سعدوني في حرتي يا جماعة

[medotenen]

انا معي 28000 اخري ممكن اجيب بيهم كيا برايد هاتش باك وممكن اجيب ماروتي 2008 او 2009


انا محتار بنهم البرايد تحس انها اوسع وماتورها اقوي بس موديل قديم وديما بلاقيها مهانة كدة عكس الماروتي بحس انها لسة زيرو ومتحافظ عليها سهل اجيب حاجة نظيفة منها


فانهي احسن من وجهة نظركم وانا معظم ركوبي لوحدي او معي ولدتي بس مش اسرة كبيرة يعني ولو في خيار تاني قولولي وشكرا

[Amr Axel]

الكيا حلوة لكن زي مقولت موديل قديم اكيد متبهدلة و متمرمته و ممكن تلاقي بعض قطع الغيار مش منتشرة اوي زي الماروتي

بالنسبة اي اختيار تاني هو فيه اختيارات طبعا لكن برده موديل قديم و تعبانة و مش مطلوبة زي الأول فالأفضل دلوقتي الماروتي

بالنسبة الماروتي طبعا ارجحهالك و ممكن تجيب بمبلغ اقل كمان من 28 الف نفس الموديل انت و شطارتك المهم تدور و متستعجلش و توفر الكام الف دول تظبط بيهم العربية بس المهم تكون حاجة نضيفة فعلا و متشتريش من تاجر و ده موضوع كده تراجع عليها قبل ما تشتري ان شاء الله بس برده لا يغني عن انك تاخد معاك ميكانيكي ثقة و فاهم بس اوعي تقابل ميكانيكي في السوق او المكان اللي هتشتري منه تاخده من بيتك لغاية هناك لأن في ساعات ميكانيكية يقولك تعالي هناك و يرعف ايه اللي في دماغك و يمشي يلف عليهم و يربط معاهم و تشرب انت العربية

تعالوا نعرف نعمل ايه لما نيجي نستلم عربية جديدة او مستعملة

http://www.nilemotors.net/Nile/244408-a.html

والماروتي لا يعيبها سوا انها صغيرة شوية لكن ميزة في نفس الوقت تقدر تركنها في اي حتة بدون ما تقلق لكن تشيل اسرة مكونة من 4 افراد و بتسافر و موفرة و قطع غيارها منتشرة و رخيصة و لو حبيت تبيعها مليون واحد يشتري لأنها مطلوبة جدااا و من الاخر عايز تعرف كل حاجة عن العربية شوف الموضوعات ديه

http://www.nilemotors.net/Nile/14710-a.html

http://www.nilemotors.net/Nile/229742-a.html

http://www.nilemotors.net/Nile/274773-a.html

و اي استفسار اتفضل

بالتوفيق ان شاء الله

[mesaharaty]

كلام Axel تمام التمام

وأنا أرى إن الماروتى أنسب لسيادتك من البرايد لنفس الأسباب التى ذكرت

وربنا يوفقك

[ahma8]

و الله لو البرايد او الماروتى
البرايد اقوى من المارو بنسبة مش كبيرة ولا حاجة
بس الماروتى عملية اكتر

اسمع كلام اكسل

[dr.hazem]

ماروتي وبس والباقي خس

[LORD.ADeL]

ماروتي وبس والباقي خس