تركيب فلتر بنزين ثاني للماروتي...تقرير

[dr.hazem]

ازيكم ياشباب

احلى تقرير جديد في ظل اقوى عدوان عالقسم

يأبى قسم السوزوكي ان يترنح وان يتخاذل في ظل عدوان شنوري والاجتماعي

واكبر دليل على الصمود اننا نمارس هواياتنا المعتاده في ظل الهجوم

في عز ما هما كانو بيهاجمونا الصبح كنت انا بجرب تجربة للماروتي والحمد لله نجحت وعملتها في عربيتي وعربية ابن خالتي والاتنين زي منتو عارفين ماروتي...


النهاردة ركبت فلتر بنزين تاني للعربية قبل الكربيراتير

الموضوع بدأ بعد ما شفته مشكلة فلتر البنزين القديم اللي المفروض انه اصلي وياباني

في الموضوع ده

http://www.nilemotors.net/Nile/276799-a.html

ففكرت اعمل حاجه اشوفها بعيني وتبقى مؤشر ليا

فنزلت التوفيقيه النهارده مع منسقنا الرفيق ركن عمرو axel

وجبنا فلتر لادا اوكراني ب 5 جنيه شفاف
وكان الهدف انه شفاف فعلا عشان يبقى مراية الفلتر الوراني

ازاااااااي؟؟

بكل بساطه
لو في زباله ووساخه في الفلتر القدماني يبقى الخلفي باظ ويحتاج تغيير

طيب
اول حاجه الكل هيسألها

الموضوع ده ملوش اضرار؟؟؟!!

هقولك من الناحية النظريه ومن ناحية التطبيق...

الناحية النظريه
ان كده احنا طولنا سكة البنزين شويه وزودنا المقاومه بفلتر تاني كمان وده احتمال يضعف طرمبة البنزين شويه
يعني بدل مهتعيش 15 سنه هتعيش 12
ههههههههههههههههههه


ده كلام نظري بحت طبعا ولا وجود له على ارض الواقع عندنا
ليه؟؟؟
الفلتر مش مقاومه عاليه الا لو اتسد
الطول اللي هتزوده تقدر تتحكم فيه ومش هيكمل لو انت عايز 6 سنتيمتر ودول مش حاجه يعني
الطرمبة اللي عندنا ميكانيكيه مش كهربائيه بتعتمد عالشفط فالموضوع ميكانيكي بحت وبالتالي مفيش ضغط ولا حاجه

طيب عيوب تانيه؟؟

عيب ان لو الفلتر متحطش فمكان حلو وكان فمكان فيه حراره ممكن بعيد الشر يعمل مصيبه

هنرد عليه بانه ماللادا شغاله من 100 سنه والفلتر قدام جنب الماتور ومعمرناش سمعنا عن مشاكل

وهنروح بعيد ليه
ابوجوجو من زمان ماشاء الله عامل الموضوع ومفيش مشاكل


عيوب عيوب عيوب؟؟؟؟

معتقدش فيه تاني

طيب نيجي للمميزات:

اولا زيادة امان بالذات للي بيعبي بنزين 80 وما اكثرهم

ثانيا عملنا مونيتور ونظام مراقبة لكفائة الفلتر الاساسي في العربية

ثالثا ودي بقا اللي متخيلتهاش ياجدعان
العربية بقت تدور اسرع واحسن وارسى ومترجش

ايوة والله

ههههههههههههههههههههه

ازاي بقا هقولكم

العربية لما بتدور بتدور ببقايا البنزين الموجوده في حوض الكربيراتير
وعشان كده العربية لما بتسيبها كذا يوم والبنزين يكون اتبخر من حوض الكربيراتير عمرها مهتدور الا لما تكاركلها بنزين كذا مره وتحاول ولو شلت رجلك عن البنزين او مشدتش الشفاط هتطفي لان البنزين مبيكونش لحق جه من الخط بتاع البنزين زي مقلت لانها طرمبة ميكانيكيه فبتاخد وقت

كل ده ماله بموضوعنا؟؟؟

الفلتر دلوقتي بقا عامل زي حوض الكربيراتير.... بقا خزان بنزين امامي وبيوفر البنزين للكربيراتير في الوقت اللي الطرمبه لسا مضختش بنزين للكربيراتير
فهتلاقي العربية بتدور اسرع والكلام ده انا بقوله بعد ماجربت في عربيتين ولاحظنا الفرق بنفسنه وكانت حاجه مفرحة جدا جدا الحمد لله


طيب نيجي لنقطة التنفيذ

1-الادوات
2-فلتر روسي شفاف
3-مفك العربية الصليبه وعاده مع بعض
4-بنسة لفك الافيز الفبريكا اللي قافل عالخط
5-وصلة خرطوم بنزين خد معاك الفلتر وقوله عايز حتة خرطوم تركب على ده وقيس عند الراجل بدل متروح وترجع
6عدد اتنين افيز ربط


التطبيق
هتفتح الكبوت وبص بعين عاليمين هتلاقي وصله معدنية طالع منها خرطوم داخل على بتاعة مدورة قبل الكربيراتير

هي دي المقصوده

انا محبتش اقص منها انما لو مش عايز تطول المسافه ممكن تقصها من النص وتوصل كل طرف بالفلتر وتربط القفايز وخلص الموضوع

انا فكيت الخرطوم من الكعبيره المذكوره اعلاه وذلك بفك الافيز ومن ثم اخذ الخرطوم الصلي ووضعه مكان الداخل للفلتر وخد الوصله الجديده وصله لطرف الخارج من الفلتر للكعبيره وقفل قفايزك كويس واتأكد ان مفيش تسريب بنزين ولو لقيت ربط قفايزك كويس جدا

عشان تعرف اتجاه الان والاوت في الفلتر هتلاقي سهم كاتبلك اتجاه مرور البنزين عشان يتفلتر.....

اول مره هتدور العربية فيها هتدولها كالعاده بعدها التدويره التانيه لما الفلتر يكون ملا هتدعيلي وهتحس بالفرق باذن الله...

نيجي للصور بقا :

هذه هي الكعبيره المنشوده ويلاحظ انها فظهر الاسبراتير نوعا ما




وآدي الخرطوم من اوله بالفلتر بالوصله الجديده


وهنا كانت نهاية التقرير وجاهز لاي استفسارات ان شاء الله

وعايز اشوف شباب العدوان عملو ايه بقا خلال العدوان فحياتهم
هههههههههههههههههههههههه


تحياتي

[ahmed_mido1889]

الله ينور يا باشا

شوفت الاحتلال شغلكم ازاي

هي الفكره ب اهم حاجه يبقي بعيد عن السخونه والبوجيهات والاسبراتير
هي دي المشكله الي بتحصل في العربيات لما يكون الفلتر كده

[dr.hazem]

الله ينور يا باشا

شوفت الاحتلال شغلكم ازاي

هي الفكره ب اهم حاجه يبقي بعيد عن السخونه والبوجيهات والاسبراتير
هي دي المشكله الي بتحصل في العربيات لما يكون الفلتر كده

ياباشا ده على اساس القسم مش شغال
هههههههههههههههههه
انا عايز اقولك ان خلال 72 ساعه في اكتر من تقريرين مصورين اتحطو تقولي احتلال؟؟؟!!!

ههههههههههههههههههههههههههههه

الرك عاللي مبيعرفش وهو يحارب يعمل حاجه تانيه


تحياتي

[elkomyalto]

الله ينور يا دكتره
بس الموضوع ده ينفع فى الالتو ؟؟ظ

[hamaza81]

تمام يا دكتور

[Amr Axel]

تسلم ايديك يا دكترة ع التقرير الجامد و متفكرنيش بالواد بتاع الفلتر بدل ما انزل مخصوص اضربه ههههههههههه
صحيح ايه اخبار الكلبسات الزفت بتاعتي ديه هههههههههه

[Amr Axel]

الله ينور يا دكتره
بس الموضوع ده ينفع فى الالتو ؟؟ظ

لا يا ريس معتقدش هينفع عشان احنا انجيشكن لأن انت اول ما بدور الكونتكت نص دوارة الانجيشكن بياخد أمر ان البنزين يتسحب ع الموتور فبيبقي جاهز الحل اننا نظبط فلتر البنزين و نحط بنزين كويس
و عايز تعرف امتي افتح اكلونتكت نص فتحة كأنك بتفتح الكاسيت بس و ركز و اسمه هتلاقي صوت بيعمل اااااااااااااممممممممم بس خفيف لازم يكون هدوء و تركز

[dr.hazem]

الله ينور يا دكتره
بس الموضوع ده ينفع فى الالتو ؟؟ظ

لو عايزين نفكر اصبر اشوف عربية اكسيل ان شاء الله النهارده واردلكم

تمام يا دكتور

تمام التمام ان شاء الله

تسلم ايديك يا دكترة ع التقرير الجامد و متفكرنيش بالواد بتاع الفلتر بدل ما انزل مخصوص اضربه ههههههههههه
صحيح ايه اخبار الكلبسات الزفت بتاعتي ديه هههههههههه

اسكت دنا لقيته بيتباع تحت البيت ب نفس السعر
هههههههههههههههههههههههه
انسى الكليبسات دي ياعم وهات السود وانجز

لا يا ريس معتقدش هينفع عشان احنا انجيشكن لأن انت اول ما بدور الكونتكت نص دوارة الانجيشكن بياخد أمر ان البنزين يتسحب ع الموتور فبيبقي جاهز الحل اننا نظبط فلتر البنزين و نحط بنزين كويس
و عايز تعرف امتي افتح اكلونتكت نص فتحة كأنك بتفتح الكاسيت بس و ركز و اسمه هتلاقي صوت بيعمل اااااااااااااممممممممم بس خفيف لازم يكون هدوء و تركز

بص ياعمور تمام اللي انت بتقوله
بس لو على مبدأ فلتر تاني فده سهل نركبه

بص هقولك الفكره لما نتقابل باذن الله


سلامووووووووووز

[LORD.ADeL]

مبروك يابااشا الف مبروك تقرير روعه وسرد واقعي وعفوي ممتاز منك تقريبا بقا عندنا كوبي باست لتقارير بنفس
نظام ههههههههههههههههههههههههه بتوع الرزز
ماشا ءالله ربنا يبارك بقولك ايه طيب يا دوك بدال فى شغل مكانيك فى مقباله ما نجيب كمان اسبري تنظيف كربراتير بالمرة وبردو نشوف مين اللى كهرباء عليا ووطيه ونضبطه وحوارات دي بس كدة معاد يكون بعد صلاة ان شاء الله وش علشان نقدر نعمل الشغل فى كل عربيات اللى هتجي ولا ايه رئيك..؟

[dr.hazem]

مبروك يابااشا الف مبروك تقرير روعه وسرد واقعي وعفوي ممتاز منك تقريبا بقا عندنا كوبي باست لتقارير بنفس
نظام ههههههههههههههههههههههههه بتوع الرزز
ماشا ءالله ربنا يبارك بقولك ايه طيب يا دوك بدال فى شغل مكانيك فى مقباله ما نجيب كمان اسبري تنظيف كربراتير بالمرة وبردو نشوف مين اللى كهرباء عليا ووطيه ونضبطه وحوارات دي بس كدة معاد يكون بعد صلاة ان شاء الله وش علشان نقدر نعمل الشغل فى كل عربيات اللى هتجي ولا ايه رئيك..؟

طب محنا قلنا ياعدول
اللي عايز يعمل حاجه من الصيانات الخفيفه يجيب معاه القطع وتتعمل ان شاء الله


بمعنى

اللي عايز ينظف كربيراتير يجيب المنظف وهنعمله باذن الله

اللي عايز يغير التيل يجيبه
اللي عايز يغير لمض
اللي عايز يركب زرار يجيب الزرار والسلوك والترامل وما الى ذلك ونركبه ان شاء الله

وهكذا

وانا عن نفسي في احتمال نصلي الجمعه هناك


هنرتبها بالظبط بس منسقنا هو اللي هيرتبها ان شاء الله


تحياتي

[dr.hazem]

بعد الاطلاع على موتور الألتو

التركيب سهل وممكن ان شاء الله للي عايز

طبعا مجربناش انا وآكسيل لما شوفنا لكن يركب ونص وتلات ارباع

ولو حد شايف ان الحوض ضيق وهو مش عايز يحط ممكن نركب الفلتر التاني بوصله بعد الاساسي بس كده هتكون ضيعت ميزة انه يبقى قدامك ويعمل مونيتور للي قبله


تحياتي

[dr.hazem]

نسيت اقولكم التكاليف ياشباب

الفلتر ب 5 جنيه
افيزين بجنيه
الخرطوم ب 2 ونص

يعني 8 ونص جنيه

لو عايز توفر هتجيب الفايز من التوفيقيه هتلاقي ال 4 بجنيه
والخرطوم
هههههههههههههههههههههههههه



تحياتي

[LORD.ADeL]

طب محنا قلنا ياعدول
اللي عايز يعمل حاجه من الصيانات الخفيفه يجيب معاه القطع وتتعمل ان شاء الله


بمعنى

اللي عايز ينظف كربيراتير يجيب المنظف وهنعمله باذن الله

اللي عايز يغير التيل يجيبه
اللي عايز يغير لمض
اللي عايز يركب زرار يجيب الزرار والسلوك والترامل وما الى ذلك ونركبه ان شاء الله

وهكذا

وانا عن نفسي في احتمال نصلي الجمعه هناك


هنرتبها بالظبط بس منسقنا هو اللي هيرتبها ان شاء الله


تحياتي

مش لاقي كلام اقوله والله وعامتا هشوفلكم جامع جنب منطقه هناك وباذن الله نقضي يوم جميل باذن الله