مشكله كاوتش

[amrfares]

النهارده لقيت الفرده الشمال ورا مهويه جامد رحت لبتاع الكاوتش قالي لازم افك الكاوتش المهم قولتله اعمل الصح فك الكاوتش لقي مسمارين في الكاوتش المهم حط زي لزقه مدوره داخل الكاوتش وقالي تمام المهم دلوتي انا قلقان هل الفرده محتاجه تتفير ولا ايه وهل رجعت زي الاول زي مقالي ارجوكم الرد

ماروتي 2010 عامله 14000 كم

[amrfares]

هي ايه الزقه ديه

[Amr Axel]

عادي يا باشا طالما عملت لحام داخلي و معملتش خابور الخرم بيتسد لأن حتة الكاوتش ديه بتتسيح جوة و تعتبر بتتمزج مع الكاوتش و بتتساوي مع الجدار الداخلي
المشكلة اللي تقلق منها انك تكون عملت اكتر من خابور في الكاوتش لذلك بينصح تعمل دايما لحام

و الكاوتش متقلقش منه الا في الحالات الآتية :
لو عدي عليه 5 - 6 سنين من تاريخ الانتاج او النقشة راحت او فرده كاوتش اتلوحت او ظهرت زي بلالين فيها او السلك الداخلي يكون ع وشك انه يظهر او زي مقولت فوق عملت اكتر من خابور

[amrfares]

تصدف في ناس قالتلي الخبور افضل بس انا واثق غي كلامك

[Amr Axel]

تصدف في ناس قالتلي الخبور افضل بس انا واثق غي كلامك

هههه اول مرة اسمع موضوع ان الخابور افضل هو يبقي افضل في حالتين ياما انك مزنوق ع الصحراوي و مفيش حل غيره ياما ان المحل معندوش غيره واو عايز يخلص منه

طيب بص سيبك من الثقة انا ممكن اكون غلطان و فوق كل ذي علم عليم
بس هقولك مثل و منه تقدر تستنتج ايهما افضل الخابور و لا اللحام

هنفترض ان معانا ازازة مية بلاستيك و الازازة اتخرمت خرم بقطر قلم رصاص و قدامك حلين

ياما تجيب حتة ورقة بلزق و تحشرها في الخرم ده و تحط شريط لزق من برة ( كمثل للخابور )
ياما تجيب حتة بلاستيك و تسيحها ع الخرم و البلاستيك يتمزج ببعضه ( كمثل للحام )

ها ايه رأيك ايهما افضل ؟؟ خرم محطوط فيه زي دعامة ممكن في لحظة من ضغط المية يفك او يسرب مية و لا انك تسد الخرم نهائيا بتسييح بلاستيك عليه ؟؟؟

و تخيل لو الازازة فيها كذا خرم يعني 3 او 4 اخرام و اتبعت الطريقة الاولي بتاعت اللزق ... هل الازازة هتبقي نافعة تاني ؟؟؟


فكر و قولي رأيك :)

[dr.hazem]

زي ما قال اكسيل

افضل انواع اللحام هو لحام المكوة بلا منازع

بس برضو عايز أأكد على حاجه
الخابور مش وحش للدرجه ودول الخليج مفيهاش اصلا غير الخابور
ههههههههههههههههههههه

ومحدش يقولي الكفر لما بيسخن الخرم بيوسع وينفس لا الكفرات هناك بتسخن قد هنا 15 مره ومش بتنفس ولا حاجه
جايز بقا الخوابير عندهم مختلفه الله اعلم...

بس عن نفسي بفضل لحام المكوة لو الكاوتش في اول عمره
انما لو الكاوتش قرب يتغير يبقى على ايه مكوة وعطله وتضييه وقت
اديها خابور يا معلم
هههههههههههههههههههه


تحياتي

[Amr Axel]

لا يا باشا مش حكاية تسخين الكاوتشات في دول زي الكويت و السعودية بتتحرق اساسا ههههههههه
بس الفكرة ان الخوابير اللي هنا نيلة و يقعد يقولك صيني و امريكي و هندي و بتنجاني و حاجات غريبة ده حاجة
ثانيا مع الضغط و الحرارة الغراء ياما بيفك اللي ملزوق بيه الخابور يا اما بينفس الهوا الخابور نفسه بيطلع قبل كده الخابور رد من عجلة عندي نهائي

امتي نقول الخرم بيوسع لما يتحط فيه اكتر من خابور بتوع العجل الفتكيين تلاقيه زنق خابورين تلاتة في نفس الخرم هههههه

و في الحالتين بخصوص الخابور
تخيل لما يكون عند جدار و عملت فيه كذا فتحة هل هيكون عنده القدرة انه يستحمل تاني و لا من اقل ضربة ممكن يوقع ؟؟

و زي مقولت يا باشا لو الكاوتش خلاص هيتغير يبقي حرام لحام و خليك في الخابور

بالمناسبة لو حد عايز يعمل الخابور بنفسه كارتة الخابور بـ3-5 جنيه فيها 5 خوابير بالاضافة للمفكين و علبة الغراء :)
عشان تعرفوا بينصبوا علينا ازاي لما يقولك الخابور بــ5-7 جنيه و بيقسموه اتنين كمان ههههههه