ايه رايكم فى الميه الخضرا دى ؟

[waelgam2005]

ياجماعه انا لفيت على ميه خضرا مش لاقى الانواع اللى كنتو قولتولى عليه بس اخر ما زهقت جبت واحد امريكى من بنزينة مصر وصورتها بس لما بقول للراجل نسبة التركيز قد ايه بيقولى 95 فى الميه معرفش عرفها ازاى مع انها مش مكتوبه على الازازة خالص
عشان مطولش عليكو قولولى رايكم فيها وياريت لو حد جربها






شكرا ليكم

[waelgam2005]

[dr.hazem]

حلوة وقلبها ابيض

ههههههههههههههههههه

هتخففها بمية مقطره وهتقطرها بايدك بالعند بقا

ههههههههههههه

نكمل عالفيس عن طريقة التقطير والتخفيف والذي منه ونبقى كده دبسناك في تقرير
هههههههههههههههههههههه


حلو جدا جدا

[waelgam2005]

بصراحه انا زى ما قولتلك يا دكتور انا معجب جدا بغطاها تحس كدا بالهيبة فا قولت اجيبه

[Amr Axel]

ليه يا باشا مش موجودة حاجة زي وطنية ديه موجودة في اي بنزينة وطنية و موبيل في اي بنزينة موبيل و باقي الانواع في كارفور او سبينس او اي محل بيبع زيوت عربيات

و طالما تركيز 95 يبقي هتخفف بس اوعي تبرد عشان الجو سقع بليل ههههههه مع حازم بقي ع الفيس

بس مقولتلناش ع السعر و يا ريت لو صورة للمية نفسها

[waelgam2005]

بعشررررررررررررررين جنيه
ولون الميه اكيد اخضر ومبتبرشمه لسه معملتش الخلطه بتاعة التخفيف لسه هشترى ميه معدنية بقى وهسخنها واعمل الرضعه واحطها للعربيه هههههههههههههههههههه

[mohamed_kta]

انا بجبها من موبيل

[mesaharaty]

باين عليها حتبقى حلوة
بس ليه ما بتستخدمش موبيل ؟
حلوة والبيانات مكتوبة عليها بوضوح وأداءها جيد جدا
وفيه منها عبوة كبير وعبوة صغيرة كمان

طيب كنا عاوزين نعرف رأيك بقى بعد ما حطيتها هل الأداء إختلف ؟

[waelgam2005]

باين عليها حتبقى حلوة
بس ليه ما بتستخدمش موبيل ؟
حلوة والبيانات مكتوبة عليها بوضوح وأداءها جيد جدا
وفيه منها عبوة كبير وعبوة صغيرة كمان

طيب كنا عاوزين نعرف رأيك بقى بعد ما حطيتها هل الأداء إختلف ؟

انا لسه محطتش منها عاوز اخففها الاول ومش فاضيلها

[exact]

نصيحة خالصة لوجه الله تعالى... موضوع الميه الملونة ده حتى لو موبيل هو محض نصب من الشركات المنتجة.... ويكفيك انك تحط ميه مقطرة من المكيف او مية فلتر.... ألا اني قد بلغت اللهم فاشهد

[mesaharaty]

نصيحة خالصة لوجه الله تعالى... موضوع الميه الملونة ده حتى لو موبيل هو محض نصب من الشركات المنتجة.... ويكفيك انك تحط ميه مقطرة من المكيف او مية فلتر.... ألا اني قد بلغت اللهم فاشهد

وما هى حيثياتك فى هذا الحكم يا سيدى ؟
هل لديك أدلة موضوعية ؟ من فضلك تنور المحكمة .

يعنى الميه الملونة دى كده ماعليهاش أى إضافات حتى تخلى الواحد يتجرأ يشتريها ؟

[exact]

وما هى حيثياتك فى هذا الحكم يا سيدى ؟
هل لديك أدلة موضوعية ؟ من فضلك تنور المحكمة .

يعنى الميه الملونة دى كده ماعليهاش أى إضافات حتى تخلى الواحد يتجرأ يشتريها ؟

أبن وأفصح
مش فاهم السؤال... يعني اول سطرين حاجة واخر سطر حاجة

[LORD.ADeL]

يعنى انت يادوك تقصد بدل ميه خضرا دي نحط ميه مقطرة اللى زي بنجبها للبطاريه سائله
نجيب اززتتين ب5 جند ونفضيهم فى الاربه وشكرا ع كدة ولا ايه ياباشا ((:

[exact]

يعنى انت يادوك تقصد بدل ميه خضرا دي نحط ميه مقطرة اللى زي بنجبها للبطاريه سائله
نجيب اززتتين ب5 جند ونفضيهم فى الاربه وشكرا ع كدة ولا ايه ياباشا ((:

بص ياباشا
لو عالمية المقطرة ممكن تجيب جركن 4 لتر من محلات اللوازم البيطري ب 5 جنيه او لو عندك مكيف فالبيت عبي ميه من اللي بتنزل منه (بس تكون تلاجة المكيف نضيفة)
بخصوص الميه الخضرا دي فيها كلام كتييييييييييييييير

هي لو مظبوطة... بتمتاز بان درجة غليانها نسبيا مرتفعة ودرجة التجمد منخفضة جدا جدا...حلو... المطلوب ان الميه دي يكون فيها ايثيلين جلايكول (وده احد انواع الكحولات) بتركيز معين غالبا ما يكون في حدود 33% مضاف اليه حاجة اسمها منظم للحموضة والقلوية (Buffer) عشان ميحصلش تغير فيها يؤدي لتآكل اجزاء دورة التبريد بفعل الايثيلين جلايكول

هل في ظروفنا الحالية حد يضمن وهو بيشتري حاجة انها اصليه ومعمولة مظبوط... ده الواحد بيشتري الزيت وهو حاطط ايده على قلبه... وياترى سليم وللا مغشوش

تاني هام... لو الردياتير بتاعك معمول فيه شغل يبقى خسارة الميه دي لوجود احتمالات التسريب وتبقى ضاعت عليك

تالت هام... الميه الخضرا لااااااااااااااااااااااازم ولابد عند نقصها تتزود بميه عادية (مش خضرا يعني) ومشكلتها انها لو حصل نقص فيها وده اللي حصل معايا ده بيسبب ترسب المواد الدايبة فيها في مواسير الردياتير مما أدى عندي لانسداد كامل لدورة التبريد واضطريت اسفا اني افك الردياتير

[المنسي]

بص ياباشا
لو عالمية المقطرة ممكن تجيب جركن 4 لتر من محلات اللوازم البيطري ب 5 جنيه او لو عندك مكيف فالبيت عبي ميه من اللي بتنزل منه (بس تكون تلاجة المكيف نضيفة)
بخصوص الميه الخضرا دي فيها كلام كتييييييييييييييير

هي لو مظبوطة... بتمتاز بان درجة غليانها نسبيا مرتفعة ودرجة التجمد منخفضة جدا جدا...حلو... المطلوب ان الميه دي يكون فيها ايثيلين جلايكول (وده احد انواع الكحولات) بتركيز معين غالبا ما يكون في حدود 33% مضاف اليه حاجة اسمها منظم للحموضة والقلوية (buffer) عشان ميحصلش تغير فيها يؤدي لتآكل اجزاء دورة التبريد بفعل الايثيلين جلايكول

هل في ظروفنا الحالية حد يضمن وهو بيشتري حاجة انها اصليه ومعمولة مظبوط... ده الواحد بيشتري الزيت وهو حاطط ايده على قلبه... وياترى سليم وللا مغشوش

تاني هام... لو الردياتير بتاعك معمول فيه شغل يبقى خسارة الميه دي لوجود احتمالات التسريب وتبقى ضاعت عليك

تالت هام... الميه الخضرا لااااااااااااااااااااااازم ولابد عند نقصها تتزود بميه عادية (مش خضرا يعني) ومشكلتها انها لو حصل نقص فيها وده اللي حصل معايا ده بيسبب ترسب المواد الدايبة فيها في مواسير الردياتير مما أدى عندي لانسداد كامل لدورة التبريد واضطريت اسفا اني افك الردياتير

ياريت حضرتك توضح لى النقطة دى علما بانى لما المية الخضرا بتنقص عندى بزودها برده بمية خضرا من نفس النوع لانى ببقى شايل معايا جركن بزود منه لما المية بتنقص