كبالن الماروتى

[msa142]

السلام عليكم

الكبالن وقتها ازف وبقت بتطقطق على الاتجاهين .. ومن يوم بقت بتطلع صوت فى وضع المور كانها ماشيه على طريق غير ممهد

تفتكرو تغييرا هياخد قد ايه وقت و تكاليف التغيير لو امكن ..

[dr.hazem]

وقت هتاخد مع صنايعية مصر من الساعه حوالي 4 ساعات شغل الى 6 ساعات
ده لو انت رايحله ومعاك كل القطع

غالبا انت محتاج كبالن داخلي وخارجي وانا برشحلك تخلي حد يكشفلك عليها عشان تشتري كل المطلوب
الكبالن تقريبا لن تتعدى 500 داخلي وخارجي يمين وشمال
الصيني بنص التمن تقريبا

تحياتي

[alking_2006]

الكبالن الهندى الاصلى داخلى و خارجى يمين و شمال كامل بالاكسات كان عامل عند سوزوكى سنتر 720 جنيه من حوالى سنه

و وقت التركيب يعنى انا جبت الكبالن للراجل فى حدود الساعة 2 و استلمت العربية الساعة 10 !!

و خللى بالك علشان احتمال تحتاج حاجة اسمها وردة كوبلن و دى هتلاقيها عند اى حد بتاع اكسسوارات ب 5 جنيه و دى علشان طول الكوبلن اللى احنا بنشتريه مش بيبقى نفس طول الاصلى بتاعها (بيكون اقصر و مش عارف ليه) فالميكانيكى بيحتاج الوردة دى لكل كوبلن علشان الكوبلن ما يفلتش من العجله و هيا ماشية

[alking_2006]

و فيه نقطة و الميكانيكى بيغيرلك الكبالن قوله بصلى على اولسيل الكوبلن عايز يتغير و لا لأ و دا من عند اى محل قطع غيار سوزوكى ب 5 جنيه

و فيه حاجة اخيره انك بعد ما تغير الكبالن هيبقى زيت الفتيس كله وقع فهتروح على طوووول على محل زيوت علشان يغيرلك زيت الفتيس

[msa142]

10 ساعات ليه هوا كان بيخترع الذره
الف شكر يا رجالة السوزوكى عالمساعدات دى والله مش عارف اقول ايه بصراحه .. اى حد محتاج مساعده فى الكمبيوترات انا سداد وميهمكوش

يالا اقعدوا بالعافيه

[alking_2006]

10 ساعات ليه هوا كان بيخترع الذره
الف شكر يا رجالة السوزوكى عالمساعدات دى والله مش عارف اقول ايه بصراحه .. اى حد محتاج مساعده فى الكمبيوترات انا سداد وميهمكوش

يالا اقعدوا بالعافيه

مهو على ما قعدنا ندور على وردة الكوبلن و جبتله واحدة منفعتش و جبنا واحدة تانيه و كدا و دا اللى عطلنا و بعدين هو مش بيبقى متفرغ لعربيتك دا بيبقى معاه بتاع 4 عربيات غيرك !!

[dr.hazem]

موضوع وردة الكوبلن غريب

يمكن جايز يا كنج عشان انت موديل 99 والحته دي غير عن الاحدث؟؟؟

لان مثلا في بعض الجوانات في الماتور مختلفه من 99 ل 99
متخيل
فيه فيرجنز نزلت فعلا واسأل اسلام اللي شغال عند رامي هيقولك لانه شغال في الجديد والاستيراد وكله


تحياتي

[alking_2006]

فعلا؟؟

انا اول مرة اعرف المعلومة دى و دا احتمال وارد جدا لأنى استغربت ازاى ابقى جايب الكوبلن الأصلى و احتاج وردة كوبلن

موضوع وردة الكوبلن غريب

يمكن جايز يا كنج عشان انت موديل 99 والحته دي غير عن الاحدث؟؟؟

لان مثلا في بعض الجوانات في الماتور مختلفه من 99 ل 99
متخيل
فيه فيرجنز نزلت فعلا واسأل اسلام اللي شغال عند رامي هيقولك لانه شغال في الجديد والاستيراد وكله


تحياتي