Tweet
السلام عليكم ورحمة الله وبركاته
صباح الخير يا جماعة
كمالك للماروتي وكمواطن مصري اسير على الشوارع المصرية (الجميله!!!)
حبيت اشوف موضوع الاضاءه في الماروتي بشكل خاص
نبذه بسيطه...
انا شاري عربيتي مستعمله وراكب فيها الكتاوت والمره الوحيده اللي عليت فيها الاضاءه والحمد لله ساحت فيشة اللمبه عللمبه ومسكو فبعض واظطريت اعمل عمليه جراحية صحيت فيها باللمبه عشان الفيشه والحمد لله طلعت الفيبشه منها بسلام واللمبه اتحرق خطها العالي ولغيت من وقتها فكرة تعلية الاضاءه وقلت الحمد لله ان الفيشه التانيه مساحتهم هي كمان...
العجيب بقا ان الكلام ده من اكتر من سنه ونص وانا مفكرتش ليه الفيشه دي ساحت والتانيه لأ وكل اللي قلته... نوع لمض زباله ياراجل
وكل ما افتكر الصهد اللي كان بيبقى طالع من الفوانيس اقول حقها تسيح يعني والصيف والكلام ده...
طب ياعم الحج امال ايه الحوار؟؟؟
بداية الموضوع...
لورد عادل (حشيش هارتي) كلمني وبيسأل عالفيليبس رالي وتركب عندنا ولا ايه وايه الحوار وكلام كتييير (صداع من الآخر) ههههههههههههههههههههه (حشيش هارتي تاني ياعدول)
من غير دخول في كتر تفاصيل ملهاش علاقه بالموضوع هقول شوية حاجات وتقدر تقيم الموضوع وتقرر بناءا عليه...
1-لو كانت اغلب ظروف سواقتك بالنهار ونادرا اما تخرج بالليل او تسافر فالموضوع لا يعنيك لا من قريب ولا من بعيد!! (وده زي حالاتي وده اللي خلاني صابر على اللمض الاصليه مع انهم فوانيس رمضان!!)
2-بعد البحث والتدقيق والتمحيص والذي منه وصلت الى الآتي:
*متفكرش في اللمض من الماركات المشهوره لانها مبتنزلش غير شوكه واحنا لمضنا طبق ودي متركبش على دي وجربت واشتريت لمض شوكه ومركبوش طبعا واهم مرميين عندي!!
اخص بالذكر اشهر نوعين هما
فيليبس رالي
اوسرام نايت بريكر
الاتنين شوكه ومبينزلش منهم طبق وآدي الفرق كصوره مابين الشوكه والطبق
والفيلبس كانت زمان بتنزل الطبق وبطلت والموجود حاليا كله شوكه
*(بالنسبه للألتو يركبو لانها شوكه ولكن اي حد هيعلي الاشاءه في الألتو عنده عيب قاتل وهو ان الفوانيس باغتها بلاستيك ولونها ممكن يغير وقد تصصل انها تسيح من اي لمبه 100\90 واط فما فوق)
*عشان تكونو في الصوره لمض فبريكة الماروتي فيليبس ألمانية H4 طبق 45\40 واط وتقبل لحد 60\55 من غير كتاوت بس للاسف ال 60\55 قليله قوي في السوق..
*اي لمضه اعلى من كده لازم تركب كتاوت والا دراع النور جوه هيسيح وهتدخل في قصص وحوارات انت في غنى عنها
*رجلشة الفوانيس للماروتي بتفرق قوي قوي قوي حتى على لمض الفبريكا التعبانه وطبعا كل واحد بيرجلش على حسب احمال العربية وعلى حسب طوله هوا شخصيا وحاجات كده المهم ان بتختلف من حد للتاني
طيب نرجع للموضوع...
انت ياعم بتقول راكب عندك كتاوت والفيشه ساحت وعايزنا نتجنن ونعمل زيك؟!!
ببساطه شديده
لما عادل كلمني وقلب عليا المواجع رجعت فكرت
وركزت في ان فيشح واحده اللي ساحت يبقى اكيد فيها عيب لوحدها
نزلت العربية واكتشفت الآتي... السلك الارضي كان واصل وحش جدا جدا وهوا اللي كان بيسخن الفيشه للدرجة اللي خلتها ساحت...
طبعا ده استنتاج شخصي مني
سألت كهربائي قالو لو الفيشه اللي ساحت تبقى فيشه وحشة ولو السلك بيسخن يبقى السلك مش محمل
طيب
انا بقا قلت ده حوار والعربية راكبلها كتاوت اقوم انا كمان اقعد اعيد على السلوك ولسا هكع فلوس واجرب وبعدين يطلع مش نافع وعلى ايه حلوة هيا كده..
بعدين قلت طب اشوف ايه حكاية الفيشه ميمكن عيب لمبه (ولو اني مش مقتنع ان المشكله كانت من اللمبه)
رحت عند واحد بتاع قطع حبيبي خدت منه لمبة 100\90 طبق نوع المفروض انه ألماني بس الراجل قالي دي ألماني متصنعة في الصين وفعلا تقفيلها كان نضيف وانضف من اللي جربتهم اول مره فقلتله بكام دي
قال ب 20 اللمبه
اخدت واحده ومشيت
ركبتها وجربت
شميت ريحة شياط البلاستك فقلت خلص كده في مشكله اكيد...
بالصدفه احد الاعضاء كان محتاج فيليبس رالي لعربية تانيه ووصاني عليهم فعديت على احد الاشخاص اللي بيبيعهم ومن غير دعاية لكن هو راجل محترم وامين بجد
لما عديت عليه قلتله قالي غير الفيشه ومتجبش بلاستيك جيبها سيراميك او رخام (ناس بتسميها كده وناس بتسميها كده)
قلتله طب عندك حاجه نضيفه
قالي عندي صيني كويسه بس بأمانه في انضف في السوق فرحت ألف في السوق ملقتش حاجه انضف من اللي عده رجعتله خدت منه اتنين ومكنتش اعرف انها مش غاليه الواحده ب 7 والاتنين ب 10
رجعت البيت والدنيا ليل ومستحيل اشتغل في الكهربا بالليل
الفجريه كده اتشجعت ونزلت وهوبا تيتا نانا طبعا نفسي اصورلكم الفيشه القذره اللي ساحت واصورلكم السلوك الزباله بتاعتها خلوها على ربنا
ركبت الفيشه التانيه وركبت اللمبه وجربت ربع ساعه مفيش سخونيه ومفيش شياط ولا سيحان قلت تمام يومين نجرب ونشوف
بعد التجربه والحمد لله مفيش مشاكل
بدأت مرحلة البحث عن نوع لمبه محترم يركب عندنا
لفيت لفتي ورحت لنفس الشخص
ومن الآخر مفيش في السوق لينا غير اوسرام عادية 100\80 واط لونها مش ابيض ولا اصفر درجه ناصعه كده (مجربتهاش ومشترتهاش لسا ) والجوز ب 65 جنيه
خلال يومين التجربه عجبتني اضاءة اللي انا اشتريتهم من حبيبي الاولاني هههههههههههه فرجعتله خدت واحده تانيه للفانوس التاني ومغرتلوش فيشه لان العيب كان في فيشة واحده بس
النوع اللي انا مركبه اسمه DAT Germany والتقفيل بتاعه جدا نضيف وزي تقفيل الفيليبس الاصليه بالظبط
وده معرفش متوفر في السوق كله ولا لأ بس مدورتش وانا خدتهم من الراجل تحت البيت حبيبي ده
النوع التاني الموجود وده رخيص وهو نوع هندي مصري ألماني متعرفش اسمه jahn وده الجوز لا يتعدى 30 جنيه
النوع اللي ماركة ومعروف زي مقلت اوسرام 100\80 وده مفيش كلام عليه كفاية ماركته..
جميل جدا
نصايح سريعه...
اللي هيركب كتاوت يخلي الكهربائي يركبله ضفيره جديده لوحدها ويبعد عن سلوك العربيى الاصليه مهما اتكلف الموضوع لان ليه تقطع سلوك العربية خليهم وركب غيرهم...
تكلفة الكتاوت معرفش كام بس هوا تمنه 25 جنيه الفرنسي او التركي والاتنين ممتازين وفي ماليزي ب 20 برضو ممتاز
السلوك هاتها 3 او 4 ملم شعر هتبقى محملة وممتازه
نقي مكان كويس في الحوض لحط الكتاوت ومتزنقش نفسك...
فوانيس الماروتي مش كبيره قوي فمتفكرش في اي لمض اعلى من 100\90 لانك هترمي فلوسك في الارض ومش هتاخد منها اي اداء اكبر ولا اي بتنجان
طبعا انا مصورتش صور قبل وبعد فللأسف مش عارف ازاي اوريكم الفرق لكن الفرق واضح تماما رغم اني مش بخرج بالليل كتير وكنت مبصوط عاللمض الاصليه والحمد لله على كل حال
اما عن تركيب زينون او رينجات او اي تعديلات اخرى مليش فيها وعندكم احمد عمرو تسألوه لانه معدل ومركب زينون وحوار مليش فيه بقا
اي استفسارات انا مش موجود
ههههههههههههههههههه
تحت امركم وادعولي اعدي الامتحان الجاي على خير
تحياتي للجميع واشكر لورد عادل اللي خلاني اتحرك في الحوار ده رغم الخسائر
هههههههههههههههههه
صباح الخير يا جماعة
كمالك للماروتي وكمواطن مصري اسير على الشوارع المصرية (الجميله!!!)
حبيت اشوف موضوع الاضاءه في الماروتي بشكل خاص
نبذه بسيطه...
انا شاري عربيتي مستعمله وراكب فيها الكتاوت والمره الوحيده اللي عليت فيها الاضاءه والحمد لله ساحت فيشة اللمبه عللمبه ومسكو فبعض واظطريت اعمل عمليه جراحية صحيت فيها باللمبه عشان الفيشه والحمد لله طلعت الفيبشه منها بسلام واللمبه اتحرق خطها العالي ولغيت من وقتها فكرة تعلية الاضاءه وقلت الحمد لله ان الفيشه التانيه مساحتهم هي كمان...
العجيب بقا ان الكلام ده من اكتر من سنه ونص وانا مفكرتش ليه الفيشه دي ساحت والتانيه لأ وكل اللي قلته... نوع لمض زباله ياراجل
وكل ما افتكر الصهد اللي كان بيبقى طالع من الفوانيس اقول حقها تسيح يعني والصيف والكلام ده...
طب ياعم الحج امال ايه الحوار؟؟؟
بداية الموضوع...
لورد عادل (حشيش هارتي) كلمني وبيسأل عالفيليبس رالي وتركب عندنا ولا ايه وايه الحوار وكلام كتييير (صداع من الآخر) ههههههههههههههههههههه (حشيش هارتي تاني ياعدول)
من غير دخول في كتر تفاصيل ملهاش علاقه بالموضوع هقول شوية حاجات وتقدر تقيم الموضوع وتقرر بناءا عليه...
1-لو كانت اغلب ظروف سواقتك بالنهار ونادرا اما تخرج بالليل او تسافر فالموضوع لا يعنيك لا من قريب ولا من بعيد!! (وده زي حالاتي وده اللي خلاني صابر على اللمض الاصليه مع انهم فوانيس رمضان!!)
2-بعد البحث والتدقيق والتمحيص والذي منه وصلت الى الآتي:
*متفكرش في اللمض من الماركات المشهوره لانها مبتنزلش غير شوكه واحنا لمضنا طبق ودي متركبش على دي وجربت واشتريت لمض شوكه ومركبوش طبعا واهم مرميين عندي!!
اخص بالذكر اشهر نوعين هما
فيليبس رالي
اوسرام نايت بريكر
الاتنين شوكه ومبينزلش منهم طبق وآدي الفرق كصوره مابين الشوكه والطبق
والفيلبس كانت زمان بتنزل الطبق وبطلت والموجود حاليا كله شوكه
*(بالنسبه للألتو يركبو لانها شوكه ولكن اي حد هيعلي الاشاءه في الألتو عنده عيب قاتل وهو ان الفوانيس باغتها بلاستيك ولونها ممكن يغير وقد تصصل انها تسيح من اي لمبه 100\90 واط فما فوق)
*عشان تكونو في الصوره لمض فبريكة الماروتي فيليبس ألمانية H4 طبق 45\40 واط وتقبل لحد 60\55 من غير كتاوت بس للاسف ال 60\55 قليله قوي في السوق..
*اي لمضه اعلى من كده لازم تركب كتاوت والا دراع النور جوه هيسيح وهتدخل في قصص وحوارات انت في غنى عنها
*رجلشة الفوانيس للماروتي بتفرق قوي قوي قوي حتى على لمض الفبريكا التعبانه وطبعا كل واحد بيرجلش على حسب احمال العربية وعلى حسب طوله هوا شخصيا وحاجات كده المهم ان بتختلف من حد للتاني
طيب نرجع للموضوع...
انت ياعم بتقول راكب عندك كتاوت والفيشه ساحت وعايزنا نتجنن ونعمل زيك؟!!
ببساطه شديده
لما عادل كلمني وقلب عليا المواجع رجعت فكرت
وركزت في ان فيشح واحده اللي ساحت يبقى اكيد فيها عيب لوحدها
نزلت العربية واكتشفت الآتي... السلك الارضي كان واصل وحش جدا جدا وهوا اللي كان بيسخن الفيشه للدرجة اللي خلتها ساحت...
طبعا ده استنتاج شخصي مني
سألت كهربائي قالو لو الفيشه اللي ساحت تبقى فيشه وحشة ولو السلك بيسخن يبقى السلك مش محمل
طيب
انا بقا قلت ده حوار والعربية راكبلها كتاوت اقوم انا كمان اقعد اعيد على السلوك ولسا هكع فلوس واجرب وبعدين يطلع مش نافع وعلى ايه حلوة هيا كده..
بعدين قلت طب اشوف ايه حكاية الفيشه ميمكن عيب لمبه (ولو اني مش مقتنع ان المشكله كانت من اللمبه)
رحت عند واحد بتاع قطع حبيبي خدت منه لمبة 100\90 طبق نوع المفروض انه ألماني بس الراجل قالي دي ألماني متصنعة في الصين وفعلا تقفيلها كان نضيف وانضف من اللي جربتهم اول مره فقلتله بكام دي
قال ب 20 اللمبه
اخدت واحده ومشيت
ركبتها وجربت
شميت ريحة شياط البلاستك فقلت خلص كده في مشكله اكيد...
بالصدفه احد الاعضاء كان محتاج فيليبس رالي لعربية تانيه ووصاني عليهم فعديت على احد الاشخاص اللي بيبيعهم ومن غير دعاية لكن هو راجل محترم وامين بجد
لما عديت عليه قلتله قالي غير الفيشه ومتجبش بلاستيك جيبها سيراميك او رخام (ناس بتسميها كده وناس بتسميها كده)
قلتله طب عندك حاجه نضيفه
قالي عندي صيني كويسه بس بأمانه في انضف في السوق فرحت ألف في السوق ملقتش حاجه انضف من اللي عده رجعتله خدت منه اتنين ومكنتش اعرف انها مش غاليه الواحده ب 7 والاتنين ب 10
رجعت البيت والدنيا ليل ومستحيل اشتغل في الكهربا بالليل
الفجريه كده اتشجعت ونزلت وهوبا تيتا نانا طبعا نفسي اصورلكم الفيشه القذره اللي ساحت واصورلكم السلوك الزباله بتاعتها خلوها على ربنا
ركبت الفيشه التانيه وركبت اللمبه وجربت ربع ساعه مفيش سخونيه ومفيش شياط ولا سيحان قلت تمام يومين نجرب ونشوف
بعد التجربه والحمد لله مفيش مشاكل
بدأت مرحلة البحث عن نوع لمبه محترم يركب عندنا
لفيت لفتي ورحت لنفس الشخص
ومن الآخر مفيش في السوق لينا غير اوسرام عادية 100\80 واط لونها مش ابيض ولا اصفر درجه ناصعه كده (مجربتهاش ومشترتهاش لسا ) والجوز ب 65 جنيه
خلال يومين التجربه عجبتني اضاءة اللي انا اشتريتهم من حبيبي الاولاني هههههههههههه فرجعتله خدت واحده تانيه للفانوس التاني ومغرتلوش فيشه لان العيب كان في فيشة واحده بس
النوع اللي انا مركبه اسمه DAT Germany والتقفيل بتاعه جدا نضيف وزي تقفيل الفيليبس الاصليه بالظبط
وده معرفش متوفر في السوق كله ولا لأ بس مدورتش وانا خدتهم من الراجل تحت البيت حبيبي ده
النوع التاني الموجود وده رخيص وهو نوع هندي مصري ألماني متعرفش اسمه jahn وده الجوز لا يتعدى 30 جنيه
النوع اللي ماركة ومعروف زي مقلت اوسرام 100\80 وده مفيش كلام عليه كفاية ماركته..
جميل جدا
نصايح سريعه...
اللي هيركب كتاوت يخلي الكهربائي يركبله ضفيره جديده لوحدها ويبعد عن سلوك العربيى الاصليه مهما اتكلف الموضوع لان ليه تقطع سلوك العربية خليهم وركب غيرهم...
تكلفة الكتاوت معرفش كام بس هوا تمنه 25 جنيه الفرنسي او التركي والاتنين ممتازين وفي ماليزي ب 20 برضو ممتاز
السلوك هاتها 3 او 4 ملم شعر هتبقى محملة وممتازه
نقي مكان كويس في الحوض لحط الكتاوت ومتزنقش نفسك...
فوانيس الماروتي مش كبيره قوي فمتفكرش في اي لمض اعلى من 100\90 لانك هترمي فلوسك في الارض ومش هتاخد منها اي اداء اكبر ولا اي بتنجان
طبعا انا مصورتش صور قبل وبعد فللأسف مش عارف ازاي اوريكم الفرق لكن الفرق واضح تماما رغم اني مش بخرج بالليل كتير وكنت مبصوط عاللمض الاصليه والحمد لله على كل حال
اما عن تركيب زينون او رينجات او اي تعديلات اخرى مليش فيها وعندكم احمد عمرو تسألوه لانه معدل ومركب زينون وحوار مليش فيه بقا
اي استفسارات انا مش موجود
ههههههههههههههههههه
تحت امركم وادعولي اعدي الامتحان الجاي على خير
تحياتي للجميع واشكر لورد عادل اللي خلاني اتحرك في الحوار ده رغم الخسائر
هههههههههههههههههه
حبيبي انت يا دوووووووك
Comment