الف الدركسيون العجل ملفش ؟؟؟

[minaerian]

انا معايا ماروتي 2009 امبارح كنت ماشي عل المقطم علي 80 و جيت الف الدركسيون شوية عشان كنت في ملف صغير لقيت العجل مبيلفش معايا اعدت الف الدركسيون لغية ما جبت اخر الشمال لقيت العتل ضرب مرة وحد ناحية الشمال رحت جابتوا بسرعة ناحية اليمين عشان كان الطريق اتجاهين و واسع لقيت العربية خمست مش عارف ازاي المهم العربيات فرملت علايا و طلعت سليم الحمد لله
انا اعت بعد كدة بتاع نص ساعة مش عارف اعمل ايه وبعد كدة قلت امشي بيها لغيت ماوصل البيت
و مشيت علي الاول والتاني لغية البيت كانت تمام
الموضوع اني خايف اروح للمكنيكي يغيرلي اي حاجة و انا مش فاهم وتعمل كدة تاني ....
يا ريت تساعدوني

[SAMEH_FOUAD]

اتاكد من بارات علبة الدركسيون

[dr.hazem]

بارات الدركسيون عايزة تربيط

واضح انك مربطتش العفشه من ساعة مجبتها


تحياتي

[ALMAGICO]

انا حصل معايا نفس اللى حصل مع حضرتك
وروحت بعدها للعفشجى طلعت علبة الدركسيون مفكوكة خالص

[minaerian]

روحت انهاردا للعفشجي و قلي العربية زي الفل مفهاش اي حاجة !!!!!!!!!!
و واحد تاني قالي احشيلك علبة الدركسيون !!!!!!!!!!
المهم انا رحت بيها كذة حتة و مشيت علي كذا طريق بس العربية تمام و معامالتش حاجة تاني
بس انا معدتش ال70

[dr.hazem]

انت متأكد ان انت لفيت الدركسيون العربية ملفتش؟؟؟
يعني نزلت شفت العجل لقيته مش لافف مع انك كسرت الدركسيون عالآخر؟؟؟
اصل لو مشفتوش بعينك ممكن كل اللي حصل معاك حاجه بنسميها اندر ستيير ودي بتحصل في عربيات الدفع الامامي على سرعات لو واخد ملف على سرعه عاليه

[minaerian]

اللي حصل معاك حاجه بنسميها اندر ستيير ودي بتحصل في عربيات الدفع الامامي على سرعات لو واخد ملف على سرعه عاليه

يعني ايه ؟؟؟؟؟؟
هو انا كنت علي سرعة بس اكيد مشفتوش بعيني

[dr.hazem]

يعني ايه ؟؟؟؟؟؟
هو انا كنت علي سرعة بس اكيد مشفتوش بعيني

اها

لا متقلقش
مفيش حاجه في العربية
كل المشكله انك اخدت المف على سرعة عالية فحصل حاجه اسمها under steer

وده طبيعي بس خطر

وبالتالي خد بالك وانت بتاخد ملفات

وياريت تتأكد ان ضغط الهوا في العجل 27 مش اكتر لانه غالبا اكتر من كده


تحياتي

[minaerian]

هو العجل عندي 30 بس مش فاهم موضوع ال underster
انا تاعبتكوا معايا

[yoko]

فعلا العربيه عملت under steer منك وهتلاقي شرح الموضوع ده هو وال over steering في القسم التعليمي

[yoko]

وإنت لما لقيت العجل ملفش دوست فرامل صح؟
وأول ما دوست حودت جامد وبقى over steering جيت تلمها العكس ملحقتش

[minaerian]

وإنت لما لقيت العجل ملفش دوست فرامل صح؟
وأول ما دوست حودت جامد وبقى over steering جيت تلمها العكس ملحقتش

تقريباُ دا الي حصل وربنا يستر بعد كدة شكراُ كتيرر تعبتك معايا

[yoko]

تقريباُ دا الي حصل وربنا يستر بعد كدة شكراُ كتيرر تعبتك معايا

العفوا وإظبط الكاوتش 28 ولو عملت معاك كده تاني شيل رجلك من على البنزين لكن إوعى تدوس فرامل عشان متلفش منك

[yoko]

Car Handling - Grip, Oversteer & Understeer explained by Tiff Needell - YouTube

[mrghost]

طيب ما ممكن يكون كان فى رمله على الاسفلت والعربيه اتزحلقت من غير ماتحس وبالتالى العجل لف بس العربيه لا