سوزوكي ماروتي في الزحمة تفوتي ( تجربة شخصية )

[saber_edrees]

جبت الماروتي سنه 2002 زيرو فضي ميتالك
العربية لحد الان بحالة المصنع نتيجة الاتي
1 - نظام حماية للتبريد تسالوني ازاي اقولكم معرفش اللي عملي الموضوع ده مهندس صاحبي
2 - ركبت الردياتير بواحد الماني نحاس اكبر سمكا من اللي فيها
3 - ركبت كسوة للكراسي
4 - ركبت فرش للارضية
5 - ركبت فبر لفجاوي الرفارف
6 - لينتها على الواقف 10 ايام
7 - لينتها ماشي 4000 كيلو
8 - لم اتجاوز الـ 100 كيلو في الساعة
9 - ركبت ازاز كهرباء للاربع ابواب بس طلع عيني
10 - ركبت ريموت كنترول بس طلع عيني
11 - السير في الطرق الممهده فقط وانا اضطريت بامشي على قشر بيض
12 - باسافر بيها بور سعيد والقاهرة ومرسى مطروح واي حته عايز اروحها باروح بيها
13 - باغسلها بنفسي لان المغسله بتدخل المية لاماكن صعب تنشف الميه اللي فيها
14 - العربية بتبات في الجراج

15 - عربية فوق الممتازة بس للي يفهمها ويعرف يركبها

صابر

[وائل عطية]

9 - ركبت ازاز كهرباء للاربع ابواب بس طلع عيني
10 - ركبت ريموت كنترول بس طلع عيني

صابر

ليه البندين دول طلعوا عينك؟ ممكن توضيح

[mohamed_88sk]

بسم الله ما شاء الله ... ربنا يباركلك فيها ويملهالك بركه .. وتسعى دايما بيها في الخير ..

[fahd_628]

ربنا يباركلك فيها

و فعلا العربية دية على قد ما هية صغيرة الا انى اسمع انها بتستحمل جامد جدا

[SEATLOVER]

دى حقيقة فعلاً
ربنا يباركلك فيها و يديك كل خيرها و بكفيك شرها كلة

[saber_edrees]

نسيت حاجة يا جماعة

اي مشوار لوجه الله مكنتش باتاخر عنه ويمكن يكون السبب ده هو اللي بارك في العربية وطول في عمر مكوناتها

صابر

[محمد عز]

لم اتجاوز الـ 100 كيلو في الساعة

لا تاخذها بشكل شخصى
اقصى سرعه تقدر تجيبها العربيه كام؟؟؟؟

[omran82]

انا ما حاولتش ازود عن الـ 100 عشان اكون حنين على العربية

[bishoo33]

عمى عايز يجيب واحده ومستكتر سعرها على حجمها وللعلم انا مقتنع بيها بس مش عارف اقنعه ازاى؟؟؟؟
اسرته مكونه منه على المعاش وعنده بيجو 104 بس مطلعه عينه وزوجته وابن عمى وبنت عمى مخلصين جامعه ولكن ما لهمش فى السواقه

[mohamed_88sk]

عمى عايز يجيب واحده ومستكتر سعرها على حجمها وللعلم انا مقتنع بيها بس مش عارف اقنعه ازاى؟؟؟؟
اسرته مكونه منه على المعاش وعنده بيجو 104 بس مطلعه عينه وزوجته وابن عمى وبنت عمى مخلصين جامعه ولكن ما لهمش فى السواقه

بيني وبينك الصراحه سعرها فعلا عالي عليها .. هي حلوة مش وحشه بس برضو سعرها عالي .
وبرضو في رأي صغيرة عليهم ما شاء الله يعتبرو 4 أفراد كبار فمتنفعهمش غير حاجه سيدان أو هاتش باك فان زي الماتركس كده .
إلا لو أولاده بس هم اللي حيستخدموها
لأن الحجم ده من السيارات ينفع أكتر لطلاب أو لربات البيوت ..تقبل رأيي المتواضع .

[Karim_Monir]

ربنا يباركلك فيها يا اخ صابر
هو افهم من كلامك انها معاك من الزيرو ولا عملتلها عمرة ولينتها