تقرير مفصل مصور : و ركبنا لمض يا رجالة

[ahma8]

بسم الله الرحمن الرحيم

السلام عليكم و رحمة الله و بركاتة


ايوة ركبت و الحمد لله جوز لمض

اللمض بقى الراجل قالى هات 200/260 محدش بقى يقولى حازم قال ايه انا قلت عادى

طلع الجوز بكام بقى الجوز ب سبعين بلبل
يا حلاوة

الراجل صلع عين اهله فى تركيب الضفيرة و علشان يعملها مكان كويس بعيد عن اى حاجة و
و احلى حاجة انه دخلها ( السلوك اقصد ) من تحت اصاج اللى قدام مش عارف اسمة اللى ورا شبكة سوزوكى

الاضاءة قبل و بعد

مش هعرف اصولكم صورة قبل و بعد بس اعرفو انى فى يوم ماشى و لبست مطب لعمرى

و بعدها بكام يوم قلت و انا ماشى لما اشوف الاضاءة عاملة ايه فى نور العمود اطفى و افتح مافيش اى فرق

ليه بقى احنا الاضاءة الاصلية بعمل 55/40 او 50/40 مش عارف

المهم التكاليف

70 جوز لمض
70 مصاريف ادوات كتاوت ب 25 ج و شوية سلوب و بتاعات ( ايوة اتخزوقت فيها كنت ممكن افاصل فى عشرين كمان )
70 مصنعية كتير بس عادى
10 دخان مع انه مش بيشرب سجاير

الاداء نقولوكم كمان يومين او تلاتة لما نجربها

وو

وو


وو ادعولة ربنا يسترها معايا


الصورة

الصورة دة انه مش مبين السلك خالص

ممم

ك

بعض الادوات

انتهى التقرير

جاهز لاى سؤال و ابقى قابلونى لو جاوبت حد
ههههههههههههههه

[mazagngi2010]

واضح انك اتخزوقت فعلا فى الاسعار

[waelgam2005]

تسلم ايدك على التقرير
وحلو اوى شبشبك على فكره ههههههههههههه

[ahma8]

واضح انك اتخزوقت فعلا فى الاسعار

اى اى مدى

تسلم ايدك على التقرير
وحلو اوى شبشبك على فكره ههههههههههههه

هههههههههههههههه
شكرا يا وائل بس دا كان شبشب صاحبى

[Amr Axel]

الف مبروك يا باشا هو ده الكلام عالطول تقارير هههههههههه
بس مجبتش حاجة معروفة ليه يعين فيليبس او اوسرام
و الاسعار عالية شوية ع الحوارات دي
بس أهم حاجة في الليلة دي البيبش هو اللي عامل شغل في التقرير هههههههه

[hamaza81]

مبروك على التقرير
واضح ان الشبشب أخد الأضواء أكثر من التقرير نفسه

[elkomyalto]

الله ينور على التقارير
بس الاسعار عاليه ليه كده
كنت تسأل قبل ما تدبس كده

المهم منتظرين النتيجه النهائيه عايزنها من الكنترول
وطبعا الشبشب عامل شغل فى التقرير جامد .. هوا بنور باليل ولا عملوا عواكس هههه ؟؟!!!

[LORD.ADeL]

ياحول العالم قلتلي بكام ياباااشاااااااااا 70جند
عايز اصدم حضرتك ان نفس لمض دي ونفس ذاااااات العلبه انا مركبها حضرتك وجايبهم ب10جند فقط لاغير للجوز يعنى وحدة ب5جند
والله زي مابقلوك كدة ومن محل قطع غيار للنقل ودلوقتى اعبال عندك تكاتك كمان مع نقل وكلام دة من سنه
معقوله استحاله يوصلوو للرقم فلكي دة 70 دي اوسرام ب65 يارجل ومش بكتاوت كمان تركب وانا عندي مش مركب ليها كتاوت واصلا مش محتاجه لعب فى ضيفرة نهائي وكتير فحت وردم كمان مصنعيه ربنا يعوض عليك خير ان شاء الله

[ahma8]

يااا ادى ام الشبشب
المهم يا راجالة
انا امبارح بليل رحت مشوار و هناك فرق كبير جدااا فى الاضاءة

على العموم مش مهم اى حاجة بس ربنا يسهل و يسترها قدام

[mesaharaty]

ألف مبروك يا باشا على الإضاءة
أنا من سنة تقريبا ركبت جوز نيرفا كانوا بتمانين جنيه جبتهم من التوفيقية
بس الحمد لله الدنيا اتظبطت كتير

المهم فى الموضوع بقى إنى عمال أحقق وادقق علشان أشوف فين الشبشب مش قادر أشوف حاجة
هه هه هو فين الشبشب ؟؟؟

[exact]

مبروكين عليك
بس خللي بالك ان اللمبات التريفا دي بتتحرق من المطبات... وسعرهم عالى حبة بسيطة

[ahma8]

مبروكين عليك
بس خللي بالك ان اللمبات التريفا دي بتتحرق من المطبات... وسعرهم عالى حبة بسيطة

الف شكر على ردك
و هخلى بالى فعلا من الكلام ده

طيب حضرتك تنصحنى باية ؟؟