تقرير هام عن تغيير فلتر البنزين...

[dr.hazem]

كما وعدتكم باني هنزل تقارير متعددة ان شاء الله الفترة الجاية...

المرادي هتكلم عن حاجه مهمة جدا جدا

فلتر البنزين...

لسا كنا بنتكلم مع اكيل ونقول ننضفه ونرجعه تاني ولا نعمل ايه نغيره وخلاص ولا ايه الجو؟؟؟

زمان لما مكنتش فاهم قوي
كانت العربية عاملة 13 ألف كيلو فقط وحصلي نتشة غريبه
لقيت الصنايعي بيقولي غير فلتر البنزين...

طيب حاليا وبعد عمر مع العربية وقراءة متمحصة للكتالوجات ودراسة لانواع الفلاتر في السوق
توصلت للآتي:

*فلتر الفبريكا حاجه لا تعوض (والحقيقه كل قطع الفبريكا لا تعوض)

*فلتر الفبريكا لا يتم تغييره الا بعد 40 ألف كيلو سواءا بتحط بنزين 80 او 90 او 92
بس احرص لو بتحط 80 تحطه من محطه نضيفه ومتشلش هم

*الفلاتر في السوق مهما اتقالك عنها مفيش زي الفبريكا في عمره
انا لما غيرت حطيت اغلى فلتر وكان ياباني وكان ب 25 جنيه وقعد في العربية 22000 كيلو

هوريكم صوره عامله ايه...

مبدئيا اكتشفت انه فلتر غالبا مكنش بيفلتر حاجه!!
الفلتر بيعدي المية من الناحيتين زي بعض وبنفس التدفق
مفيش فرق بين الان والآوت

لما كنت فاكك فلتر الفبريكا وسبته ينشف والله كان طالع من جواه زي بودره كده وده دليل انه ماسك حاجات قطرها صغنن خالص
انما الياباني ده طلع مفهوش حاجه من جوة وعشان كده بقول انه مكنش بيفلتر!!

* الفلتر من جوه عامل زي فلتر الهوا... الياباني اللي المفروض انه انضف حاجه لقيت الجزء اللي المفروض بيفلتر فاكك من مكانه وده تفسير انه مكنش جواه حاجه

فالخلاصة اللي عايز اوصلها ان اي فلتر غير الفبريكا شيك عليه بعد اول 10 آلاف كيلو لو بيلق يبقى قلب الفلتر اتفك من مكانه وهل فيه شوائب ولا لأ لو فيه خليه لانه كويس وبيفلتر لو مفيهوش يبقى غيره لانه مبيفلترش ومن ثم بعد كده شيك عليه كل 5 وبفضل يتغير كل 20....

وكمان هحاول اركب فلتر تاني قدام قبل الكربيراتير وهبقى اعملكم تقرير جديد ليه وقتها ان شاء الله


اسيبكم مع الصور..

فلتر ياباني ومحفور فيه


قلب الفلتر فمكانه (انا حطيته فمكانه هو كان سايب):


القلب اوضح:


زاوية توضح لما الفلتر يبقى مش فمكانه:


المكان اللي المفروض الفلتر يستقر فيه:



قلب الفلتر متفتت ومش بيعيد اصلا يكون الفتات راح المكنه واتحرق هناك :


تحياتي

[dr.hazem]

السطر ده

لسا كنا بنتكلم مع اكيل ونقول ننضفه ونرجعه تاني ولا نعمل ايه نغيره وخلاص ولا ايه الجو؟؟؟

اقصد لسا كنت بتكلم مع اكسيل Axel

خطأ مش مقصود ياباشا
ههههههههههههههههههههه

[Amr Axel]

تسلم ايديك يا دكترة ع التقرير و ياما قولنا الفبريكة لن يعوض محدش صدق و الناس بتغير و ترجع تشتكي من المصايب اللي بتحصل

شكلنا هنضرب احنا الاتنين بالنار عشان بنضف الفبريكة و هيدخل لورد دلوقتي يقولنا يا جلدة منك له هههههههههه
و في انتظار باقي التقارير

[Amr Axel]

السطر ده

لسا كنا بنتكلم مع اكيل ونقول ننضفه ونرجعه تاني ولا نعمل ايه نغيره وخلاص ولا ايه الجو؟؟؟

اقصد لسا كنت بتكلم مع اكسيل axel

خطأ مش مقصود ياباشا
ههههههههههههههههههههه

يا باشا و لا يهمك فداك اسمي

بس اعمل حسابك ع تعويض شديد عشا هرفع قضية لما سببته لي من اضرار نفسية و مادية
نفسية لأنك حسستني ان اسمي صعب و مش حلو مما ادي الي اصابتي بالاكتئاب وا لاحباط
مما ترتب عليه ني اروح لدكتور نفساوي عشان اتعالج و ده كلفني اموال طائلة هههههههههههه

[dr.hazem]

يا باشا و لا يهمك فداك اسمي

بس اعمل حسابك ع تعويض شديد عشا هرفع قضية لما سببته لي من اضرار نفسية و مادية
نفسية لأنك حسستني ان اسمي صعب و مش حلو مما ادي الي اصابتي بالاكتئاب وا لاحباط
مما ترتب عليه ني اروح لدكتور نفساوي عشان اتعالج و ده كلفني اموال طائلة هههههههههههه

وماله
تعالالي وانا هعملك تخفيض عالعلاج واهو اخفف عن نفسي من قيمة التعويض شوية

ههههههههههههههههههههههههه

[gougou81]

طيب ممكن من فضلك تصورلى مكان الفلتر عشان بصرحة مش عارف الاقية

[eng_ahmedmf]

انا عربيتي عامله 10000 و بحس بالنتشه الصغيره دي و كنت ناوي فعلا اغير الفلتر ياتري النتشه دي من ايه مع العلم اني بحط بنزين 80

[Italiano81]

اخبارك ايه يا دكتور
انا فعلا حصلى تنتيشه مره او اتنين وانا ماشى وبصراحه محطتش فى بالى
المهم انا عربيتى شاريها مستعمله وكان راكب فيها فاتر ذى بتاع ال 128 فى الكبوت من اودام وكنت فى الاول فاكر ان ده هو الفلتر بس وده بس الى انا غيرته ز لو ناوى تركب فلتر تانى جيب بتاع ال 128 الروسى

[abogogo]

طيب ممكن من فضلك تصورلى مكان الفلتر عشان بصرحة مش عارف الاقية

مكان فلتر البنزين تحت عتبة الباب الخلفي خلف السائق من ناحية العجل

[abogogo]

تقرير تمام يادكتور زوووووووووم

انا بجيب الروسي او الاوكراني من التوفيقية ب 4 جنيه وكل كام تفويله بغيره وعامل اتنين فلتر واحد في مكانه المعتاد والتاني قبل الكربيراتير وشغالين تمام اللى بيعدي من الاول يتمسك في التاني وعلى فكرة مفيش تأثير على السحب

[dr.hazem]

طيب ممكن من فضلك تصورلى مكان الفلتر عشان بصرحة مش عارف الاقية

هو قدام العجلة الخلفية شمال في حافظه معدنيه ومش محتاج تفك الحافظه هو مجرد تشده من الجهه الامامي للحافظه بيطلع


تحياتي

[dr.hazem]

انا عربيتي عامله 10000 و بحس بالنتشه الصغيره دي و كنت ناوي فعلا اغير الفلتر ياتري النتشه دي من ايه مع العلم اني بحط بنزين 80

لا ياباشا مشكلتك غالبا فلتر الهوا مسدود او ظبطة الكهربا وده الاحتمال الاقل حتى لو بتحط بنزين 20 واسمع كلامي وصدقه


تحياتي

[elkomyalto]

مشكور يا دكتره على المجهود الرائع

عايزين شوية منشطاط للعربيه

[dr.hazem]

اخبارك ايه يا دكتور
انا فعلا حصلى تنتيشه مره او اتنين وانا ماشى وبصراحه محطتش فى بالى
المهم انا عربيتى شاريها مستعمله وكان راكب فيها فاتر ذى بتاع ال 128 فى الكبوت من اودام وكنت فى الاول فاكر ان ده هو الفلتر بس وده بس الى انا غيرته ز لو ناوى تركب فلتر تانى جيب بتاع ال 128 الروسى

ياباشا اللي ركب فيها الفتر ده هتلاقيه مش عارف ان العربية فيها فلتر اصلا في المكان المذكور سابقا وانا هجيب ان شاء الله الشفاف ده فعلا وربنا يكرم

تقرير تمام يادكتور زوووووووووم

انا بجيب الروسي او الاوكراني من التوفيقية ب 4 جنيه وكل كام تفويله بغيره وعامل اتنين فلتر واحد في مكانه المعتاد والتاني قبل الكربيراتير وشغالين تمام اللى بيعدي من الاول يتمسك في التاني وعلى فكرة مفيش تأثير على السحب

انا عارف يا ابو جوجو وباذن الله هجيبه الجمهة دي وربنا يكرمنا

لازم اشوفك في المقابله ولا ايه؟؟؟

[gougou81]

مكان فلتر البنزين تحت عتبة الباب الخلفي خلف السائق من ناحية العجل

شكرا كتير ليك
وكمان شكرن للتعون من الناس فى الجروب تاعكو على الفيس شرحولى مكانة بالتفصيل