المراية

[minaerian]

سلام انا العربية الماروتي اتخبطت و المرايا اليمين اتكسرت والاكسدام وقع
روحت عملت الاكسدام تمام
والمراية كان الازاز بس الي اتكسر فقولت اعملها مرايا عند اي واحد بتاع ازاز
فعملت المراية بس مش عاجباني عشان مش موقعرة زي الاصلية وبتجيب مقاسات غير القديمة
فا بفكر اشتري واحدة جديدة بس الي لقيتهم الصراحة مش عاجباني ... بيتحركوا يمين وشمال بس مبيطلعوش لفوق وتحت
لو حد يعرف حل للمشكل هل ينفع اركب مراية مقعرة او اجيب واحدة اصلية منين ؟؟
ويا ريت لو حد يعرف تمن الاكسدام الجديد كام ؟؟
شكراُُ واسف اني طوولت

[mrghost]

في محل ف المنيل بيعملها.وعلي فكره هي محدبة مش مقعرة وبيعملها ب 30 جنية
لو عاوز ابعتلك بياناته ع الخاص

[bondok20002002]

ميدو بتاع بتاع احمد حلمي بيبيع النراية كلها اصلية ب ٢٠ جنيه
وعندو برده اكصدام لو مش عندك رقم تليفونه ابعتهولك

[mesaharaty]

فيه واحد بتاع مرايات عند الحرية مول بمصر الجديدة بيعمل المرايا تفصيل وبتبقى زى الأصلى (فيه حد عامل موضوع تفصيلى عن مراية عملها عند الراجل ده)

[minaerian]

ميدو بتاع بتاع احمد حلمي بيبيع النراية كلها اصلية ب ٢٠ جنيه
وعندو برده اكصدام لو مش عندك رقم تليفونه ابعتهولك

اشطة يا ريت تبعتلي العنوان انا اصلي قريب من شبره وهاوحله علطول

[minaerian]

في محل ف المنيل بيعملها.وعلي فكره هي محدبة مش مقعرة وبيعملها ب 30 جنية
لو عاوز ابعتلك بياناته ع الخاص

صعب اوي المنيل بس شكراً للاهنمام وسرعة الرد

[minaerian]

فيه واحد بتاع مرايات عند الحرية مول بمصر الجديدة بيعمل المرايا تفصيل وبتبقى زى الأصلى (فيه حد عامل موضوع تفصيلى عن مراية عملها عند الراجل ده)

مرسي يا ريت تبعتلي اللينك لو عندك

[mesaharaty]

مرسي يا ريت تبعتلي اللينك لو عندك

حادور لك على اللينك بس هو غالبا برضه فى قسم سوزوكى

[hamaza81]

انسى انك تلاقي مراية أصلية
احمد ربنا ان الشاسية لسة موجود
تابع مع الزملاء وشوف مكان تقص فيه مراية محدبة

[bondok20002002]

اشطة يا ريت تبعتلي العنوان انا اصلي قريب من شبره وهاوحله علطول

٥١ / ٥٠ شارع احمد حلمي امام بنزينة التعاون
٠١١١١٨٥٤١٢٣ / ٠١٢٢٤١٩٠٨٦٧ / ٢٥٧٩٧٧٤٩

[dr.hazem]

مراية الماروتي وما ادراك ما هي مراية الماروتي

عزيزي
من الآخر عشان اختصر عليك
كل اللي في السوق من اول 20 جنيه لغاية 50 جنيه ولا واحده فيهم اصلية وولا واحده بتجيب ابعاد كلهم مراية حمام لا اكتر ولا اقل


طالما الشاصي بتاع المرايه عندك سليم
تقص عليها مراية ابعاد
ارشحلك محلين في نطاق مصر الجديده
الحرية للزجاج وده قدام الحرية مول وبتكلف 50 جنيه ومتقدرش تفرقها عن الاصلية اطلاقا....

واحد في اول شارع دمشق نسيت اسمه بس هو عملهالي ب 35 لكن خامتها اضعف شويه من بتاع الحرية وبتتكسر بسرعه انما بتاعة الحرية ما شاء الله ولا الهوا
بتركب في 10 دقايق ولو انت فكيتله المرايه بتاخد دقيقتين


ومتدورش على غير الحل انك تقص عليها لانك لو حفيت مش هتلاقي زي الاصليه
والتوكيل بيقول عنده ب 80 جنيه ولما تقوله عايزها هيقولك هتجيلنا كمان اسبوعين وعمرها ما هتيجي.....


ممكن تركب بتوع الاستيراد لكن شكلها مختلف عن الاصليه بتاعتنا لان الاستراد كله عالشكل القديم والحقيقه شكلها عره ودي الجوز ب 40 جنيه....

تحياتي

[dr.hazem]

http://www.nilemotors.net/Nile/164515-a-2.html

ده لنك للموضوع القديم بتاعي

[bondok20002002]

بس المراية عند ميدو كويسة برده يعنى أنا مفرقتهاش عن الجنب التانى خالص لما جبتها كانت اليمين هيا إلى إتكسرت ب 20 جنيه

[minaerian]

مراية الماروتي وما ادراك ما هي مراية الماروتي

عزيزي
من الآخر عشان اختصر عليك
كل اللي في السوق من اول 20 جنيه لغاية 50 جنيه ولا واحده فيهم اصلية وولا واحده بتجيب ابعاد كلهم مراية حمام لا اكتر ولا اقل


طالما الشاصي بتاع المرايه عندك سليم
تقص عليها مراية ابعاد
ارشحلك محلين في نطاق مصر الجديده
الحرية للزجاج وده قدام الحرية مول وبتكلف 50 جنيه ومتقدرش تفرقها عن الاصلية اطلاقا....

واحد في اول شارع دمشق نسيت اسمه بس هو عملهالي ب 35 لكن خامتها اضعف شويه من بتاع الحرية وبتتكسر بسرعه انما بتاعة الحرية ما شاء الله ولا الهوا
بتركب في 10 دقايق ولو انت فكيتله المرايه بتاخد دقيقتين


ومتدورش على غير الحل انك تقص عليها لانك لو حفيت مش هتلاقي زي الاصليه
والتوكيل بيقول عنده ب 80 جنيه ولما تقوله عايزها هيقولك هتجيلنا كمان اسبوعين وعمرها ما هتيجي.....


ممكن تركب بتوع الاستيراد لكن شكلها مختلف عن الاصليه بتاعتنا لان الاستراد كله عالشكل القديم والحقيقه شكلها عره ودي الجوز ب 40 جنيه....

تحياتي

بص انا بعد ما لفيت علي المراية جبت واحدة هي زي الاصلية باظبط وتطلع وبتنزل
بس بعد ما ركبتها حسيت بالفرق بين الاصلية وبينها ومدايق منها قوي
ف تقريباُ كدة مش قصادي غير اني اشوفها استيراد
و لو ملقتهاش هشوف واحد صحبي بيقولي علي واحد بيقصها ذي الاصلية قريب من عندي
ولو منفعش هروح لبتاع الحرية وامري لله
شكراُ علي الاهتمام

[kushina]

ميدو بتاع بتاع احمد حلمي بيبيع النراية كلها اصلية ب ٢٠ جنيه
وعندو برده اكصدام لو مش عندك رقم تليفونه ابعتهولك

طيب انا عندى نفس المشكله بتاعة المرايه و الاكصدام و اصلا جيت هنا عشانها و من الواضح انها مع ناس كتير ^_^
ممكن اعرف الاكصدام ممكن يبقى بكام ؟ الامامى مش مهم الخلفى هو مستحمل اللى ادام بيدعى عليا
و عايزه اعرف برضه لو عايزه اجيب فرش مش جلد للعربيه يبقى بكام ومنين