ماروتى موديل 94

[julieta]

السلام عليكم
يا جماعة انا من شهر اشتريت ماروتى 94 ب 19000 واليومين دول بطلع دخان ابيض كتيير من الشكمان ولما سالت الميكانيكى قالى عاوزة عمرة موتور وهتتكلف حوالى 2000 وقالى كمان احتمال تفتح فى اكتر من كده ايهما افضل ابيعها على حالها كده والا اعمل لها العمرة وياترى لو عملت العمرة هتبقى كويسة والا هتظهر مشاكل تانية ارجو افادتى بالله عليكم

[botros]

متهيالى تشترى موتور جديد استعمال خارج ممكن يكون بنفس السعر و يمكن اقل . لانه موتور 800 سى سى .


مووع البيع مش هتعف تبيع الا لو دبست حد فيها . ما حدش هشتريها على الحال ده الا لو كان ما يعرفش فى العربيات قوى .

[hn_kamal]

لو فى نية لامتلاك العربية فترة طويلة يبقي عمرة لو غير كده يبقى البيع
ملحوظة لو فى نية للبيع ممكن أشتريها

[julieta]

هو فيه نية للبيع بصراحة دول كانت اخر مبلغ معايا اللى دفعته فيها وماعنديش استعداد حاليا ادفع تانى شوف بقى لو لسه عاوزها قولى

[hn_kamal]

'طيب ممكن نعاينها ازاى عموما انا تليفونى 0106033055

[arar]

ممكن تعمل لها عمرة وان شاء الله تبقى كويسة

[نور العمر]

ليه فيه أزمة ضمير كبيرة - إللي بعهالك حقك عليه يقولك كل عيوبها مش يدبسك
بعها أحسن - وامرك لله

[julieta]

يا استاذ كمال انا حاولت اتصل بيك على المةبيل ولكنك مارديتش

[hn_kamal]

أنا باعتذر عن عدم اارد ممكن تتصل مرة تانيه أو تكتب تليفونك وأنا اكلمك
0106033055

[hazem_khidr]

2000 جنيه و احتمال يزيد كمان ليه؟
عمره الماروتي مش غاليه اوي كده.
شوف ميكانيكي كويس و شوف رايه ايه
و اسال علي موتور الاستعمال بكام لو لقيته تمنه معقول هاته
حتستفيد موتور و فتيس جداد
و حيبقي عندك كاربيراتير و دينامو و مارش و سبراتير و طلمبه ميه و طلمبه زيت و حاجات كتير اوي تنفع تستعملها في موتورك الجديد لو لا قدر الله اي حاجه عطلت