محتاج مساعدة عمالقة الالتو!!!!

[asd2]

السلام عليكم علي اجمد منتدي

يا ريت كل محبي الالتو يساعدوني

انا لشتريت التو 2008 1100 سي سي من كام شهر

و كانت صحبتها سيدة و بصراحة كانت مبهدلاها و لكن حالتها كويسة

العربية طبعا خرجت من الضمان

و دلوقتي عدت ال 60 الف كيلو من اسبوع

علشان مطولش عليكم عندي كام سوال:

1-لازم اروح التوكيل عشان اعمل صيانه ال 60 الف و هل هو مجدي ماديا

2-هل فيه مراكز صيانه تانية غير التوكيل ممكن اعمل فيها الصيانه و لا اعمل عند الميكانيكي

3-افضل مكان لبيع قطع الغيار في القاهرة لانها محتاجه كبالن و مساعدين

4-بسمع ان فيه حاجات لازم تتغير دوريا زي

فلتر الزيت
فلتر البنزين
فلتر الهواء
السيور
الكاتينه
تيل الفرامل
.......
فالحاجات دي تتغير كل اد ايه و اجبها منين

5-موضوع تغيير البوجيهات و تنظيف الحساسات بالكمبيوتر ده اخباره ايه في الالتو

انا عارف اني طولت عليكم بس انا فعلا محتاج مساعدتكم

[Amr Axel]

اولا : الف مبروك العربية و العربية فعلا هتعجبك
و اهلا وسهلا بيك معانا و انضمامك لنسور السوزوكي :)

بالنسبة التوكيل اولا كفلوس هتكون عالية جدااااا من وجهة نظري الأفضل تجيب قطع الغيار و تركبها برة و لو معندكش ميكانيكي متقلقش موجود ... عايز تروح التوكيل براحتك لكن لازم تعمل حسابك انك هتدفع
بالنسبة الاماكن فيه مراكز صيانة كتيير لكن متعاملتش مع و لا واحد و برده الاسعار بتكون أغلي من الميكانيكي
و بالنسبة لينا احنا بنتعامل مع ميكانيكية لأنها مش مستهلة
بالنسبة قطع الغيار فيه اكتر من واحد في شبرا و وسط البلد

الحاجات ديه دورية ع حسب كل قطعة يعني مثلا فلتر الزيت كل تغييرة او تغييرتين زيت
فلتر الهوا لما يبتدي يوبر او الريش تتعوج او يعدي اكتر من 40 الف
سير الكاتينة يفضل كل 40-50 الف مع تغيير بلية الشداد لأنها لو لا قدر الله قفشت هتقطع السير و تجيب طقم صبابات عالطول
تيل الفرامل لما يبتدي خلاص يخلص و بيبقي ليه علامات زي صوت تصفير و طبعا فرق اداء
فلتر البنزين ممكن كل 50-60 الف زي ما تحب

البوجيهات تتفك العمة و تتفك البوجيهات و بتركب عادي جدااا مفيهاش اي مشاكل المهم تكون نفس المقاس و الحساسات حاول ميجيش عليها مية و بتتنضف تقريبا بمنظف الكترونيات


و بما انك لسه جايب العربية فاللي انصحك بيه عشان تبدأ مع العربية صفحة جديدة و تحسب من دلوقتي اعمل الآتي :

- اكشف ع العربية كلها و شوف كل اللي فيها لو فيها حاجة تانية بجانب الكبالن و المساعدين عشان تعملها و تبقي السليم
- غير زيت و فلتر الزيت و جيب زيت نوعية كويسة
- غير زيت الفتيس
- غير سير الكاتينة و بلية الشداد
- سير الدينامو لو محتاج يتغير غيره
- فلتر الهوا لو محتاج يتغير غيره
- فلتر البنزين غيره او نضفه مؤقتا و بعدين غيره
-شوف سير و فلتر التكييف
- طقم البوجيهات غيره بطقم جديد و القديم خليه معاك احتياطي لو صالح للاستخدام تاني
- سلك الدبرياج لو محتاج يتغير
- شوف الكاوتش لو محتاج يتغير
- ربط العفشة وشحمها و رصص و اظبط زوايا
- ربط اي مسامير في العربية من جوة او التابلوه و زييت الابواب
- تمم ع اللمبات كلها و الاسلاك انها سليمة
- اغسل العربية من تحت و برة و جوة و بعدين اعملها وش بوليش بنفسك مع شوية تظبيط

و يا رب مكونش نسيت حاجة

و الف مبروك العربية الجديدة و تبقي بدأت معاها صفحة جديدة :)

و كل 10 الاف كيلو بتعمل صيانة دورية للعربية و احنا هنتابع معاك ان شاء الله ايه اللي تعمله فيها لو عملت كل الحاجات اللي قاتت ديه و اي حاجة تحسها و مش عارف سببها قولنا و احنا نشوف لو نقدر نفيدك فيها

بس ملحوظة مهمة اووووي اوعي ترمي اي قطع غيار فبريكة او قديمة كانت ركبة عشان لما تحب تشتري قطع غيار تجيب عليها و تقدر تقارن بين الفبريكة او القديم و بين اللي هتشتريه عشان مدوخش لأن احيانا بيحصل خلط في قطع غيار الالتو موديل 2008 و موديلات تانية فتاخد قطعة غلط او مش اد كده

و اي استفسار اتفضل و هنتابع معاك ان شاء الله في اي حاجة مش عارفها

[elkomyalto]

مبروك يا باشا على العربيه

وذى ما عمرو باشا قالك لازم تغير كل الحاجات بنفسك وتكتب تاريخ التغيير سواء للزيت او غيره

اضيف اضافه بسيطه غير مية الريداتير واستعمل ميه خضراء

[Amr Axel]

مبروك يا باشا على العربيه

وذى ما عمرو باشا قالك لازم تغير كل الحاجات بنفسك وتكتب تاريخ التغيير سواء للزيت او غيره

اضيف اضافه بسيطه غير مية الريداتير واستعمل ميه خضراء

+111111111

زي ما د \ محمد قالك مياة الريداتير
- راجع ع البطارية
- غير زيت الفرامل كله هتحتاج حوالي 400 - 500 ملم يعني علبة صغيرة و جيب نوعية كويسة زي البيندكس او اللوكهيد و خلي بالك قبل ما تشتري البندكس تتأكد ان عليها علامة بندكس عشان ميبقاش مضروب

بالتوفيق ان شاء الله

[waelgam2005]

معلش ممكن ادخل فى الموضوع؟؟ بدل ما اعمل موضوع جديد
بالنسبة للفتيس انا طبعا لسه جايب ماروتى جديدة ومعملتش الالف كيلو لسة بس الفتيس مديقنى اوى وبالاخص فى الاول والتانى ساعات اجى ادى الاول او التانى ميرضاش يجى الا بعد محاولات منى فا ده طبيعى ولا اغير زيت الفتيس؟

[asd2]

الف الف شكر عمرو باشا و فعلا الكبير كبير
حضرتك ما شاء الله جبتلي العربية كلها و مفوتش حاجة
ان شاء الله هبدا اعمل كل ده و اقولك علي اللي حصل معايا

بس سوال اخير انا من المعادي اجيب منين قطع الغيار لان مش لاقي حد جنبي و يكون مضمون

د/ محمد الف شكر علي المشاركة و فعلا مواضيعك قوية كالعادة و انا متابع التقرير و في انتظار المزيد




انا م عارف اقول ايه علي الاحترام ده كله

فعلا جزاكم الله خيرا

[Amr Axel]

معلش ممكن ادخل فى الموضوع؟؟ بدل ما اعمل موضوع جديد
بالنسبة للفتيس انا طبعا لسه جايب ماروتى جديدة ومعملتش الالف كيلو لسة بس الفتيس مديقنى اوى وبالاخص فى الاول والتانى ساعات اجى ادى الاول او التانى ميرضاش يجى الا بعد محاولات منى فا ده طبيعى ولا اغير زيت الفتيس؟

لأ زيت الفبريكة لسه بدري عليه
روح لوحد يشحم لك عصاية الفتيس و يربطها و شوف الدنيا فيها ايه

[Amr Axel]

الف الف شكر عمرو باشا و فعلا الكبير كبير
حضرتك ما شاء الله جبتلي العربية كلها و مفوتش حاجة
ان شاء الله هبدا اعمل كل ده و اقولك علي اللي حصل معايا

بس سوال اخير انا من المعادي اجيب منين قطع الغيار لان مش لاقي حد جنبي و يكون مضمون

د/ محمد الف شكر علي المشاركة و فعلا مواضيعك قوية كالعادة و انا متابع التقرير و في انتظار المزيد




انا م عارف اقول ايه علي الاحترام ده كله

فعلا جزاكم الله خيرا

يا باشا ديه حاجة بسيطة

و منتظرين بقي تقرير عن كل حاجة تعملها في العربية بداية من الصيانة و كل حاجة تعملها يا ريت لو تشاركنا بيها حتي لو جبت مساحة هههههههه المهم تعمل تقرير و الا انا مش مسئول ع اللي هيحصل ههههه

بالنسبة قطع الغيار فيها زي مقولت كذا واحد
فيه ميدو في شبرا : اسلام
سوزوكي سنتر في التوفيقية : أ \ هاني
في الدقي : أ \ محمد

[elkomyalto]

الف الف شكر عمرو باشا و فعلا الكبير كبير
حضرتك ما شاء الله جبتلي العربية كلها و مفوتش حاجة
ان شاء الله هبدا اعمل كل ده و اقولك علي اللي حصل معايا

بس سوال اخير انا من المعادي اجيب منين قطع الغيار لان مش لاقي حد جنبي و يكون مضمون

د/ محمد الف شكر علي المشاركة و فعلا مواضيعك قوية كالعادة و انا متابع التقرير و في انتظار المزيد




انا م عارف اقول ايه علي الاحترام ده كله

فعلا جزاكم الله خيرا

يا باشا ولا شكر ولا حاجه

ومنتظرين تقاريرك

[محمد فتحي]

معلش كونت عايز اسال لو حد عارف مفيش سوزوكي التو جديدة موديل حديث انا سمعت ان هي بطلت تنزل مصر من سنة مش عارف ايه السبب يا تري فيها عيوب الرجاء الرد

[LORD.ADeL]

معلش ممكن ادخل فى الموضوع؟؟ بدل ما اعمل موضوع جديد
بالنسبة للفتيس انا طبعا لسه جايب ماروتى جديدة ومعملتش الالف كيلو لسة بس الفتيس مديقنى اوى وبالاخص فى الاول والتانى ساعات اجى ادى الاول او التانى ميرضاش يجى الا بعد محاولات منى فا ده طبيعى ولا اغير زيت الفتيس؟

عادي ياوائل انت هتتعود عليه انت لسه جايب عربيه كدة ولسه ماطبعتش عليه وع طقوسها فى حاجات كتير الاو لتانى باذت اوقت يبقو حلاوة معاك واوقات يبقو غلسين انت بس مااتعافش عليها لاقيتها
غتت معاك شيل رجلك من دبرياج ودوس دوسه للاخر شويا وانقل هتلاقيه معاك حلاوة

[LORD.ADeL]

لأ زيت الفبريكة لسه بدري عليه
روح لوحد يشحم لك عصاية الفتيس و يربطها و شوف الدنيا فيها ايه

يا اكسيل هوا لسه مشي بيها علشان يشحم ولا يربط.. هههههه لسه بس مستجد وهيعرف تعامل معها بالتعود وزي ماقلتلك كدة يا وائل

[Amr Axel]

الراجل عدي الـ1000 يا ريس ده لو تيل فرامل كان طبع من بدري هههههههههههههه

[LORD.ADeL]

هههههههههههههه ياعم حج دي حاجه ودي حاجه
فتيس فى ماروتى اساسا غلس فى الاول تانى وبيجي بتعود ومشكلته فى الاول وتانى وممكن مكينش بيدوس دبرياج ع الاخر او عايز يتضبط دبرياج مثثلا انما شحم عايز شرح مفسر علشان يشحم ومش بتتعمل كتير اساسا مقياس عامتا
يجرب الاول مضايقه منه يبقى يطلع يشحم باق ويربط.؟ بس معرفش انا ايه عربيه ماشيه الف كيلو تربط وتشحم وعربيتنا مفيش تشيحم فيها مش زي عربيات تانية
وائل شوف طيب مقياس زيت مقياس هتلاقيه فى حتى منقرشه اذا زيت معديها وكويس خلاص هيا بتعود والله اعلم