الالتو !!!!!

[MMMERO]

رجالة سوزوكى تعبكم معايا معلش
فى رحلة بحثى لزوجتى على عربية لقيت العربية الالتو فقلت استشيركم اية رأيكم فيها وانهى ماتور افضل 1000 ولا 800 واية اخبار قطع الغيار بالنسبة للماتورين واية اخبار الاكسسوارات والكشافات خاصا وانها اول عربية لزوجتى وربنا يسترها :)

[Amr Axel]

اتفضل ده موضوع عن الالتو 800

http://www.nilemotors.net/Nile/224984-a.html

و ده عن السيلاريو ( الالتو الشكل الجديد )

http://www.nilemotors.net/Nile/230408-a.html

بالنسبة موتور الــ1000 هتلاقيه في موديلات 2006 و 2007 ع ما اتذكر و الالتو سيلاريو الجديدة ابتداءا من 2010

فيه الـ1100 و ده هتلاقيه في موديلات 2008 و 2009

بالنسبة ايهما افضل طبعا مش محتاج كلام ايهما افضل لكن طبعا استهلاك بنزين بيزيد
لو هتجيب حاجة تكييف ياما 1000 ياما 1100 لو من غير تكييف ممكن تخليك في الــ 800

بالنسبة قطع الغيار للالتو الموديلات قبل 2010 موجودة عند محلات قطع غيار سوزوكي معروفة بس هتكون غالية الي حدا ما عن الماروتي
اما السلاريو ابتداءا من 2010 فقطع الغيار هتلاقيها في التوكيل لكن لو برة انسي

اما الاكسسوارات فديه في كل محلات الكماليات و الاكسسوارات

بالتوفيق ان شاء الله

[MMMERO]

مش ممكن سرعة الرد والمعلومات الف الف شكر على التعاون الجميل دة وربنا يجعلة انشاء الله فى ميزان حسناتك سؤال اخير لو حبيت اكشف على الألتو ممكن اكشف فين مع العلم انى ساكن فى المعادى وكمان لو ربنا وفق واشتريت اعمل الصيانة فين

[Amr Axel]

مش ممكن سرعة الرد والمعلومات الف الف شكر على التعاون الجميل دة وربنا يجعلة إن شاء الله فى ميزان حسناتك سؤال اخير لو حبيت اكشف على الألتو ممكن اكشف فين مع العلم انى ساكن فى المعادى وكمان لو ربنا وفق واشتريت اعمل الصيانة فين

الحقيقة معرفش لو فيه مراكز في المعادي للكشف عن العربيات ممكن تسأل في القسم العام للسيارات
و ممكن تاخد معاك ميكانيكي ثقة يبص عليها و ديه برده شوية نصايح لاستلام العربية سواء جديدة او قديمة

http://www.nilemotors.net/Nile/244408-a.html

بالنسبة الصيانة لو هتعمل الصيانة في التوكيل اعتقد الاقربلك فرع الهايكستب ورا المطار
لو ملكش في التوكيل عشان الاسعار نعرف ميكانيكية و عفشةلو عايز ناس محترميين و عندهم ضمير و صنايعية
و اغلب حاجة الصيانة ان شاء الله تقدر تعملها بنفسك و احنا هنكون معاك خطوة بخطوة في بعضها او لو هتعملها بره و هنقولك ان شاء الله ايه الصيانة الدورية لكل عدد كليومترات يعني كل 10 الاف كل 20 الاف و هكذا

و احب اضيف لو حضرتك بدور ع حاجة كوسة زي الالتو بس ارخص ممكن تجيب الماروتي و اتمني الموضوعين دول يفيدوك

http://www.nilemotors.net/Nile/14710-a.html

http://www.nilemotors.net/Nile/229742-a.html

و اي استفسار اتفضل

بالتوفيق ان شاء الله

[MMMERO]

ياباشا عاجز عن الرد والشكر بجد ربنا يجعلة فى ميزان حسناتك

[Amr Axel]

يا باشا هو انا عملت حاجة ديه حاجة بسيطة
و ايه الاخبار رسيت تجيب ايه ؟؟