مشكلتى مع السويفت

[وائل شويخ]

معايا سوزوكى سويفت موديل 96
وعندى مشكلة فى السرعة وهى ان عزم وسرعة العربية تمام لغاية الرابع وبوصل بيه لغاية 120
ولكن لما أدى العربية الخامس كأنى عملت حاجة غلط تسخن وبقل العزم وتنزل السرعة لغاية 100 وساعات 90 ولما أكبس بنزين تزعىء وتشرق يارب ألاقى الحل عندكم
______________________________
طلب تانى ياريت أعرف سعر تابلوة السويفت النضيف بكام
وكمان عايز أعرف سعر فرش الأبواب إلى فية تجهيزات الزجاج الكهرباء
ويسلام لو سعر فرش السقف
وشكرا ليكم

[وائل شويخ]

إيه ياجماعة مفيش حد عارف الحل

[ahmedesmat1987]

اضبط الكهربا كويس

[Amr Axel]

اخر مرة غيرت طقم الكهربا او ظبطته امتي ؟ و اخبار باقي الصيانات ؟ او فكيت الموتور او الفتيس قريب او فيه حاجة جامدة اتعملت في العربية ؟؟

ممكن توضيح اكتر للي بيحصل يعني لما بتنقل ع الخامس بتحس ان صوت العربية بقي عالي و العربية مش عايزة تجري اكتر من كده و بعدها ايه اللي بيحصل ؟؟
و العربية بتهدي ده من رجلك انت عشان لقيت الصوت عالي و لا هي بتنزل لوحدها ؟؟؟
و تقصد ايه بتشرق ايه اللي بيحصل فيها ؟؟

[وائل شويخ]

لاالعربية دى معايا من حوالى ثلاثة أشهر وبالنسبة لطقم الكهرباء المالك القديم قالى أنه مغيرة من شهر يعنى مكملش خمسة ألاف كيلو
وبالنسبة لصيانة السيارة فأنة غيرت جميع الفلاتر هواء وبنزين وزيت أول ما أستلمتها وكان مرة حصل تسريب زيت من جمب الأسبراتير وكان أتحل وغير جلدة من جمبة وبالتالى الكهرباء أتغيرت وظبطها بعد كده
وأنا مغيرتش الفتيس ولا المتور ولا لعبت فيهم خالص
وإلى بيحصل بالظبط إن السحب تمام لغاية أخر الرابع وتوصل لحد ١٢٠ تمام وقشطه بس طبيعى لازم أدى النقلة الخمسة فجأة تلائى السحب قل وتقل السرعة وطبيعى هدوس بنزين بزياده وصوت المتور يعلى ومفيش سحب برضوا
وطبيعى العربية لما تقف وأدور تانى تكون شرئانه وتحتاج دوسه بنزين زياده علشان تدور

[Amr Axel]

في الحالة ديه اتوقع ان ممكن يكون عندك مشكلة في حاجة من دول

طلمبة البنزين ضعيفة و عايزة تتغير
او فيه سدد في ماسورة و خراطيم البنزين و الفلتر خلي حد يبصلك عليهم كلهم
او باكات السرعة في الكربراتير
و اخيرا الاسبراتير
بس غالبا حاجة من التلاتة الأولانيين
و بالمرة ابقي نضف البوابة و الكربراتير

شوف كده الدنيا و قولنا ايه اللي حصل

[وائل شويخ]

إن شاء الله هجرب وأرد عليك
وشكرا جد على الإهتمام

[احمد فهمى]

هو الموضوع ده كما وضح الزميل له علاقى بدورة البنزين وعلى الارجح الكربراتير

[وائل شويخ]

السلام عليكم ورحمة الله وبركاتة

أولا \ شكرا لجميع الأخوة إلى ساعدونى فى مشكلتى

ثانيا |\ أنا من دمياط زاس كتير هنا رشحولى ميكانيكى بنزين موجود فى شربين أسمة عبد الرازق
المهم نويت النية علية وتوكلت على الله أمبارح الصبح ووصلت على الساعة 11
بسم الله ما شاء الله عليه ورشة كبيرة فيها أكتر من 20 صنايعى
المهم دخلت وأستقبلنى واحد منهم وشرحلتلة المشكلة وهوه جرب العربية
قالى الموتور هيفك قولتلة توكل على الله
روحت صليت الظهر ورجعت لقيت الموتور برة العربية والجير بوكس مفكوك
وصنيعى تانى قتم غاسل حجرة الموتور
طلب منى أشترى أسطوانة ودسك وبلية
جبتهم ب 320 البلية يابانى والباقى كورى
وفك الكاربراتير ونضفة وغير فية حاجات جابهه من عندة
وطلب منى طقم سلوك وطقم بوجيهات
جبتهم ب 70 جنية
وظبط الكهرباء وفك الاسبراتير لانه بيسرب زيت من جمبة
وغسل المكنة وركب
وقلى جرب الكلام ده كان حوالى الساعة 5 بعد العصر وكان الطريق زحمة المهم طبعا حسيت بفرق كنير جدا فى سحب وجر العربية ولكن مفيش مكان أجرب الجر الحقيقى والسرعة الصح
المهم رجعتلة حسابك كام ياعم قالى 300 جنية وبعد ما كرمنى 250 وعشرين للصنيعية
وروحت على الفطار

بعد الفطار كان لازم أجرب العربية صح طلعت على الدولى
ودوست بسم الله ما شاء الله حاجة تانية خالص
جابت أخرها 150 كيلو بس طبعا حسيت إنى فى مراجيح المولد
ومفيش ادنى صوت للمتور بئى سيلنت والحمد لله
ثالثا وأخيرا \ بعد الحكاية دى حبيت اقيم السويفت كعربية
وطلعت تستاهل كتير وعربية محترمة
بس تؤخز عليها موضوع العفشة فقط
والسلام عليكم

[waelgam2005]

مبروك عليك السويفت والحمد لله ان مشكلتك اتحلت بس هوا فيه حاجتين على ما اعتقد انت قصرت فيهم وهيا الحاجات اللى ركبهالك من عنده كان من الافضل انت تبقى شاريها عشان متعرفش اللى ركبهولك ده جديد ولا قديم وحالته عامله ازاى والحاجه التانية انك سبته ومشيت الناس دول لازم تقف على دماغهم وتشوف هما بيعملو ايه عشان متعرفش مدى امانتهم برضه والدنيا مفيهاش ملايكة كتير
بس مش مهم ده كله المهم ان مشكلتك اتحلت وابقى خد بالك المرة الجاية

[وائل شويخ]

مبروك عليك السويفت والحمد لله ان مشكلتك اتحلت بس هوا فيه حاجتين على ما اعتقد انت قصرت فيهم وهيا الحاجات اللى ركبهالك من عنده كان من الافضل انت تبقى شاريها عشان متعرفش اللى ركبهولك ده جديد ولا قديم وحالته عامله ازاى والحاجه التانية انك سبته ومشيت الناس دول لازم تقف على دماغهم وتشوف هما بيعملو ايه عشان متعرفش مدى امانتهم برضه والدنيا مفيهاش ملايكة كتير
بس مش مهم ده كله المهم ان مشكلتك اتحلت وابقى خد بالك المرة الجاية

متشكر على التهنئة وعلى النصيحة
وأن شاء الله هراعى الكلام ده فى المرة الجاية