حرب البوجيهات!!!

[dr.hazem]

بعد السلام ومن غير كتر كلام

دخلت في تحدي مع البوجيهات والبنزين وكل الهم اللي ميتلم ده


البداية كانت باني غيرت طقم البوجيهات اول اما جيت من السفر عشان العربية كانت مركونه وحالتهم معجبتنيش

كانت اول الاعراض زنة في الكاسيت مع البنزين ودي بتبقى لان عزل البوجيهات وحش


ومن ثم الزنه بقت مقرفه

بالصدفه لقيت حد كاتب ان بوجيهات ان جي كي اللي في السوق بقا في مضروب كتير جدا

واثناء عملية التمحيص والتفحيص وكل ما هو هيص وبيص
لقيت على موقع ان جي كيه ازاي تفرق المضروب من الاصلي
شوفو الصور والفيديو

PLUG STUDIO / NGK

ومن ثم انا قلت ليكون البوجيهات اللي عندي مضروبه

مصدقتش خبر ونزلت للعربية
افك اول بوجيه .... شكله مضروب
اللي بعده مضروب
اللي بعده مضروب
اتضايقت

ألف وأسأل ياجدعان معقول ومش عارف ايه وازاي وليه

قلت ماشي خليهم دلوقتي واشوف هعمل ايه

طلعت البيت اقلب في الاكياس

لقيت 3 اطقم (9بوجيهات) قدام
واحد كنت ركبته 3 آلاف كيلو ومعجبنيش مع انه اقرب واحد للفبريكا (حيث ان الفبريكا بوجيهات كودها BPR5ES اما دول فكانو BPR6ES والفرق بينهم المفروض مش كبير

الاطقم التانيه اطقم قديمة من اللي كل الماروتيه مركبينهم اللي هوا BP6EY واحد منهم كنت مخليه لتنظيف الكربيراتير

المهم بقا انا رحت جبت الطقم الاولاني ونضفته بسرعه هوا كان نضيف اصلا وركبته

النتيجه الزنه راحت تماما الحمد لله

بس حاسس نفس الاحساس القديم انه مش مظبط العربية

توكلت على الله ونضفت طقم من بتوع الكربيراتير اللي بنظف بيهم وكانو فحمة سوده طبعا وهبقى احطلكم الصور

وظبطته وركبته والزنه فضلت مختفيه وصوت العربية احسن كل ده وانا مركبتش اللي اشتريتهم من كام يوم
خايف منهم الحقيقه

الشاهد ان فعلا في حرب في البوجيهات والواحد مش عارف يعمل ايه

هو مفيش في البلد دي حاجه مش بتضرب؟؟؟


انا قلت اجرب البوجيهات القديمه لاني متأكد انها اصلية ومعنديش شك لثانية فيهم
الجداد اللي جبتهم انا ان شاء الله واثق انهم ممتازين بس عايز اغيرهم في معاد معين مع الزيت عشان انا بحب الارقام الصحيحه فمواعيد الصيانه


هرفقلكم صور كمان شويه


تابعونا


تحيتي

[lanos2004]

انا تعبت زيك والاخر ركبت دينسو وشغاله تمام

[dr.hazem]

البوجيه اللي شبه الفبريكا



وده الطقم اللي بنظف بيه وباين الفرق بين البوجيه النظيف والباقيين الفحمة







ادوات التنظيف اللي استخدمتها



بعد التنظيف للتلاته:





ايه رأيكم؟؟؟

[dr.hazem]

انا تعبت زيك والاخر ركبت دينسو وشغاله تمام

انا مبحبش غير الان جي كيه

هههههههههههههههههه

لا تقولي بوش ولا تقولي دينسو هوا الان جي كي بس نجيبهم من التوكيل بتاعهم...

[LORD.ADeL]

اصلي يا دوووووك والله شغل عالي
بوجيهات اشتكت منك ع فكرة هههههههههههههههههه
ياريت نلاقي زي الاصلي ربك يبعت تسلم الايادي ياكبيررر

[elkomyalto]

ربنا يستر لانى ناوى اشترى بوجيهات قريبا
عموما تقرير ممتاز يا حزووووم

[Amr Axel]

تسلم ايديك ع التقرير يا باشا
مش دول اللي ورتهملي عند الجزيرة لما قارنا بين الفبريكة و بينهم و قولنا يقتربوا ؟؟ و لا طقم تاني عشان دوخت من اطقم البوجيهات عندك ههههههههههههههه

[dr.hazem]

ربنا يستر لانى ناوى اشترى بوجيهات قريبا
عموما تقرير ممتاز يا حزووووم

لا انت متقلقش خالص يا كومي لأن بوجيهاتك موجوده بنفس الكود بنفس كل حاجه والبوجيه بتاع الألتو مميز جدا فصعب يضرب
انما البوجيه اللي عندنا عربيات كتير بتستخدم نفس البوجيه ده عشان كده لو اتضرب بيجيب همه
ههههههههههههههههه

تسلم ايديك ع التقرير يا باشا
مش دول اللي ورتهملي عند الجزيرة لما قارنا بين الفبريكة و بينهم و قولنا يقتربوا ؟؟ و لا طقم تاني عشان دوخت من اطقم البوجيهات عندك ههههههههههههههه

مش فاكر والله
صدقني من كتر الأطقم اللي عاملهم فئران تجارب مبقتش عارف

هههههههههههههههههه

[hamaza81]

مش عارف ياعم القسم دا ماله كدة
واحد يغسل الفلتر ويكوية
وواحد ينضف بوجيهات

طب شوفولنا واحد كيميائي كدة يعمل تنقية للزيت المستعمل عشان نوفر بقى
ويبقى شعارنا إعادة تدوير قطع الغيار

ونغير اسم القسم ونخليه "البخــــــــــلاء"

[elkomyalto]

مش عارف ياعم القسم دا ماله كدة
واحد يغسل الفلتر ويكوية
وواحد ينضف بوجيهات

طب شوفولنا واحد كيميائي كدة يعمل تنقية للزيت المستعمل عشان نوفر بقى
ويبقى شعارنا إعادة تدوير قطع الغيار

ونغير اسم القسم ونخليه "البخــــــــــلاء"

هههههههههههههههههههه

ده مش بخل يا حماذذه
دا حب التجربه ( اشكين يعنى )

[dr.hazem]

هههههههههههههههههههه

ده مش بخل يا حماذذه
دا حب التجربه ( اشكين يعنى )

بالظبط هي اكشيييييييييين

لسا لما افك البوجيهات اشوف لونهم ايه واخبارهم

ههههههههههههههههه

بس انا جربتهم والاداء ما شاء الله ممتاز ولا غبار عليه فشكلي هكملي بيهم شوية كده واغيرهم مع الزيت ان شاء الله

[D . a .\ AYMAN]

أنا بجيب الإن جي كيه .. من وكيل معتمد في المعادي

لو دخلت شارع 9 من الأتوستراد هاتفضل ماشي فيه تعدي مؤمن وكل الكلام ده لغاية قبل آخره بشوية فيه هناك توكيل عربيات صيني مش فاكره تدخل الشارع اللى قبله على طول هاتلاقيه في أول تقاطع على اليمين

ده بإذن الله مضمون باروحله مخصوص عشان أجيب البوجيهات من عنده

[Amr Axel]

أنا بجيب الإن جي كيه .. من وكيل معتمد في المعادي

لو دخلت شارع 9 من الأتوستراد هاتفضل ماشي فيه تعدي مؤمن وكل الكلام ده لغاية قبل آخره بشوية فيه هناك توكيل عربيات صيني مش فاكره تدخل الشارع اللى قبله على طول هاتلاقيه في أول تقاطع على اليمين

ده بإذن الله مضمون باروحله مخصوص عشان أجيب البوجيهات من عنده

انا سألت قبل كده في توكيل ان جي كي ملقتش البوجيهات بتاعتنا dcpr7e مقاس 16 سن 14
هو فرع المعادي ده اللي هو عادل توفيق او التوفيق حاجة زي كده ؟؟ عشان لو كده هروح مخصوص اجيب من هناك

[D . a .\ AYMAN]

هو فعلا اسمه حاجة زي كدة ... انا بجيب من عنده المقاس بتاعنا على طول

بس خلي بالك لأن لو سيبته هو يجيبهولك هايديك سن 16 مش 14 .. لأن عنده في الكتالوج بتاعه الألتو السن بتاعها 16 مش عارف إزاي

وماكانش مقتنع ومارضيش يديني الـ 14 وما اقتنعش بيه إلا لما كلم مهندس في التوكيل في مودرن موتورز وقاله فعلا السن بتاعها 14 ... والمهندس ده حتى أنا كنت عارفه واتكلمت معاه برضه بس مش فاكر اسمه عشان كان من زمان أيام ما كنت بعمل عندهم صيانات

[mesaharaty]

أنا بقى أول امبارح اشتريت نوع بوجيهات جديدة ومش معروفة فى السوق (BWP) ومكتوب عليها إنها مصنوعة فى EEC وبالبحث تبين إن المقصود بالإختصارات دى هو : إتحاد أوروبى ، ومكتوب عليها عنوان فى بريستول - إنجلاند - وعليها chart بيعمل مقارنة بين رقم الموديل ومثيلاته فى الدنسو و NGK وبوش . سعر الثلاث بوجيهات 22 جنيه ولم يتم تجربتها بعد .
وبسؤال البائع قاللى إن الماروتى شغالة من النوع ده وحتى فى التوكيل بيشتغلوا منه .
ربنا يسهل بقى وتطلع حلوة لما تتركب
ودى صورتها وأنا اشتريت العلبة المربعة اللى على الشمال
حد يعرف حاجة عنها ؟؟؟؟