حكة + كاوتشة

[mesaharaty]

السلام عليكم جميع أخوتى الأعزاء الماروتية المحترمين

امبارح لقيت بتاع العفشة فاضى كده ومأنتخ قلت أما أرمى بلايا عليه وأكشف وأعمل تشيك علشان لو فيه حاجة نلحقها أو نعرف إنها بدأت تبوظ .
المهم هو بوجه عام بعد الفحص قاللى العربية كعفشة زى الفل بس عندك ملاحظتين :
الأولى : العجلة الشمال قدام بتحك فى الصاجة اللى رابطة الفتيس لما باكسر أقصى اليمين .
الثانية : قاللى الكاوتشة الشمال لقاعدة الفتيس مكسورة وعاوزة تتغير وهى دى سبب رجرجة العربية (وسألنى إن كانت العربية بترجرج لما تمشى على أسفلت متعرج فأجبته بنعم) .

طيب بالنسبة لحكة الفردة الشمال قدام دى علاجها إيه ومين يعملها ؟
وبالنسبة لكاوتشة القاعدة بتاعت الفتيس فدى أجيبها منين يعنى من عند بتاع قطع غيار سوزوكى ولا من بتوع الكاوتشات والخراطيم اللى فى التوفيقية مثلا ( عاوز أماكن محددة والله)؟
هل تركيب الكاوتشة دى بياخد غلبة ولا بتتم على طول وهل الصنايعى حييجى جنب الفتيس أو يفكه مثلا ؟ وهل اللى يعملها ده بيبقى ميكانيكى ولا بتاع فتيس ولا إيه ؟

أفيدونا أفادكم الله
طبعا أنا بسأل باستفاضة لأنى عارف كل أصدقائى هنا مابيبخلوش علينا بأى معلومة مهما كانت ضآلتها .
ربنا يسترها معانا ومعاكم جميعا ... آمين

[alking_2006]

هو مبدئيا دى اسمها قاعدة الفتيس مش كاوتشة القاعدة بتاعة الفتيس و دى انا لسه مغيرها و جبتها من سوزوكى سنتر ب 55 جنيه و رحت للميكانيكى و غيرها و اخدت نص ساعة و اخد 15 جنيه و هو بيفك الصامولتين بتوع قاعدة الفتيس القديمة و يرفع الفتيس بالكوريك و يكمل فك القاعدة و يركب الجديدة بنفس الطريقة العكسية

فالموضوع بسيط و ان شاء الله مفيهوش قلق

اما بالنسبة لموضوع الحكة فبصراحة معنديش ادنى فكرة

[mesaharaty]

شكرا يا كينج على الرد
بس العفشجى قاللى إنها عبارة عن حتة كاوتش من ضمن حتت كاوتش قاعد عليهم الفتيس علشان الرجرجة ، ومنها شمال ومنها يمين برضه .

مش يمكن اللى عندى كاوتشة بس مش قاعدة فتيس ؟

[mesaharaty]

على فكرة أنا إتصلت دلوقتى بسوزوكى سنتر وسألت فقالولى إن القاعدة بتتباع كاملة بكاوتشها بسعر 55 جنيه .
وكمان سألت واحد خبير شوية فقال لى نفس الكلام بتاع حضرتك .

[alking_2006]

تمام

دلوقتى الماتور لسه قاعدتين واحدة قدام ورا الاكصدام الامامى و واحدة ورا قدام كابينة الصالون
و الفتيس لسه قاعدة واحدة بتبقى على شمالك و انتا قاعد جوا العربية و ملهاش قاعدة تانيه

فممكن يكون قصده ان دى قاعدة من ضمن القواعد اللى ماسكه الماتور و الفتيس

[mesaharaty]

[frame="1 80"]
فممكن يكون قصده ان دى قاعدة من ضمن القواعد اللى ماسكه الماتور و الفتيس
[/frame]

وضح لى الحتة دى شوية
يعنى إيه قواعد ماسكة الماتور والفتيس ؟؟؟

[alking_2006]

لا يعنى انا قولتلك ان فيه قاعدتين للماتور و فيه قاعدة للفتيس
فالعفشجى لما قالك

"بس العفشجى قاللى إنها عبارة عن حتة كاوتش من ضمن حتت كاوتش قاعد عليهم الفتيس علشان الرجرجة ، ومنها شمال ومنها يمين برضه "

كان بيتكلم بطريقة عاميه لكن هو يقصد قاعدة الفتيس مش حتة كاوتش هو يقصد قاعد الفتيس كلها

[mesaharaty]

والله شاكر على ردودك القيمة يا كينج وربنا ما يحرمنا منك أبدا

أنا كلمت العفشجى دلوقتى وإستوضحت منه وكان رده متطابق مع كلام حضرتك .
وإحتمال أنزل أشتري القاعدة دى النهاردة لو الدنيا رايقة .


طيب حد بقى من إخواننا الجدعان يفيدنا فى موضوع الحكة بتاع فردة الكاوتش شمال قدام ؟؟؟

[alking_2006]

تسلملى يا جميل

المهم لما تخلص العربية ابقى عرفنا عملت ايه و الوقت و التكلفة و بالتوفيق يا جميل

[mesaharaty]

إن شاء الله تعالى

[mesaharaty]

أنا اشتريت قاعدة الفتيس امبارح بنفس السعر اللى حضرتك اشتريت بيه
وبكرة بأمر الله نركبها ونشوف

[Amr Axel]

بخصوص الكاوتشة اللي بتحك في الفتيس ؟ انا لو كنت واقف قدامه كنت قولتله ايه اللي جاب القلعة جنب البحرهههههه
يا ريت لو توضيح بخصوص النقطة ديه هل يقصد ان الكاوتش لما بتكسر بيحك في العربية ؟؟ و لا ايه المقصود بالظبط ؟؟

و ان شاء الله منتظرين منك تقرير بخصوص القاعدة و تغييرها في موضوع في القسم مش هوصيك طبعا ههههههه

[mesaharaty]

بخصوص الكاوتشة اللي بتحك في الفتيس ؟ انا لو كنت واقف قدامه كنت قولتله ايه اللي جاب القلعة جنب البحرهههههه
يا ريت لو توضيح بخصوص النقطة ديه هل يقصد ان الكاوتش لما بتكسر بيحك في العربية ؟؟ و لا ايه المقصود بالظبط ؟؟

و ان شاء الله منتظرين منك تقرير بخصوص القاعدة و تغييرها في موضوع في القسم مش هوصيك طبعا ههههههه

صباح الفل على كبيرنا
كنت فين يا باشا من يوم الاربعاء اللى فات كنا محتاجين لرأيك جدا ؟

بص هو الموضوع كان فيه شقين وتم عملهم والآن أقدر أقول لحضرتك إيه اللى تم بعد ما شفنا العجب امبارح وأول امبارح

1- تم تغيير قاعدة الفتيس (سعرها 55 جنيه وتركيبها 20) وبفحص القديمة تبين إنها ماعادتش تنفع ببصلة وعلى أول صفيحة زبالة ورميتها .
2- امبارح رحت لبتاع الزوايا علشان العجلة اللى بتحك فى الكارتيرة وتم عمل اللازم وعمل زرجينة صغيرة عند بتاع الزوايا وبعد كده جه معايا عند سمكرى لبط كده لعمل زرجينة ثم العودة لبتاع الزوايا مرة أخرى للكشف من جديد والحمد لله تمت العملية بنجاح (من وجهة نظر بتاع الزوايا وهو ولد محترم وأمين)
طبعا كل ده والمدام بتستعجلنى كل شوية علشان الهوت وينجز والفيليه ما يبردش .
بصراحة كان ويك إند جميل قضيته مع الناس اللى باحبهم جدا ((الصنايعية)) ربنا ينتقم من الظالم

[Amr Axel]

صباح الفل على كبيرنا
كنت فين يا باشا من يوم الاربعاء اللى فات كنا محتاجين لرأيك جدا ؟

بص هو الموضوع كان فيه شقين وتم عملهم والآن أقدر أقول لحضرتك إيه اللى تم بعد ما شفنا العجب امبارح وأول امبارح

1- تم تغيير قاعدة الفتيس (سعرها 55 جنيه وتركيبها 20) وبفحص القديمة تبين إنها ماعادتش تنفع ببصلة وعلى أول صفيحة زبالة ورميتها .
2- امبارح رحت لبتاع الزوايا علشان العجلة اللى بتحك فى الكارتيرة وتم عمل اللازم وعمل زرجينة صغيرة عند بتاع الزوايا وبعد كده جه معايا عند سمكرى لبط كده لعمل زرجينة ثم العودة لبتاع الزوايا مرة أخرى للكشف من جديد والحمد لله تمت العملية بنجاح (من وجهة نظر بتاع الزوايا وهو ولد محترم وأمين)
طبعا كل ده والمدام بتستعجلنى كل شوية علشان الهوت وينجز والفيليه ما يبردش .
بصراحة كان ويك إند جميل قضيته مع الناس اللى باحبهم جدا ((الصنايعية)) ربنا ينتقم من الظالم

ههههههههههههه معلش عندي ظروف اليومين دول فتقدر تقول مبشوفش الويك اند ده اساسا هههههههه
و الحمد الله ان العربية بقت تمام
المهم بس لحقت الهوت ونجز و القيليه و لا بردوا ههههههههههههههههه

[mesaharaty]

[frame="1 80"]
ههههههههههههه معلش عندي ظروف اليومين دول فتقدر تقول مبشوفش الويك اند ده اساسا هههههههه
و الحمد الله ان العربية بقت تمام
المهم بس لحقت الهوت ونجز و القيليه و لا بردوا ههههههههههههههههه
[/frame]

لأ تمام ربنا ما يحرمنا من دخلتك علينا ولا يحرم نايل موتورز منك أبدا
لأ واول امبارح بقى بعد يوم عصيب (رجعت من الشغل ونزلت طوالى علشان أصلح الكمبيوتر ولغاية الساعة عشرة ومن كتر التعب رجليا الإتنين جالها شد عضلى مرة واحدة وباركن العربية والباب اليمين حلف ما يقفل (المسوجر علق لا بينزل ولا بيطلع) ... يا عم يهديك يرضيك ...أبدا ... طيب خد لك شوية wd40 برضه أبدا . طيب أروح فين والكل تقريبا قافل أو حيقفل خلاص فجت فى دماغى أروح لواحد سمكرى معرفتى بس طلع معايا جدع جدا والله فك البطانة بتاعت الباب ولقى الشداد خارج من الأفيز وهو بيربط المسامير بتاعته الأفيز إتكسر (هيا ناقصة يعنى) فقام بعمل لحام للشداد فى مكانه ومشى الحال ومارضيش ياخد منى أى فلوس لأ وكمان جاب لى كوباية شاى كمان .
والحمد لله على كل حال