مش عارف

[bondok20002002]

إمبارح كنت بظبط زوايا قولت أروح أكشف وأشوف إيه الأخبار فإتصدمت لقيت الراجل بيقولى إن كاوتش علبة الدركسيون والأفيز مقطوعين فده مش مشكلة المشكلة إن لقيتو بيقولى إن العجلة الأمام فى الشمال عايزة تطلع 1.5 سم انا حاسس إنه حوار وقالى هيا إتخبطت قولتله اه لأن برده الباب الشمال بيعض فى الرفرف جامد والفوانيس مكسورة الله ينعل ابو السواقة فى مصر والعربيات إلى بااخبط وهيا واقفة
حد يطمنى

[bondok20002002]

روحت لعفشجي اقوله على موضوع العجلة دي قالي العربية بتحدف معاك قولتله لا قالي خلاص يبقى الراجل بيشتغلك
وقالي ان الروس الداخلية فيها مشكلة ووصفلي واحد ف شامبليون وربنا يسهل انا قاعد عنه بعد ما اخلص حقولكوا
ادعولي

[bondok20002002]

انا خلصت خلاص بس طلع عينى بعد لما دفعت 200 جنيه زى الباشا
وأحلى حاجة بعد لما الراجل ركب الكبالن لقيت فى زيت بينزل كتير فالراجل جه مشكووووووووووور وعمل شغل فى الكوبلن تانى وركبه وبعد كده روحت علشان أظبط زوايا لقيت فى كمية زيت من تحت ياه حاجة تخض والله بس مفيش صوت سامعه الحمدلله يعنى والعربية بقت أحسن كتير بجد بس حتة الزيت دى مخوفانى قوى حروح للميكانيكى واقولكوا عملت إيه

[Amr Axel]

تمام يا باشا بس ايه اللي يوديك شمبليون كويس انك طلعت سليم من هناك
احسن ندرجية راشقين يلقطوك من أول الشارع لو مش داخل لحد معين و تلاقيهم مخمسين معاك في العربية و العربية لو دخلت مش هتخرج غير لما تديهم اللي هما عايزينه هههههههه
و اللي مظلومين هناك أصحاب المحلات اللي فاتحيين زمان
بس طالما كبالن كنت روحت ع الميكانيكي و خلاص

[ahma8]

الله يعينك

[bondok20002002]

تمام يا باشا بس ايه اللي يوديك شمبليون كويس انك طلعت سليم من هناك
احسن ندرجية راشقين يلقطوك من أول الشارع لو مش داخل لحد معين و تلاقيهم مخمسين معاك في العربية و العربية لو دخلت مش هتخرج غير لما تديهم اللي هما عايزينه هههههههه
و اللي مظلومين هناك أصحاب المحلات اللي فاتحيين زمان
بس طالما كبالن كنت روحت ع الميكانيكي و خلاص

انا كنت مستنى الخبراء لكن محدش عبرنى اعمل إيه قولت أدخل وربنا يسهل
بس العفشجى هو إلى ودانى عند واحد هناك

[bondok20002002]

الله يعينك

الله يكرمك

[bondok20002002]

روحت أكشف على زيت الفتيس لقيته زى الزفت والأحلى إن الراجل بعد لما الزيت وقع اول مرة لقيته بيلمه من الأرض فمش عارف حط الزيت ده ولا إيه