تقرير تركيب كاسيت للماروتى

[waelgam2005]

انا النهارده هعمل تقرير صغنطوط من تقاريرى البايظة عن تركيب الكاسيت لكوكى
طبعا مشكلة المشاكل هيا تركيب كاسيت فى تابلوه الماروتى معرفش ليه مزنقنها علينا ما علينا انا خليت الراجل يشيل الساعه ويحطها تحت لانها لو مكنتش اتحطت تحت كان الكاسيت هيبقى بارز لبرا اوى وشكله مش تمام وبالنسبة للاسعار الكاسيت جبته 650 والسماعتين 320 بايونير 500 وات يعنى كله شاكب راكب بالتركيب عملت 1000 وزمن التركيب يعنى ساعه الا ربع او ساعه

ودى صورة للكاسيت بعد التركيب

[mesaharaty]

ألف مبروك يا باشا
ربنا يحفظها لك

[waelgam2005]

الله يبارك فيك ياباشا نورت التوبيك

[LORD.ADeL]

مبروووووووووك يا ولللللل
فين سماعات ههههههههههه
بس ع فكرة شغله نظيف فى تركيب كاسيت وضبطه صح ماشاء الله
ومكان ساعه حلو بردو لالا مبروك يبااشا
طيب عملت بوردة خشب ولا لسه علشان تاخد اداء اصلي من سماعتين يا باشاا

[waelgam2005]

الله يبارك فيك يا جميل
لا لسه هعمل بعدين بس اللى عاوز اعرفه البورده الخشب دى اعمل سمكها كام ميلى او كام سنتى لانى حاسس ان السماعات تقيله واعمل نوع الخشب ايه mdf ولا فى نوع تانى

[Amr Axel]

الف مبروك تركيب الكاسيت و السماعات
لو هتعمل كونتر هيدي صوت أحلي لكن متفكرش انك تحركه يعني يطلع و ينزل مع الازاز
اما لو عايز رف يطلع و ينزل يبقي mdf

[dr.hazem]

ربنا يباركلك يا وائل شغل جميل الحقيقه
انا كنت مركب الكاسيت جنب الساعه بس التكييف جه خلا الكاسيت يطلع لبره انما غير كده كان راكب عادي الاتنين جنب بعض
بالنسبه للرف لا ينصح بالم دي اف
انصحك بالكونتر وهيكلفك 70 جنيه راكب ومكسي موكيت وراكبه عليه السماعات

لو عايز تعمله ممكن ننزل سوا شارع دمشق عند واحد حبيبي هناك هو اللي عاملهولي انا وواحد تاني من الاعضاء


تحياتي

[dr.hazem]

الف مبروك تركيب الكاسيت و السماعات
لو هتعمل كونتر هيدي صوت أحلي لكن متفكرش انك تحركه يعني يطلع و ينزل مع الازاز
اما لو عايز رف يطلع و ينزل يبقي mdf

بالظبط كده الكونتر كصوت افضل لكن مينفعش يتحركوالام دي اف يتحرك لكن مش زي الكونتر في الصوت
ومجرد نظره على طقم العده دي تفهم ان اللي مركبها عايز يتمزج
ههههههههههههههههههههههههه

يبقى الكونتر هو الحل

[mrghost]

بسم الله ماشاء الله
الكاسيت شكله نضيف ربنا يباركلك فيه بس الساعه شكلها مش حلو من رأيى تشيلها احسن وتجيب ساعه من اللى بتتلزق ع التابلوه

[S O P H O S]

ما شاء الله
مبروك يا باشا

[LORD.ADeL]

ربنا يباركلك يا وائل شغل جميل الحقيقه
انا كنت مركب الكاسيت جنب الساعه بس التكييف جه خلا الكاسيت يطلع لبره انما غير كده كان راكب عادي الاتنين جنب بعض
بالنسبه للرف لا ينصح بالم دي اف
انصحك بالكونتر وهيكلفك 70 جنيه راكب ومكسي موكيت وراكبه عليه السماعات

لو عايز تعمله ممكن ننزل سوا شارع دمشق عند واحد حبيبي هناك هو اللي عاملهولي انا وواحد تاني من الاعضاء


تحياتي

تماااااااااااااااااااام كلام اوعى تدفع اكتر من 70 ياوائل واحتمال اقبالك اغير مكان كاسيت عندي زيك كدة لان قليل اللى بيعرف يكرب باحترافيه دون تخريب فى تابوة فل ((:

[sab3aawy]

انا كنت مركب الكاسيت تحت التالبوه، شلت الكونسول اللى تحت التابلوه(بيتفك ب 4 مسامير) وركبت مكانه علبه كاسيت من بتاعت ال 128 وركبت فيها الكاسيت من غير ما اقطع حاجة فى السيارة

[waelgam2005]

تماااااااااااااااااااام كلام اوعى تدفع اكتر من 70 ياوائل واحتمال اقبالك اغير مكان كاسيت عندي زيك كدة لان قليل اللى بيعرف يكرب باحترافيه دون تخريب فى تابوة فل ((:

ياباشا انت تؤمر كفايه انك تنور العاشر بس

[elkomyalto]

الله ينور يا ريس
ربنا يرزقك خيره ويبعد عنك شره

[LORD.ADeL]

ياباشا انت تؤمر كفايه انك تنور العاشر بس

ياابااشاا العاشر منورة بنسها واهلها تسلم مشكل فعلا مش فاضي خالص ربنا يسهل ياباشا تحياتى