صوت في تابلوة الماروتي

[moneesinger]

يا جماعة انا لسه جايب العربية بقالي شهرين بس, و بصراحة في الأول كانت العربية عاجباني اوي, بس مع الوقت حسيت ان العربية مخستعة اوي, كل شويه الاقي فيها حاجة شكل, المهم دلوقتي اني بسمع صوت حاجة زي ما تكون محلولة في التابلوه و مش بتظهر الا لما امشي على طريق مش مرصوف كويس مع العلم ان الطرق زي ما انتو عرفين ما يعلم بيها الا ربنا, انا عايز اعرف لو حد يدلني الصوت ده ممكن يكون جاي منين و اعمل ايه ؟ و هل ده بيحصل لكل اللي معاهم ماروتي عادي ولا ده حظي النحس.

[msa142]

حضرتك ممكن تشيل اى حاجة بتعمل صوت من درج التابلوه والطفاية لو بتحط فيها فكه .. وجرب شوف لو الصوت لسه موجود حاول تسمع الصوت جاى منين بالظبط عشان اعرف اساعدك

[moneesinger]

انا شايل كل حاجة و مش حاطط حاجة اصلا, انا الصوت جاي من عند العدادات اللي قدامي و من الهوايات اللي في النص

[dr.hazem]

انا شايل كل حاجة و مش حاطط حاجة اصلا, انا الصوت جاي من عند العدادات اللي قدامي و من الهوايات اللي في النص

هل الصوت بيحصل والعربية بارده ولا حتى لو سخنت؟؟؟

العربية موديل كام عامله كام كيلو واخر صيانة ليها كانت ايه؟؟؟


تحياتي

[moneesinger]

الصوت بيطلع و انا ماشي على طريق مش مرصوف و متنيل ، العربية موديل ٢٠١١ و اخر صيانة ليها كانت من شهر و نص ، و العربيية دلوقتي عمله ٤١٠٠ كيلو .

[moneesinger]

is there any reply ???????????????????

[dr.hazem]

الصوت بيطلع و انا ماشي على طريق مش مرصوف و متنيل ، العربية موديل ٢٠١١ و اخر صيانة ليها كانت من شهر و نص ، و العربيية دلوقتي عمله ٤١٠٠ كيلو .

ياعزيزي
هو غالبا العربية مفيهاش حاجه بس طبيعة الطريق بتخلي العربية تتفكفك

ربط العفشة وربط مسامير التابلوه وشوف الدنيا اخبارها ايه ومتنساش تنضف فلتر الهوا لانه ممكن يكون مسدود والعربية متبرجله


ولو حابب تعالا المقابله يوم الجمعة ونشوفلك العربية على ارض الواقع باذن الله

تحياتي

[moneesinger]

thanks for your advise

[Amr Axel]

كما قال الاخوة ربط اي مسامير في التابلوه او كلبسات اتكسرت او وقعت ركبها
و ربط العفشة و شوف الدنيا فيه ايه
بس يا ريت الكتابة تكون باللغة العربية لأن الكتابة بحروف انجليزية مخالف لقوانين المنتدي

[moneesinger]

شكرا و انا شيكت على كل حاجة و لسه مربط عفشة و برضو الصوت موجود, الصوت جاي من التابلوة , صوت حاجة محلولة في التابلوه , مش عارف اعمل ايه

[dr.hazem]

شكرا و انا شيكت على كل حاجة و لسه مربط عفشة و برضو الصوت موجود, الصوت جاي من التابلوة , صوت حاجة محلولة في التابلوه , مش عارف اعمل ايه

تعالا المقابله ونشوفلك الموضوع باذن الله


تحياتي

[Samir345]

غريبة حكاية الصوت دي؟؟؟؟
أنا معايا ماروتي 2009 و ما فيهاش الحكاية دي خالص
و موضوع تربيط العفشة ده مش بالعة بصراحة ف عربية 2011 و كمان لسة ما كملتش 5000 ك
هو في احتمال مش مؤكد ان ما فيش صوت و لا حاجة و هي مجرد صوت رجرجة المطبات!!!!
أو يمكن حضرتك كنت راكب عربية عزل الصوت فيها احسن من الماروتي
لأن الماروتي معروف عنها انها مش كويسة ف موضوع عزل الصوت...و الله أعلم

[dr.hazem]

غريبة حكاية الصوت دي؟؟؟؟
أنا معايا ماروتي 2009 و ما فيهاش الحكاية دي خالص
و موضوع تربيط العفشة ده مش بالعة بصراحة ف عربية 2011 و كمان لسة ما كملتش 5000 ك
هو في احتمال مش مؤكد ان ما فيش صوت و لا حاجة و هي مجرد صوت رجرجة المطبات!!!!
أو يمكن حضرتك كنت راكب عربية عزل الصوت فيها احسن من الماروتي
لأن الماروتي معروف عنها انها مش كويسة ف موضوع عزل الصوت...و الله أعلم

ياباشا تربيط العفشه في كل العربيات بيتم عند اول 1000 كيلو وخصوصا لما يكون بيطلع شوارع زي اللي بيوصفها

بالنسبه للعزل لو مكنتش شفت بنفسي الماتور معزول قد ايه كنت قلتلك كلامك مظبوط بس عزل الماتور عالي جدا وانا ركبت عربيات تانيه وعارف الماروتي عزلها عامل ازاي

وعموما مش هنختلف بس منور المنتدى

تحياتي

[Amr Axel]

ياباشا تربيط العفشه في كل العربيات بيتم عند اول 1000 كيلو وخصوصا لما يكون بيطلع شوارع زي اللي بيوصفها

بالنسبه للعزل لو مكنتش شفت بنفسي الماتور معزول قد ايه كنت قلتلك كلامك مظبوط بس عزل الماتور عالي جدا وانا ركبت عربيات تانيه وعارف الماروتي عزلها عامل ازاي

وعموما مش هنختلف بس منور المنتدى

تحياتي

+11111111

و طبيعي المطبات و الشوارع المكسرة عندنا من غير حاجة العفشة هتفك و تبقي محتاجة تربيط و ظبط زوايا كل 3 شهور و يمكن أقل

[moneesinger]

يا جماعة ده انا بربط عفشة كل شهر مش 3 شهور, و بعدين انا كنت راكب 128 يعني لا عزل صوت و لا نيلا, و الصوت ده مكنش موجود من ساعت ما جبت الغربية لحد الشهر اللي فات, و الصوت ده فعلان قرفني و جاي بالظبط من البتاعة اللي قدامي و غالبا غالبا الصوت ده جي من البتوع اللي بيظبطو التكيف اللي على اليمين اللي بتلف ده. لو حد يقدر يسعدني يبقى كتر خيره.