندر والحمد لله تم تغييرة على حساب التوكيل
فا اعتقد انك تخليك محافظ على الضمان لحد متجرب العربيه كويس لان الموضوع مظهرش وبانت عيوبه الا مع الكيلو 3500

وربنا يباركلك فى عربيتك