استفسار بخصوص فلتر زيت b.f.e

[waelgam2005]

انا جبت الفلتر ده لانى ملقتش عندى الفاك ولا التويوتا كورلا فا مش عارف ايه اخبار الفلتر ده
حلو ولا وحش

ودى صور ليه :

[Amr Axel]

مش عارف انا حاسس التقفيل مش اد كده
انت بتغير زيت كل كام الف ؟؟
و جبته بكام ؟؟

[waelgam2005]

انا هغيره على 4000 كيلو او 4500 وجايب زيت فيسكو 2000 والفلتر ده جبته ب 12 وهوا اصلا ب 7 جنيه بس عشان انا فى العاشر بتبقى اسعار سياحية ولما سالت على الفيس بوك اسلام اللى تبع ميدو سوزوكى قال عليه حلو وبتوع التاكسجيه بيطلبوه بالاسم فا انا مش عارف اعمل ايه استعمله وخلاص ال 4000 كيلو دول واجربه ولو لقيته وحش اغيره فى تغيرة الزيت التانيه ولا ايه؟

[Amr Axel]

بص زي مقولتلك هو المصري مبيقعدش اكتر من 5000 التاكس بيغير طول مهو ماشي لسبب بسيط لأنه طول الوقت شغال مبيقفش فتلاقيه عمل الــ5000 في غمضة عين هههههههه
الأفضل تجيب الياباني بتاعها بيقعد 10000 سواء لو هتغير مرتين ع 5000 او مرة كل 10000 و سعره في حدود 20-25
بالنسبة الزيت انا أفضل الفيسكو 3000 عشان بيقعد 10 الاف ك
حرام العربية جديدة و تعودها ع 5000 ك من دلوقتي الا بقي لو مشاويرك مش كتيير او الــ10 الاف دول تعملهم في سنة و شوية يبقي خليك في التغيير كل 5000
و خلي بالك من نقطة مهمة جدااااا عشان فزلكة الصنايعية اللي بيغيروا قبل ما يحطلك الزيت الموتور عندك قوله و تعلي صوتك و تعيدها ان الموتور بياخد 3 لتر الا ربع بالفلتر
اما لو الفلتر موجود و هتغير زيت بس يبقي لترين و نص
و متخليش حد يتفزلك عليك و يقولك لأ هم 3 لتر و كل اللي بيجي كده و بيحط 3 لتر يقولك كده قوله انا اللي عارف عربيتي بتاخد اد الكلام ده تقوله لواحد مش فاهم
و ادخل شمال معاهم دول عالم ......... بدل ما يجيبلك جوانات و يبهدلك الدنيا

[waelgam2005]

بص زي مقولتلك هو المصري مبيقعدش اكتر من 5000 التاكس بيغير طول مهو ماشي لسبب بسيط لأنه طول الوقت شغال مبيقفش فتلاقيه عمل الــ5000 في غمضة عين هههههههه
الأفضل تجيب الياباني بتاعها بيقعد 10000 سواء لو هتغير مرتين ع 5000 او مرة كل 10000 و سعره في حدود 20-25
بالنسبة الزيت انا أفضل الفيسكو 3000 عشان بيقعد 10 الاف ك
حرام العربية جديدة و تعودها ع 5000 ك من دلوقتي الا بقي لو مشاويرك مش كتيير او الــ10 الاف دول تعملهم في سنة و شوية يبقي خليك في التغيير كل 5000
و خلي بالك من نقطة مهمة جدااااا عشان فزلكة الصنايعية اللي بيغيروا قبل ما يحطلك الزيت الموتور عندك قوله و تعلي صوتك و تعيدها ان الموتور بياخد 3 لتر الا ربع بالفلتر
اما لو الفلتر موجود و هتغير زيت بس يبقي لترين و نص
و متخليش حد يتفزلك عليك و يقولك لأ هم 3 لتر و كل اللي بيجي كده و بيحط 3 لتر يقولك كده قوله انا اللي عارف عربيتي بتاخد اد الكلام ده تقوله لواحد مش فاهم
و ادخل شمال معاهم دول عالم ......... بدل ما يجيبلك جوانات و يبهدلك الدنيا

انا جايب الالفين عشان انا عملت الالف كيلو فى شهر فا لما اقعد ب 4000 كيلو دول خمس شهور يبقى حلو لانى انا مش بسافر خالص بيها وبالنسبة للجركن انا معلم عليه بالقلم على الجركن عشان الامور دى وفى حاجه اخيرة معلش هوا انا ينفع استفاد بالفلتر الاصلى بتاعها بدل ما يترمى يعنى اركب الجديد واخد القديم الاصلى مثلا وانضفه واسيبه للغيار الجاى ولا كدا غلط؟

[Amr Axel]

انا جايب الالفين عشان انا عملت الالف كيلو فى شهر فا لما اقعد ب 4000 كيلو دول خمس شهور يبقى حلو لانى انا مش بسافر خالص بيها وبالنسبة للجركن انا معلم عليه بالقلم على الجركن عشان الامور دى وفى حاجه اخيرة معلش هوا انا ينفع استفاد بالفلتر الاصلى بتاعها بدل ما يترمى يعنى اركب الجديد واخد القديم الاصلى مثلا وانضفه واسيبه للغيار الجاى ولا كدا غلط؟

تمام يا باشا و اكيد انت شوفت الفتي بتاع الصنايعية لما جيه يغير
و يا ريس ارمي فلتر مين بس هههههههههه أقولك ع حاجة جيب صفاية و حط فيها زيت أكل قديم هترميه و شوف الدنيا هيحصل ايه فتخيل ان جوة فلتر الزيت زي فلتر البنزين :)

[waelgam2005]

مش فاهم يعنى ارميه ولا استعمله تانى؟

[Amr Axel]

لأ القديم خلاص ارميه بس طالما معاك تبقي عملت أحلي شغل لو فتحته و صورته عشان نعرف الفبريكة شكله ايه من جوة و نعمل مقارنة :)

[waelgam2005]

افتحه ازاى من جوا؟