مواقف وطرائف .. السوزوكيه .. (متجدد)

[elkomyalto]

انت راجل بركة

الله يباركلك يا حماده
ويحفظ طريقك اللهم امين

[elkomyalto]

قدر ولطف .... الحمد لله

فعلا والله يا ابوجوجو
ربنا سترها مع الواحد
كل ما اتخيل انى لو كنت ماعديتش من المقطوره والحجر ده وقع
كنت هعمل ايه ولا كان زمانى فين الان ....!!!!!

اقول الحمد لله حمدا كثيرا

[msa142]

لقيتها ع بيدج المنتدى ع الفيس
صورة مسخرة .. دخل ازاى نفسى اعرف

[alking_2006]

لقيتها ع بيدج المنتدى ع الفيس
صورة مسخرة .. دخل ازاى نفسى اعرف

جامدة موووووت

[bambino]

واخد شغلانه في الرحاب ومركب معايا اربع عمال ورايح الرحاب بالليل وقبل البوابه 13 في حفرة ملهاش حل وانا ماشي بسرعة ورحت دييييييييييييييييييييييييييب نازل الحفرة بالعجلتين اليمين ورا وفجأة لقيت العربية بتدبدب وهي ماشية ومالت جهة اليمين روحت واقف يمين الطريق ونزلت لقيت الفردتين على الجنط والجنط معوج عوجه صعبه روحت نازل رافع العربية بالكوريك وفكيت العجلة الامامية وحاطت طوبتين ورافع العربية من ورا وفكيت العجلة الخلفية وواخدهم واتصلت بصديق في الرحاب جه وأخدني ودخلت الرحاب ووداني لمنطقة الحرفيين بداخل المدينة عند بتاع كوتش استعدل الجنطين ورصصهم واخد 15 جنيه فقط ...!! ورجعت ركبتهم وانا بركبهم ألاقي لانسر بومة في نفس الحفره وطاأأأأأأأأأأأأأأأخ روحت عليه لأنه وقف ورايا مباشرةً لاقيت المقص عنده بالسلامه والعربية بركت ورايا...!!! رحت مخلي العمال اللى معايا تلم طوب وبلاطات انتر لوك بتاعة الرصيف ويحطوها في الحفرة الفخ ...!!!
المشكلة ان الشارع ده ضلمة ودلوقتي حطين اربع مطبات جداد كل اتنين ورا بعض .. أكلتهم الاربعه وهما معمولين جداد بصراحة منهم لله المسئولين عن الطرق من اهمال وانعدام ضمير ....

الحمد لله إن جت على قد كده و متستغربش من أسعار التصليح فى الرحاب همه غالبا آخرهم شغل كاوتشات و جنوط و مفيش غير محل واحد أو اتنين بالعافية بيرضى يحط إيده فى أى عربية كاربيراتير زى ما تكون نجاسة و العياذ بالله

أما بالنسبة للمطبات الأربعة فدى اللى عملها القرى السكنية الجديدة اللى على الطريق الوصلة بين شارع التسعين و أول صينية للرحاب فى الكورنر اللى مابين بوابة 6 و 13

و خللى بالك إن دلوقت نفس مدخل و كمان مخرج الطريق الوصلة ده فى دايما بلاعة أو مطب غريب فة نص الطريق بالظبط و آخر مرة عديت عليه كان واحد ابن حلال - قاصد خير طبعا - حاطط كومة دبش و كسر طوب فوقيه بعرض متر و نص فى وش اللى داخل من شارع التسعين

ربنا يسلمها علينا جميعا

[bambino]

رغم إن أنا سواق جديد بس الظاهر فعلا إن زى ما كل الناس قالتلى مصر بلد العجايبو اللى يسوق فيها ياما يشوف

مش عارف فيه إيه اليومين دول ...إما إن العربية - و صاحب العربية - منظورة أو إن ربنا بس بيختبرنى أأشكر أم أكفر

إمبارح فى شارع التسعين مروح و بعد ما خدت الملف اللى بعد عمارات المصراوية عشان آخد بعدها يمين للرحاب كنت طالع من الملف عالتانى يدوب 30 و مدى يمين ...قدامى عربيات ماشية عادى و مش شايف وراها و جنبى واحد ذوق قام مهدى عشان أشد يمين من قدامه رحت ناقل تالت و شادد و ببص قدامى يا رحمن يا رحيم

ميكوباص تويوتا واقف مابين الحارة الشمال و اللى فى النص و شنطته مفتوحة و ناس واقفين وراه و السواق كان قاعد قال إيه بيدقدق فى الجنط الشمال ورا...أهى الناس اللى واقفة دى أنا كنت داخل فيهم لابس .. بدون تفكير رحت غارز شمال فى عدلة و خدت أقصى الشمال و عديت جنبهم و أنا قلبى فى رجليا ... و الله ربنا اللى بيستر

النهاردة الصبح ماشى رايح الشغل فى مدينة نصر و واخد محور ال إن إيه بعد التسعين و قبل بنزينة التعاون اللى عند الترب بحوالى كيلومتر

أنا ماشى على 100 وواخد الحارة التانية يمين و من بعيد و أنا شايفها فى المراية من على بعد نص كيلو واحدة جاية بأوكتافيا و على 120 130 و واخدة الحارة اليمين ..طب لما انت صاروخ كده و ربنا مقجرك و معاكى أوكتافيا خدى شمالى و عدينى...لأ

الحارة اليمين قدامها بحوالى 100 متر كان فيه عربية نقل محملة .. الأخت جت جبنى - و الكلام ده 7 و نص الصبح و أقسم بالله الطريق شمالى كله كان فاضى نص كيلو ورا - و بدل الأخت المحترمة ما تغرز على 130 و تسبقنى و هيه عندها مسافة كافية قبل النقل لأ ... قامت رامية جتتها عليا !!!

فيه لحظة فارقة دايما و انت سايق بتعرف فيها وقتى السواق اللى جنبك بيفكر في إيه: بيستأذنك فى غرزة - شارب حشيش - مبيفكرش أصلا هههههههههههههههههههه ...معلش أصل شر البلية ما يضحك .. ههههههههههههههههه

فى اللحظة دى تبين إن الأخت عازمة ومصممة على إنها تعدى من فوقى ... رحت ساحب نفسى شمال سنة ..طبعا الماروتى 650 كيلو على 100 بتيبقى عروسة خشب ...العربية رقصت بيا

الأخت طبعا كملت و قامت شادة قدامى بس طبعا أنا دمى كان اتحرق و هيه شافتنى أكيد فى المراية فطارت و قدامى و أنا وراها كانت عمالة تاخد المطبات عالتالت ...طبعا مقدرتش أحصلها بس لحقتها فى الملف اللى عند شركة الغاز و رحت بعلو صوتى قايلها: "السواقة مش رمى جتت"

لعل و عسى تكون اتعلمت حاجة من عملتها الغبرة و ربنا يكفيكم جميعا شر الطريق و شر العالم اللى زيها

[elkomyalto]

رغم إن أنا سواق جديد بس الظاهر فعلا إن زى ما كل الناس قالتلى مصر بلد العجايبو اللى يسوق فيها ياما يشوف

مش عارف فيه إيه اليومين دول ...إما إن العربية - و صاحب العربية - منظورة أو إن ربنا بس بيختبرنى أأشكر أم أكفر

إمبارح فى شارع التسعين مروح و بعد ما خدت الملف اللى بعد عمارات المصراوية عشان آخد بعدها يمين للرحاب كنت طالع من الملف عالتانى يدوب 30 و مدى يمين ...قدامى عربيات ماشية عادى و مش شايف وراها و جنبى واحد ذوق قام مهدى عشان أشد يمين من قدامه رحت ناقل تالت و شادد و ببص قدامى يا رحمن يا رحيم

ميكوباص تويوتا واقف مابين الحارة الشمال و اللى فى النص و شنطته مفتوحة و ناس واقفين وراه و السواق كان قاعد قال إيه بيدقدق فى الجنط الشمال ورا...أهى الناس اللى واقفة دى أنا كنت داخل فيهم لابس .. بدون تفكير رحت غارز شمال فى عدلة و خدت أقصى الشمال و عديت جنبهم و أنا قلبى فى رجليا ... و الله ربنا اللى بيستر

النهاردة الصبح ماشى رايح الشغل فى مدينة نصر و واخد محور ال إن إيه بعد التسعين و قبل بنزينة التعاون اللى عند الترب بحوالى كيلومتر

أنا ماشى على 100 وواخد الحارة التانية يمين و من بعيد و أنا شايفها فى المراية من على بعد نص كيلو واحدة جاية بأوكتافيا و على 120 130 و واخدة الحارة اليمين ..طب لما انت صاروخ كده و ربنا مقجرك و معاكى أوكتافيا خدى شمالى و عدينى...لأ

الحارة اليمين قدامها بحوالى 100 متر كان فيه عربية نقل محملة .. الأخت جت جبنى - و الكلام ده 7 و نص الصبح و أقسم بالله الطريق شمالى كله كان فاضى نص كيلو ورا - و بدل الأخت المحترمة ما تغرز على 130 و تسبقنى و هيه عندها مسافة كافية قبل النقل لأ ... قامت رامية جتتها عليا !!!

فيه لحظة فارقة دايما و انت سايق بتعرف فيها وقتى السواق اللى جنبك بيفكر في إيه: بيستأذنك فى غرزة - شارب حشيش - مبيفكرش أصلا هههههههههههههههههههه ...معلش أصل شر البلية ما يضحك .. ههههههههههههههههه

فى اللحظة دى تبين إن الأخت عازمة ومصممة على إنها تعدى من فوقى ... رحت ساحب نفسى شمال سنة ..طبعا الماروتى 650 كيلو على 100 بتيبقى عروسة خشب ...العربية رقصت بيا

الأخت طبعا كملت و قامت شادة قدامى بس طبعا أنا دمى كان اتحرق و هيه شافتنى أكيد فى المراية فطارت و قدامى و أنا وراها كانت عمالة تاخد المطبات عالتالت ...طبعا مقدرتش أحصلها بس لحقتها فى الملف اللى عند شركة الغاز و رحت بعلو صوتى قايلها: "السواقة مش رمى جتت"

لعل و عسى تكون اتعلمت حاجة من عملتها الغبرة و ربنا يكفيكم جميعا شر الطريق و شر العالم اللى زيها

الحمد لله على كده

طيب انا امبارح راكن العربيه فى امان الله
وواحد راكب ميكروباص راجع بدهره بيلف من الشارع وراح داخل فى العربيه من قدام

وشوفته وهو بيخبطها المهم نزلت اكلمه يقولى انه لم يلمسها فقلتله طب انزل بص عليها كده
نزل وبص عليها وقالى انا ال خبطها كده .. طبعا كسر جزء من الاكصدام الامامى
وبعدين قالى ال انتا عايزه ... وعامل انه حاطط ايده فى جيبه

قلتلوا روح يا عم بس بعد كده تخلى بالك وانتا بتلف

وربنا يعوض علينا

[elkomyalto]

الحمد لله الواحد بشوف طوابير العربيات على السولار
والبنزين ال 80 بيحمد ربنا ان العربيه بنزين 92 ومش بتستهلك بنزين
كتير لاحسن الواحد كان ممكن يبيع العربيه بسبب الطوابير دى



ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

م 10 ب

[sherif711]

و انا ماشى فى مره بعد الثورة بحوالى شهرين فى القاهرة الجديدة و كان الشارع فااااااااااضى و مفيش عربية كدليل قدامى و انا ماشى ببص على شمالى لقيت فيه باص ماشى على الشمال بالرااااااااحة ببص قدامى لقيت مطب بعرض الطريق و طويل و عميييييق (اتارى الباص اللى على شمالى كان بياخد المطب بالراحة من على شمال الطريق) طبعا انا مكنش فيه وقت افرمل قمت دايس بنزين زيادة و العربية قفزت من فوق المطب قفزة تدخل موسوعة جنيس لدرجة ان ضلوعى وجعتنى

المشكلة مش ضلوعى

المشكلة انى بعد ما اخدت المطب ما وقفتش اشوف ايه اللى حصل فى العربية و كملت الطريق

و اللى حصل بعد كدا ان كبوت العربية اتفتح و انا ماشى على سرعة و قام قافل على الزجاج الأمامى و مبقتش شايف اى حاجة من الطريييييييييييييييييق

الحمد لله ربنا ستر و ركنت على جنب و النتيجة ان الكبوت و 2 جنط احتاجوا سمكرة علشان اتعوجوا

ديه ماساه

[sherif711]

بقالى كتير بعيد عن النت
و دخلت النهاردة
الموضوع ده جميل جدا
و فتح نفسى احكيلكوا شوية



غيرت مياه الريداتير بمياه خضراء و للاسف اكلت المواسير و هذا على قول بتاع الريداتيرات
و انا رايح الشغل فى المظلات بشبرا لقيت العربية بتسخن معايا فى السكة ركنت لقيت شلال مياه نازل
سيبتها لغاية ما اخلص شغل و ارجعلها
لقيت واحد راكن بالعرض قدامى ما ينفعش اطلع
قمت روحت لبتاع الريداتيرات و حكيتله قاللى يا تجيب العربية يا تفكالريداتير و تجيبة
لانه مش هيقدر يسيب الشغل و يجى معايا يفك الريداتير
المهم فكيت و بعد ما قربت اخلص العربية اللى جنبى مشيت قولت اطلع من المكان الضيق دة
روحت مركب تانى و طلعت
الخلاصة
طلع فيه خرم فى الريداتير و تم لحامة ب 30 جنية و اعطانى ضمان نص ساعة على الريداتير لانه قاللى المواسير اتاكلت كلها

تانى يوم رجع الريداتير يشر ميه و العربية تسخن و توصل للعلامه اللى قبل الاخيرة و اركن لغاية ما تبرد
روجت لبتاع الريداتير

قاللى فيه راداتير اصلى المونيوم ب 330 جنية و نحاس 3 ماسورة مش 2 ماسورة زى اللى راكب فيها ب 390 جنية

بصراحة فكرت قلت طيب ما اجيب النحاس يكون احسن و كمان 3 ماسورة
و كدة كدة مضطر اتحرك بالعربية و ما ينفعش اركنها فى شبرا لغاية ما اروح الف اسأل عند رامى و لا سوزوكى سنتر و لا الوكالة و اروح الهرم و مش هطمن عليها فى المكان ده
قمت ركبت النحاس

هل ما عملته صح و لا غلط
و هل السعر ده مناسب و لا انضحك عليا فى السعر
و ياترى كان سعرة بره كام

جايز الرد يكون متاخر بس خلينا نتفق ان المياه الخضرا مش بتبوظ الريداتير بالعكس لو ان متعود تحط مياه خضرا حيفل الريداتير جديد المياه الخضرا فيها مانع صدا ومانع الصدا ده مبيخليش المواسير تصدى وكمان بيمنع تراكم اشوائب فلو الريداتير تعبان متحطش ميا خضرا لانها حتشيل الصدا اللى فى سكتها و بكده حيكون الريداتير ضعيف طبقه المعدن رقيقه و مش حيتحمل ضغط المياه اللى جوا لكن طالما جبت ريداتير جديد حافظ على المياه الخضرا

[dr.hazem]

جايز الرد يكون متاخر بس خلينا نتفق ان المياه الخضرا مش بتبوظ الريداتير بالعكس لو ان متعود تحط مياه خضرا حيفل الريداتير جديد المياه الخضرا فيها مانع صدا ومانع الصدا ده مبيخليش المواسير تصدى وكمان بيمنع تراكم اشوائب فلو الريداتير تعبان متحطش ميا خضرا لانها حتشيل الصدا اللى فى سكتها و بكده حيكون الريداتير ضعيف طبقه المعدن رقيقه و مش حيتحمل ضغط المياه اللى جوا لكن طالما جبت ريداتير جديد حافظ على المياه الخضرا

الميه الخضراء في السوق في انواع مغشوشه بمية نار وحصلت معايا اول مغيرت الميه الراديتر بقا زي المنخل....
تحياتي

Sent from my SE Arc S using Forum Runner

[elkomyalto]

الميه الخضراء في السوق في انواع مغشوشه بمية نار وحصلت معايا اول مغيرت الميه الراديتر بقا زي المنخل....
تحياتي

sent from my se arc s using forum runner

طيب الواحد يعرف اذااااااى ان عليها مية نار ؟؟؟؟

[dr.hazem]

طيب الواحد يعرف اذااااااى ان عليها مية نار ؟؟؟؟

تجيب ميه من نوع مضمون ومكان مضمون...
تحياتي

Sent from my SE Arc S using Forum Runner

[sherif711]

اه اه ماللي حصل امبارح

خلصت امتحان وعديت الحمد لله
كلمت عمرو قالي نتقابل من 2 ونص
قلتله امين
كانت الساعه 11 ونص
قلت اروح البيت وافطر واشربلي كباية شاي واظبط الدماغ وانزل

افتكرت ان مية الريداتير من اخر مره كانت زياده والقربه مليانه فقلت كمان اجيب السرنجه وافضي منها شوويه عشان العربية متسخنش...

المهم
وصلت البيت وركنت في الجراش تح
سبت الموبايلات فيها وقلت هطلع اجيب السرنجه وانزلها
طلعت
نزلت خرجت العربية بره الجراش عشان النور

نزلت من العربيه وانا فاتح الكبوت
اخدجت السرنجه وفضيت وميه ميه
جاي ابص على مؤشر الحراره في العربيه.....


لا لا لا لالااااااااااااااااااااااااا

البيبان اتقفلت ولاول مره النتر يهيس واتقفلت البيبان والعربية دايره والمفاتيح كلها فيها والموبايلات جواها !!!

قلتلها ليه كده ياكوكي حرام عليكي تعمليها فيا دنا قاعد اظبطك...

المهم دلوقتي عايز اطفيها ازاي بقا مش عارف

رحت دبرت مفك
وفكيت افيز خرطوم البنزين بعد الفلتر اللي ركبته
واستنيت 5 دقايق وراحت هوب واقفه ولله الحمد
رحت جايب بنسه وفصلت البطاريه واستنيت ساعتين ونص لحد اما اخويا جه بالسلامه وفتح الباب وجابلي النسخه التنيه وفتحت العربيه والحمد لله


ايه رأيكو؟؟؟
هههههههههههههههههههههه

طب احمد ربنا انا من اسكندريه وكنت مسافر القاهره ومعايا والدتى وبنتى و زوجتى ورايح عن واحد صاحبى ولاول مره السنتر يهيس ويقفل محدش جوه العربيه والعربيه دايره و المفاتيح والمحفظه والشنط اللى فيها هدوم و الموبايل و مش لاقى بتاع ابواب ربنا الهمن الشنطع عندى كهرباء وعارف مكان البستم فيها دخلت سلكه وشديت سلكها و قمت مديها كهربا وارضى من بطاريه تانيه فتحت الشنطه وقمت كاسر الابلكاشه بتاعت السماعات ورفعت زرار رفع الظهر بتاع الكنبه وبعصايه الكوريك قمت فاتح الباب اللى ورا وهييييه العربيه اتفتحت

[dr.hazem]

حد فاكر الموضوع ده؟؟؟

اخبار الشتا معاكم ايه؟؟
وايه اجدد اخباركم ومواقفكم مع عربياتنا العسوله

هههههههه

تحياتي