النهارده كملت ال 10000

[eng_ahmedmf]

السلام عليكم
النهارده كملت ال 10000 كيلو بالماروتي انا جايبها يوم 1-12-2011 مش عارف المعدل كده كتير عليها ولا ايه بس الحمد لله
كنت عايز اعرف منكم اغير ايه و ابص علي ايه مع العلم اني بعمل الصيانه عند الميكانيكي اللي متابع معاه من زمان و انا حاطط زيت ماتور هيتغير عند 15 الف كيلو يعني لسه عليه شويه
انا هقولك اللي كنت ناوي اعمله
1-هغير فلتر الهواء
2-هبص علي التيل بتاع الفرامل لاني بتغابي علي العربيه شويتين
3-هبدل اماكن العجلات
4-هغير فلتر البنزين عشان بحط 80 من اول يوم جبتها فيه و من 3000كيلوا جبت منظف دوره الوقود
5-هدي بصه علي العفشه بوجه عام
و ياريت اسمع منكم الصح و انا لسه هبص في الكتالوج و اشوف النظام ايه بس في حاجات في الكتالوج بحس انهم مبالغين في عمرها شويه زي سير الكاتينه بيقولوا 100000 كيلوا و حاسه رقم كبير علي الماروتي فا ياريت اسمع رايكم و شكر

[Amr Axel]

السلام عليكم
النهارده كملت ال 10000 كيلو بالماروتي انا جايبها يوم 1-12-2011 مش عارف المعدل كده كتير عليها ولا ايه بس الحمد لله
كنت عايز اعرف منكم اغير ايه و ابص علي ايه مع العلم اني بعمل الصيانه عند الميكانيكي اللي متابع معاه من زمان و انا حاطط زيت ماتور هيتغير عند 15 الف كيلو يعني لسه عليه شويه
انا هقولك اللي كنت ناوي اعمله
1-هغير فلتر الهواء

لسه شوية ع فلتر الهوا لو اللي راكب الفبريكة عايز تغيره غيره ع 20-30 الف نضفه بس بالهوا



2-هبص علي التيل بتاع الفرامل لاني بتغابي علي العربيه شويتين

تمام بص عليه مع ان الفبريكة بيقعد كتيير قد تصل للــ 40 الف و بيبقي فيه كمان
و لو هتغير جيب نوع كويس عشان يقعد معاك و يحافظ ع الطنابير
و التيل الخلفي طبعا بيقعد اكتر من 100 الفو فيه ناس مبتغيروش بالسنين و بيفضل تمام

3-هبدل اماكن العجلات

اصبر شوية ع 15 الف اللي قدام رحلهم ورا و اللي ورا يمين رحله قدام شمال و اللي ورا شمال رحله قدام يمين



4-هغير فلتر البنزين عشان بحط 80 من اول يوم جبتها فيه و من 3000كيلوا جبت منظف دوره الوقود

لو تقدر تحط 90 حط هيديك اداء احسن و مش هيبهدل العربية هباب زي ال80
عايز تكمل علي 80 ياما تغير الفلتر كل فترة ياما تنضفه كل و تغيره بعد مدة و اختلف في الموضوع ده رأيين رأي بيقول متنضف لو اتنضف يبوظ و رأي يقول ميحصلشحاجة و بيشتغل
حاول متنضفش دورة البنزين كتيير يعني كل 6 شهور مثلا عشان المنظفات ديه قوية و كترها يبوط الدورة و طبعا بتنضف الثروتيل



5-هدي بصه علي العفشه بوجه عام

خدلك بصة و ربط العفشة و ممكن يزيتلك العفشة و هو بيربطها و ظبط زوايا و رصص العجل



و ياريت اسمع منكم الصح و انا لسه هبص في الكتالوج و اشوف النظام ايه بس في حاجات في الكتالوج بحس انهم مبالغين في عمرها شويه زي سير الكاتينه بيقولوا 100000 كيلوا و حاسه رقم كبير علي الماروتي فا ياريت اسمع رايكم و شكر

سير الكاتينة اخرك 30-40 الف و تغيره احتياطي كمان
راجع جميع سوائل العربية بطارية - مية خضرا ( ريداتير ) - زيت فرامل - زيت الفتيس ع 30-40 تغيره

بعد الشتا الرهيب و الاجواء اللي كانت الايام اللي فاتت اغسل العربية من تحت عشان البرومة و الموتور تغسلة مرة واحدة في السنة بس بعد الشتا و باقي السنة تنفخه بالهوا بس و ممكن امحسه بفوطة مبلولة زي ما بعمل

ربط اي مسامير تلاقيها قدامك و خاصة عند التابلوه و زيت مفصلات الابواب لو حسيت باي حاجة فيها

بلاش تمسح العربية بفوطة زفرة عشان الدهان و كل مثلا 6 شهور تظبط العربية بولش و شمع عشان تفضل محافظ ع دهان العربية

و اي حاجة فبريكة تغيرها سواء تيل او فلتر او سير خليه عندك اوعي تديه للميكانيكي او ترميه عشان تجيب عليه قطع الغيار بعد كده عشان متجبش حاجة تطلع غلط و تفضل دايخ

و ايه نوع زيت الموتور اللي بتحطه ؟؟

و سؤال هل فيه اي حاجة تانية بتلاحظها في العربية و انت ماشي او واقف ؟؟

[eng_ahmedmf]

شكرا علي المعلومات و الرد
انا بحط زيت ماتور مصر واحد بيقعد من 8 الي 10 الالف كيلوا

و انا جبت ملمع للعربيه من شهر كده و حطيته فعلا عشان احافظ علي الدهان و انا مش بستعمل فوطه زفره خالص بغسلها مره في الاسبوع بالمياه كويس و باقس الاسبوع مسحه خفيفه صباحا

انا استعملت منظف دوره البنزين كانت قرايه العداد 6000 و كنت بدات احس بنتشه صغيره وانا ماشي بعد ال 100كيلواعلي الساعه يعني تقريبا وانا علي ال120 بحس بنتشه ممكن تحصل مره او مرتين في اليوم بس
و طبعا عشان التانك صغير حطيته علي تفولتين
و بعدها النتشه قلت كتير و اوقات مش كانت بتكون موجوده بس حسيتها تاني من اسبوع هيا نتشه خفيفه جدا تكاد لا تذكر و اللي راكب معايا مش بيحسها بس انا مش بحب اسيب حاجه صغيره فا عشان كده توقعت انها من البنزين و الفلتر هوه السبب في الحكايه دي و احب اسمع رايك برضه في النقطه دي

[Amr Axel]

اعذرني ع الرد المتأخر

شكرا علي المعلومات و الرد
انا بحط زيت ماتور مصر واحد بيقعد من 8 الي 10 الالف كيلوا

طب جربت فيسكو ؟؟


و انا جبت ملمع للعربيه من شهر كده و حطيته فعلا عشان احافظ علي الدهان و انا مش بستعمل فوطه زفره خالص بغسلها مره في الاسبوع بالمياه كويس و باقس الاسبوع مسحه خفيفه صباحا

ملمع ايه ؟؟ بولش يعني ؟؟ و لو مش عايز تجيب حاجة غالية اوي في البولش عامة روح عند اي بتاع بويات و دهانات و موان و قوله عايز بولش عربية هيديك علبة لونها اصفر مد ع برتقالي العلبة بـ6-7 جنيه تقعد معاك سنين تعمل بيها العربية كل 6 شهور مثلا مش أقل عشان الدهان برده و و انا بستخدمه من زمان و لو عايز حاجة للتجاريح الخفيفة اوي و تداريها بولش سيمونز و ده بلون العربية و سعره 35-40 جنيه

انا استعملت منظف دوره البنزين كانت قرايه العداد 6000 و كنت بدات احس بنتشه صغيره وانا ماشي بعد ال 100كيلواعلي الساعه يعني تقريبا وانا علي ال120 بحس بنتشه ممكن تحصل مره او مرتين في اليوم بس
و طبعا عشان التانك صغير حطيته علي تفولتين
و بعدها النتشه قلت كتير و اوقات مش كانت بتكون موجوده بس حسيتها تاني من اسبوع هيا نتشه خفيفه جدا تكاد لا تذكر و اللي راكب معايا مش بيحسها بس انا مش بحب اسيب حاجه صغيره فا عشان كده توقعت انها من البنزين و الفلتر هوه السبب في الحكايه دي و احب اسمع رايك برضه في النقطه دي

احنا بنستخدم المنظفات ديه في اوقات متقدمة جداااا يعني بالنسبة ليا بعد الـ100 الف للانجيشكن و لو عايز ممكن كل سنة او سنتين مرة عشان كده بنقول استخدم حاجة احسن من 80 زي 90 لأن 80 هباب و هتبقي كل شوية محتاج تنضف تنضف و كده الخراطيم ممكن تبوظ عندك و تغير كله
التنتيشة ممكن يكون ليها اكتر من سبب تظبط كهربة العربية او الفلاتر عايزة تتنضف البوجيهات
اهم حاجة خلي بالك بخصوص المنظفات ديه كلها لأنها ع اد انها مفيدة لكن اللي يزيد عن حده ينقلب ضده