صرة و بلي عجل سويفت

[fmesiha]

كنت كتبت من يومين اني لبست في سوزوكي سويفت و كان فيها مشاكل.
بعد ما عملت الحاجات الاساسية في الكهرباء - دينامو و مارش- علشان اعرف امشي. رحت بقى للميكانيكا.
العربية اول ما توصل للـ 80 يركبها عفريت تصفير و رجرجة جامده قوي.
رحت واخد بعضي و رحت على الميكانكي جرب و مشي بيها قالي دي الصرة معوجة طبعا انا مش عارف من ايه بس غالبا يا حادثه يا رصيف جامد شوية.

فيايرت لو حد يعرف الصرة و البلي اجيبه منين و بكام علشان انا لسه غشيم في السوزوكي و بيتضحك عليا كتير.

كمان ليا ملحوظة ان القسم هنا نايم حبتين. يعني لما بدخل قسم الدايو - والدي معاه لانوس - تحس ان الناس صاحية و متابعة. هنا واضح ان الناس مشغولة قوي محدش بيدخل على المنتدى.

[kar!m]

الصرة ب 250 جنية تقريبا .. ده أيام ما كان عندى سوزوكى.

أنا حصلت عندى نفس المشكلة .. و غيرت البلية بس .. جبتها skf ب 70 جنية تقريبا .. و نفضتها من الصرة و ركبت الجديدة.

بس واضح ان عندك مشكلة فى الصرة كلها فهاتها كاملة بأه.

بص فى واحد اسمه الكنج ميدو فى أحمد حلمى عنده كل حاجه للسوزوكى جديد و استيراد .. أنا كنت بتعامل معاه .. هو مش مريح أوى بس شغال يعنى.

[Amr Axel]

كنت كتبت من يومين اني لبست في سوزوكي سويفت و كان فيها مشاكل.
بعد ما عملت الحاجات الاساسية في الكهرباء - دينامو و مارش- علشان اعرف امشي. رحت بقى للميكانيكا.
العربية اول ما توصل للـ 80 يركبها عفريت تصفير و رجرجة جامده قوي.
رحت واخد بعضي و رحت على الميكانكي جرب و مشي بيها قالي دي الصرة معوجة طبعا انا مش عارف من ايه بس غالبا يا حادثه يا رصيف جامد شوية.

فيايرت لو حد يعرف الصرة و البلي اجيبه منين و بكام علشان انا لسه غشيم في السوزوكي و بيتضحك عليا كتير.

كمان ليا ملحوظة ان القسم هنا نايم حبتين. يعني لما بدخل قسم الدايو - والدي معاه لانوس - تحس ان الناس صاحية و متابعة. هنا واضح ان الناس مشغولة قوي محدش بيدخل على المنتدى.

مع اني شاكك ان السبب حاجة تانية لكن الله اعلم
بس سؤال الرجة ديه بتروح بعد كده و لا بتفضل شغالة و الرجة ديه في الدريكسيون بس و لا العربية كلها
و صوت الصفارة بيبان كل ما تزيد السرعة ؟؟ و لا بعد 20 بيروح ؟؟
و جرب ترفع العجلة ع كوريك و لف العجلة شوفها هتحس انها قافشة و خشنة و لا لأ و الصوت بيبان و لا لأ

و عامة لو هتغير بلي العجل متخليش الميكانيكي يركبه بالدق خليه يركبه كبس عند الخراط عشان الاجزاء متتأثرش و لمفروض يشحملك الليلة ديه عشان صوت الخشونة متحسش بيه

و الصرة في حدود 200-250 جنيه و البلية ع حسب النوع اللي هتجيبه و صناعته بس معتقدش هيقل عن 50 جنيه
بالنسبة الاماكن فيه ناس متخصصين قطع غيار سوزوكي جديد او استيراد في احمد حلمي زي ميدو و رامي تقريبا اللي يفيديك في عناوينهم د حازم hm414

بالنسبة القسم شكرا لاهتمامك بالقسم و لكن لاحظ ان الوقت حاليا اغلب الناس في الشغل او الجامعة
لو عدي يوم و ملقتش رد نقلق و انا قلبي هينط في الشارع :)
و بما انك اصبحت احد نسور السوزوكي فنحن في انتظار تفاعلك معانا

[fmesiha]

شكرا جدا لكل الناس الممتازه اللي اهتموا و ردوا عليا و فادوني بخبرتهم.

بص فى واحد اسمه الكنج ميدو فى أحمد حلمى عنده كل حاجه للسوزوكى جديد و استيراد .. أنا كنت بتعامل معاه .. هو مش مريح أوى بس شغال يعنى.

فعلا هو مش مريح بس انا بجيب منه لان كل الناس بتشكر فيه

سؤال الرجة ديه بتروح بعد كده و لا بتفضل شغالة و الرجة ديه في الدريكسيون بس و لا العربية كلها

مش بتروح و بتفضل شغاله على طول. و في العربية كلها مش الدريكسيون بس.

صوت الصفارة بيبان كل ما تزيد السرعة ؟؟ و لا بعد 20 بيروح ؟؟

بيزيد مع السرعة و بيروح اول ما ارفع رجلي من على دواسة البنزين.

عامة لو هتغير بلي العجل متخليش الميكانيكي يركبه بالدق خليه يركبه كبس عند الخراط عشان الاجزاء متتأثرش و لمفروض يشحملك الليلة ديه عشان صوت الخشونة متحسش بيه

هو قالي فعلا دي هتركب على مكبس و هقوله على موضوع التشحيم و شكرا انك لفت نظري ليه.

الصرة في حدود 200-250 جنيه و البلية ع حسب النوع اللي هتجيبه و صناعته بس معتقدش هيقل عن 50 جنيه

200 - 250 الواحدة ولا الاتنين و كمان دي كده جديد ولا استيراد.
لان مضحكش عليك الدنيا بقت على الحديده ده غير اني محظوظ و عربية والدي اللانوس جابت وش سليندر و مبقاش في حاجه اتحرك بيها (والدي على المعاش و انا اللي بشرب صيانة الاتنين)

بالنسبة القسم شكرا لاهتمامك بالقسم و لكن لاحظ ان الوقت حاليا اغلب الناس في الشغل او الجامعة
لو عدي يوم و ملقتش رد نقلق و انا قلبي هينط في الشارع :)
و بما انك اصبحت احد نسور السوزوكي فنحن في انتظار تفاعلك معانا

صدقني انا نفسي القسم ده يبقى انشط قسم لان العربية رغم انها مطلعه عيني و فيها مشاكل قد كده بس مريحة و ناعمة و ان كانت مبتسحبش (غالبا علشان اتوماتيك).
انا لسه مبتدأ في السوزوكي و خبرتي فيه تحت الارض.

[Amr Axel]

شكرا جدا لكل الناس الممتازه اللي اهتموا و ردوا عليا و فادوني بخبرتهم.

فعلا هو مش مريح بس انا بجيب منه لان كل الناس بتشكر فيه

مش بتروح و بتفضل شغاله على طول. و في العربية كلها مش الدريكسيون بس.

بيزيد مع السرعة و بيروح اول ما ارفع رجلي من على دواسة البنزين.

هو قالي فعلا دي هتركب على مكبس و هقوله على موضوع التشحيم و شكرا انك لفت نظري ليه.

200 - 250 الواحدة ولا الاتنين و كمان دي كده جديد ولا استيراد.
لان مضحكش عليك الدنيا بقت على الحديده ده غير اني محظوظ و عربية والدي اللانوس جابت وش سليندر و مبقاش في حاجه اتحرك بيها (والدي على المعاش و انا اللي بشرب صيانة الاتنين)

صدقني انا نفسي القسم ده يبقى انشط قسم لان العربية رغم انها مطلعه عيني و فيها مشاكل قد كده بس مريحة و ناعمة و ان كانت مبتسحبش (غالبا علشان اتوماتيك).
انا لسه مبتدأ في السوزوكي و خبرتي فيه تحت الارض.

لا ديه كده ضايعة معاك اوي الحق غير و خليه يبصل ع المقصات كمان ورا و قدام
و انا عارف العربية بيت تاني و خصوصا لما تفتح في حاجة بس كلها ان شاء الله حاجات بسيطة و اللانوس حاجاتها رخيصة و ربنا يعينك
و بالنسبة القسم همتك معانا و ان شاء الله تنورنا في المقابلات القادمة
و منتظرين تقارير مصورة عن تغيير الحاجات ديه كلها و الصيانات مع اني كنت منتظر تقرير بعد استلام العربية بس شكلك نسيتنا :)

و بالتوفيق ان شاء الله

[fmesiha]

متشكر جدا Axel على تعبك و ذوقك. صدقني انا كنت فرحان بيها لما جبتها و كنت ناوي افرجكوا عليها بس اتنكدت بسبب اللي فيها و ده سد نفسي عن اني اعمل حاجه.
بس صدقني هحاول اني اصورلكم الحاجات الجايه و ادعولي تخلص كويس و متكلفش كتير. لاني فعلا بدأت افكر اني ابيعها.