المراية

[minaerian]

طيب انا عندى نفس المشكله بتاعة المرايه و الاكصدام و اصلا جيت هنا عشانها و من الواضح انها مع ناس كتير ^_^
ممكن اعرف الاكصدام ممكن يبقى بكام ؟ الامامى مش مهم الخلفى هو مستحمل اللى ادام بيدعى عليا
و عايزه اعرف برضه لو عايزه اجيب فرش مش جلد للعربيه يبقى بكام ومنين

بص انا اصلي مغيرتش الاكسدام هو كان مكسور مش جامد فلحمحولي ولحم الحته الي بيركب عليها في العربية و زبطوا ب 40 جنيه
انت لو الاكصدام عندك مش عايز غير تظبيط اعملوا متجبش واحد جديد عشان انا اعرف ان الجديد الي في السوق بيبقي ناشف قوي مش زي الاصلي ومع اول خبطة بيتكسر (الاصلي طلع عينو معايه )
هو الاكسدام اسمع انو هيبقي ب 120 او 140 او ممكن تجيبوا استيراد من الوكاله بس مش عارف بكام

اما موضوع الفرش انا لفيت في التوفيقية علي فرش مش جلد برضوا بس الاشكال معجبتنيش
و اشتريت في الاخر كده فرش hand made عامل زي الكليم المجدول بس انا مش عارف اسموا ب50
بس انا انصحك متجبش فرش مش جلد عشان اصراحه مش حلوين وممكن تجيب العرقات الي بتتفرش علي الكرسين الي قدام دي في منها اشكال كتير حلوه ................ طبعاً منين ..التوفيقية فيها كل حاجة بتحلم بيها وميدو ده حلو اوي انا حتة سالت عندي كذا واحد بتوع قطع غيار قلولي عليه (مشهور يعني )
بس ارجع افكرك مفيش حاجة حتلقيها زي الاصلية

[m7nsh]

المرايه اليمين دى اتكسرت منى ييجى 4 مرات و كل مااصلحها ييجى واحد جلنط يلطشها او واحد اهتم بعجله و هكذا
بس فى الأخر جبت مرايتين استيراد بعد مالشمال كمان واحد لاشها هى كمان .. و اخيرا رجعت لاحساس المرايتين المحدبين بتوع الفابريكه ,,,,

عفوا ..دى مش نهايه القصه
برده واحد لطخ ابن ستين فى سبعين اتسبب فى كسر المرايه اليمين المحدبه .. قمت جايب واحد عاديه وهى اللى ماشى بيها لدلوقتى :)))

عامه فى الحرفيين موجوده الاستيراد ...وانا جبتهم من هناك

[bondok20002002]

في محل ف المنيل بيعملها.وعلي فكره هي محدبة مش مقعرة وبيعملها ب 30 جنية
لو عاوز ابعتلك بياناته ع الخاص

ياريت تبعتلي عنوان المحل بالظبط بعد اذنك

[bondok20002002]

روحت للراجل بتاع المرايات الي ف المتيل كان عندي كسر ف المراية الشمال وغيرت الزجاجتين
بجد راجل تحفة جامد قوي رجع زي الجديد بالظبط ولو مش عندو زجاج المراية الاصلي بتاع العربية بيقصلك واحدة عليها محدبة

[MEGO802]

الراجل دة فين فى المنيل

[bondok20002002]

لو تعرف عنتر الكبابجى حتخليه على شمالك وتمشى الناصية إلى بعده على طول جنب مقلة إسمها الجوهرة وجنب محل سمك إسمه عروس البحر
رقم تليفونه 01005755012 خليل راضى

[kimo_cat]

المراية جديدة في التوكيل ب 88 جنيه ومتركبهاش عندهم لأن تركيبها ب 25 جنيه