طقوس تشغيل الماروتي....

[dr.hazem]

السلام عليكم ورحمة الله وبركاته


ازيكم يا شعب
النهارده جايبلكم موضوع مش جديد على اغلبكم لكن عشان الناس اللي متعرفوش واهو للتذكره لعل وعسى حد يستفاد منه

طبعا الموضوع ده مخصوص لوائل جميل وتوني بسكوته عشان ربنا يباركلهم فعربياتهم الجديده ...


طيب نتكلم عن حاجتين مهمين:
1-ظبطة بسيطه قليل الناس اللي عارفاها
2-طريقة التشغيل الفعليه

الظبطه البسيطه هي في ماسورة عمة الكربيراتير فيه زرار هصوره بكره ان شاء الله
ده بتختار فيه من وضع الشتاء لوضع الصيف او العكس

حد هيسألني ايه الحوار ده هقوله ببساطه شديده اقرا عنوان الموضوع هتفهمني
هههههههههههههههههههه
الماروتي وطقوسها

وظيفة الكلبس ده انه بوابة الهوا اللي داخل الكربيراتير له مسارين
واحد بيجيب من ورا الفانوس وواحد بيجيب من فرن الشكمان
ورا الفانوس في الصيف الهوا درجة حرارته مناسبه للتغيل بينما فرن الشكمان عشان يجيب هوا دافي وسخن لتشغيل العربية بسلاسه في الشتا

فاحنا لازم نظبطه فعربياتنا كلنا ان شاء الله وخصوصا الايام الجايه على summer الصيف


*نيجي للطريقه الفعلية:

عشان مطولش عليكم واحور كتير (منتو عارفيني بحب ارغي)

1 هتفتح العربية (هههههههههههههه)
2 هتحط المفتاح في الكونتاكت وتلف لحد اما اللمض تنور قدامك ومؤشر البنزين يعلى ويثبت
3 تدوس دوسه على دواسة البنزين للاخير وتشيل رجلك بسرعه
4 دور المارش وهتدور من اول مره ان شاء الله


استنى هنا انت وهوا الموضوع لسا مخلصش!!!
ايه ياعم في ايه؟؟؟
في ان انا موضحتش حاجه بخصوص ظروف التشغيل دي ايه؟؟؟

الخطوات اللي فاتت بتتعمل في الصيف
اما في الشتا فلازم نستخدم حاجه اسمها الشفاط....

ممممممممممممممممم
ايه الشفاط ده؟؟ومنين نجيبه ياعم؟؟

الشفاط ده هو زرار موجود على شمال الدركسيون فوق الاربع زراير اللي عالشمال
مدور ولونه اسود وعليه علامة حاجه اقرب ماتكون لحرف زد او برق او شبهها زي منت عايز المهم انك توصلها
هههههههههههههه

ده زرار بيتشد وهتلاقي تحته ستيكر ابيض ومكتوب تحتيه تحذير بالانجليزي المهم يعني هو ده
الزرار ده بيتشد وليه درجات
تكه اتنين تلاته

الشفاط ده بيعمل ايه؟؟؟

ده بيعمل انه بيوارب بوابة الكربيراتير كأنك دايس بنزين

وظيفته ايه بقا؟؟
وظيفته تتجلى في ايام الشتا البارده اللي العربية بتدور وتطفي علطول
هو بيسحب بنزين وهوا زياده كأنك دايس بنزين بالظبط ومعلك عليه


نرجع لموضوعنا
هنشغل العربية ازاي في الشتا؟؟؟

1 هتفتح العربية تاني (هههههههههههههه)
2 هتحط المفتاح في الكونتاكت وتلف لحد اما اللمض تنور قدامك ومؤشر البنزين يعلى ويثبت
3 تدوس دوسه على دواسة البنزين للاخير وتشيل رجلك بسرعه
4 هتشد الشفاط عالدرجه التانيه او الاولى ولا احبذ اطلاقا التالته لانه بتدخل بنزين كتير وممكن ترطب البوجيهات ومتدورش اصلا وعلامة ان البنزبن كتير تلاقي العربية بتعطس ولو نزلت بصيت عالشكمان ممكن تلاقيه بيطلع هباب اسود شويه (حتى لو العربية جديده) لان البنزين نسبته اعلى من الهوا
5 دور المارش وهتدور من اول مره ان شاء الله


ملاحظات
ممكن استخدام طريقة الشفاط في الصيف برضو عادي ساعات الماروتي بتعملها بس كل ده طبيعي

اوعى تنسى الشفاط مشدود وهو ده التحذير المكتوب عشان متدخلش في حوارات انسداد علبة البيئه غير ان استهلاك البنزين هيزيد... الخ

تسخين العربية = لما مؤشر الحراره يطلع لحرف C يبقى العربية تمام التمام ويمكن الانطلاق بها

لو مستعجل قوي استنى نص دقيقه وامشي عالاول والتاني والشفاط على اول درجه لحد اما الحراره تطلع لحرف الC ونزله وكمل طريقك براحتك....


اي استفسار انا تحت امركم واتمنى يكون الموضوع مفيد للجميع


تحياتي

[lanos2004]

هنروح نصلى العيد امته ---دة امتحان ثانويه عامه--بس سيبك عرض الموضوع شيق انا معنديش منها بس قريته كله للاخر

[waelgam2005]

الف شكر ليك يا كبير وان شاء الله هعمل تقرير مصور للعربية ماروتى 2012 بس معلش ممكن تقولى نقاط التقرير اللى اتكلم فيها عشان اول مره اعمل توبيك هنا فى المنتدى واصور العربيه ازاى من برا بس ولا من جوا كمان هيا من جوا متهيائلى محفوظة بس قولولى برضه اعمل ايه عشان يبقى التقرير كويس

[alking_2006]

السلام عليكم

بالنسبة للماروتى 2012 انا اتفرجت عليها علشان واحد صاحبى لسه جايبها و فتحت الكبوت و بصيت طبعا كل حاجة هيا هيا بس ليا ملاحظة يا ريت حد يأكدهالى

بصيت ناحية علبة زيت الباكم حسيت انهم ضافوا سرفوا للفرامل و هيا عبارة عن علبة دائرية موجودة تحت علبة زيت الباكم

انا معايا فى الماروتى 99 مش شايف العلبة دى فهل الماروتى 99 مكنش فيها سرفوا و لا ايه؟؟؟

[mesaharaty]

برافو يا دكتور والف شكر على الطقوس (مش قادر أمسك نفسى من الضحك على كلمة طقوس دى)
حضرتك هى دى الطريقة المثالية لتشغيل الماروتى بالإضافة إلى الزرار بتاع الصيف والشتا .

لك الشكر الجزيل ودايما فى تعاون مستمر

[ahma8]

تقرير رائع
بس انا عاوز صورة الزرار اللى انت بتقول عليه ده بتاع الشتا و الصيف

[dr.hazem]

هنروح نصلى العيد امته ---دة امتحان ثانويه عامه--بس سيبك عرض الموضوع شيق انا معنديش منها بس قريته كله للاخر

شكرا لمرورك الطيب في قسمنا المتواضع
اتمنى تكون اللانوس بأحسن حال

الف شكر ليك يا كبير وان شاء الله هعمل تقرير مصور للعربية ماروتى 2012 بس معلش ممكن تقولى نقاط التقرير اللى اتكلم فيها عشان اول مره اعمل توبيك هنا فى المنتدى واصور العربيه ازاى من برا بس ولا من جوا كمان هيا من جوا متهيائلى محفوظة بس قولولى برضه اعمل ايه عشان يبقى التقرير كويس

اهم النقاط انطباعك عن العربية اول مركبتها وسقتها
اهم الحاجات اللي عجبتك فيها واهم السلبيات في نظرك
صورتين تلاته للعربية من بره وجوا جايز يكون في اي اختلاف او حتى من باب الذكرى ليك ولينا
هههههههههههههههههه

مثلا مرفقات العربية اللي جت معاها
يعني دي حاجات انت وشطارتك وتنسيقك

السلام عليكم

بالنسبة للماروتى 2012 انا اتفرجت عليها علشان واحد صاحبى لسه جايبها و فتحت الكبوت و بصيت طبعا كل حاجة هيا هيا بس ليا ملاحظة يا ريت حد يأكدهالى

بصيت ناحية علبة زيت الباكم حسيت انهم ضافوا سرفوا للفرامل و هيا عبارة عن علبة دائرية موجودة تحت علبة زيت الباكم

انا معايا فى الماروتى 99 مش شايف العلبة دى فهل الماروتى 99 مكنش فيها سرفوا و لا ايه؟؟؟

هوا انا مش عارف يعني ايه ده بس انا عندي البتاعه المدوره دي بس اعتقد ملهاش دعوة بالفرامل انما بالدركسيون والله اعلم مش متأكد

برافو يا دكتور والف شكر على الطقوس (مش قادر أمسك نفسى من الضحك على كلمة طقوس دى)
حضرتك هى دى الطريقة المثالية لتشغيل الماروتى بالإضافة إلى الزرار بتاع الصيف والشتا .

لك الشكر الجزيل ودايما فى تعاون مستمر

شكرا لمرورك العطر ولازم نتشرف بحضرتك في اقرب فرصه باذن الله

تقرير رائع
بس انا عاوز صورة الزرار اللى انت بتقول عليه ده بتاع الشتا و الصيف

انا حالا هنزل اصور الصور اللي قلت هحطها باذن الله

تحياتي للجميع

[dr.hazem]

انا حالا نزلت اتأكدت من موضوع السيرفو بتاع الفرامل هو فعلا سيرفو فرامل
موجود عندي عادي,,,

تحياتي

[dr.hazem]

كما وعدتكم الصور اهي

دي صورة الشفاط



دي صورة الكلبسس في ماسورة عمة الكربيراتير(خد من الصوره الكلبس وملكش دعوة بالاختلافات لان عربيتي مش نفس الباقيين تيبيكال)
كده هو عالشتا


كده حولته للصيف:




تمام كده؟؟؟


تحياتي

[waelgam2005]

كما وعدتكم الصور اهي

دي صورة الشفاط



دي صورة الكلبسس في ماسورة عمة الكربيراتير(خد من الصوره الكلبس وملكش دعوة بالاختلافات لان عربيتي مش نفس الباقيين تيبيكال)
كده هو عالشتا


كده حولته للصيف:




تمام كده؟؟؟


تحياتي

الف الف الف شكرا استاذ حازم على تعبك بجد الصور واضحة جدا
بس ليا استفسارين
الاستفسار الاول هيا بتتغير ازاى يعنى بتتشد لبره واحركها ولا مجرد تحريك كدا بس من غير شد
الاستفسار التانى ومتضحكش عليا اعملها على ايه فى الربيع والجو المتقلب ده صيف ولا شتا
يعنى مثلا لو لقيت نفسى سقعان اعملها شتوى ولو لقيت نفسى حران اعملها صيفى :)

[tonybaskota]

كما وعدتكم الصور اهي

دي صورة الشفاط



دي صورة الكلبسس في ماسورة عمة الكربيراتير(خد من الصوره الكلبس وملكش دعوة بالاختلافات لان عربيتي مش نفس الباقيين تيبيكال)
كده هو عالشتا


كده حولته للصيف:




تمام كده؟؟؟


تحياتي

الله ينور على الشغل العالى يا دكتور وربنا يخليك لينا دايما يارب وتاعبينك معانا

بس فعلا صوابع دكتور دكتور يعنى ...ههههههههههههه

[dr.hazem]

الف الف الف شكرا استاذ حازم على تعبك بجد الصور واضحة جدا
بس ليا استفسارين
الاستفسار الاول هيا بتتغير ازاى يعنى بتتشد لبره واحركها ولا مجرد تحريك كدا بس من غير شد
الاستفسار التانى ومتضحكش عليا اعملها على ايه فى الربيع والجو المتقلب ده صيف ولا شتا
يعنى مثلا لو لقيت نفسى سقعان اعملها شتوى ولو لقيت نفسى حران اعملها صيفى :)

لا شكر على واجب...

بتتزق
صباعك السبابه (index finger) عالدويره اللي تحت والابهام (thumb) عالدويره اللي فوق وهوب زقه هتلاقيه اتحرك معاك
ههههههههههههههههههههه
انزل جرب لو معرفتش اتعافى عليه متخافش منه
هههههههههههههههه

بالنسبه للاستفسار التاني
هريحك وهقولك لو فضل في الشتا عالصيف مش مشكله
انما لو الدنيا حر وخليته شتا هتقرفك وهتتخنق العربية وسحبها هيبقى اسوأ والاستهلاك للبنزين اعلى
فاهمني
يعني لو الجو معتدل يبقى الهوا الساقع احسن زيه زي الحر فالربيع والخريف يعاملو معاملة الصيف
انما الشتاء بس هو اللي بيحتاج تخليها عالشتاء

تحياتي

[dr.hazem]

الله ينور على الشغل العالى يا دكتور وربنا يخليك لينا دايما يارب وتاعبينك معانا

بس فعلا صوابع دكتور دكتور يعنى ...ههههههههههههه

ههههههههههههههه
ده اللي هوا ازاي مش فاهمك؟؟؟


ومفيش تعب ولا حاجه

[tonybaskota]

ههههههههههههههه
ده اللي هوا ازاي مش فاهمك؟؟؟


ومفيش تعب ولا حاجه

صوابعك زى صوابع الدكاترة بالظبط اهم باينين فى الصورة
ههههههههههههههههههه

انا بهزر اوعى تكون بتزعل

[maruti]

يا نهاااار ابيض يا دكترة العربية بقالهااا معايا 3 سنين واول مرا اعرف موضوع الصيف والشتا دا ههههههههههههه
تسلم ايدك يا كبيير