تقرير-مصور عن تركيب زجاج كهرباء للماروتى بالتفصيل الممل

[mrghost]

بسم الله الرحمن الرحيم
بناء علي طلب الاعضاء هقول تفاصيل تركيب زجاج كهرباء لاي عربية

اولا: السعر بالنسبه للمكن وتركيبه البابين سواء امامي او خلفي ب 150 جنيه بدون الضفيرة والزرايرز دول لوحدهم ب 100 جنيه لو هتعملهم عند الصنايعى ده

التركيب:
بياخد حوالي ساعه الا ربع للمكن بس بدون الضفيره
نيجي بقي لتكلفه عمل الضفيره (لو هتعملها بنفسك)
حوالي 25 جنيه سلك
والزراير بقي
في زرار ب7.5 جنيه وفي حاجه انضف ب 10 جنيه الاتنين شغالين عادي
وشريط لحام وترامل بحوالي 5 جنيه
ودي صوره توضح كيفيه التوصيل



*انا كنت فاكك فرش الابواب قبل ما اروحله علشان مياخدش وقت

*بالنسبه للماروتى المكن العادى بتاعها كان مربوط جامد وقرف الصنايعى علشان يعرف يفكه

*المكن اللى ركبته الحمد لله حلو وسريع

*السلك والمفاتيح موجودين في التوفيقيه في الشارع العمومي اللي فيه سنترال رمسيس اللي بيبقوا عند الناس عاملين العربيات الفولكس بترينه( فى كمان فيشه بالفيوز ممكن تجيبها 40 امبير تمنها 14.5 جنيه علشان لو حصل قفله فى اى وقت لاقد الله تبقى مأمن نفسك)

*والراجل اللي بيركب الزجاج في اول الشارع اللي قدام سنترال رمسيس علي اليمين الصنايعي اسمه (روشه) مشهور اوي هناك
بس بيفتح متأخر على فكره لما روحتله فضلت مستنى من 9 ونصف الصبح لحد الساعه 12 لما فتح

*بالنسبه لوحده الرفع للي عاوز يجبها علشان الزجاج يرفع لما تقفل بالريموت تمنها 35جنيه وولف

دي بقي صور توصيل كل نوع من الزراير
اولا صورة النوع اللى ب 7.5 جنيه

اوعى حد يعكس اى طرف سلك والا هيحصل قفله علطول

By mrghost2 at 2012-03-11




Uploaded with ImageShack.us

وده اللى ب 10 جنيه
خلوا بالكوا اوعوا تعكسوا اى سلك والا هيحصل قفله
ياريت ياجماعه كله يخلى باله

By mrghost2 at 2012-03-11


By mrghost2 at 2012-03-11



Uploaded with ImageShack.us

ودى صوره المفاتيح اللى ركبتها فى الكونسول اللى تحت الكاسيت فى الماروتى
كل اللى عملته انى خلعت كلمة ماروتى بالمفك بالراحه وجبت صفيحة منشار وقصيت منها من كل جنب على قد الزراير بالظبط


By mrghost2 at 2012-03-11


فى حاجه نسيت اقولها فى التقرير
السلك اللى من البطاريه للمفاتيح لا يقل عن 3 مللى
والسلك من الماكينه الى المفاتيح لا يقل عن 2 مللى

وأى استفسار انا فى الخدمة

[abogogo]

شغل تمام مبروك عليك الاوبشن الجديد

[dr.hazem]

شكرا جزيلا للمشاركة والتقرير الرائع

تحياتي

[Sehsss]

تقرير رائع

[mrghost]

ربنا يكرموكوا ياجماعه دايما رافعين روحى المعنويه
فى حاجه نسيت اقولها فى التقرير
السلك اللى من البطاريه للمفاتيح لا يقل عن 3 مللى
والسلك من الماكينه الى المفاتيح لا يقل عن 2 مللى

[gougou81]

شغل تمام

[elkomyalto]

الله ينور
بس انا سمعت ان فيه واحد بركبه كله على بعضه ب 180 جنيه
واليوم كنت فى التوفقيه ولقيت المكنه ب 100 جنيه تقريبا صينى

[Amr Axel]

الف مبروك يا باشا

و تسلم ايديك ع التقرير الجامد ده

اهو كده يا جماعة ادي اول شخص يتفاعل معانا بالتقارير المصورة

[hamaza81]

ماشاء الله لاقوة إلا بالله
مبروك عليك وشكرا على التقرير

[mrghost]

الله ينور
بس انا سمعت ان فيه واحد بركبه كله على بعضه ب 180 جنيه
واليوم كنت فى التوفقيه ولقيت المكنه ب 100 جنيه تقريبا صينى

فين ده ياباشا ياريت تقول
وبالنسبه للمكن اللى بيركبه مكن يابانى استيراد وعليه ضمان سنه( مكتوب عليه تويوتا)

[ahmedamr007]

ربنا يباركلك فيه ياباشا انت ركبت طبه مكان اليد؟ وجبتها منين؟

[mrghost]

لسه مركبتش بصراحه بس شوفتها بتتباع قبل كده فى التوفيقيه بس كانت كاوتش مش فبر

[ahmedamr007]

مممممم اصل جتلى فكرة و انشاء الله لما اركب هحاول انفذها وهى انى احط الزرار فوق الطبه فى كل باب تبقى اشيك ايه رأيك؟

[LORD.ADeL]

الف الف مبروك يابااشا ربنا يبارك لك فيهم
بس دلوقتى بقا للى معندوش كانسوله اللى فيه ماروتى دي يركب مفتاح فين ممكن فى كام فتحه اللى تحت زارير
شابورة والزجاج حراري ينفع ..؟ ومعلش كدة تكلفه البابين كام بالتركيب..عند راجل دة مع توصيل او لا بالانذار؟

[ihabchina]

والله كويس . ربنا يباركلك وشكرا على تقريرك الرائع