Tweet
بفضل الله العلى العظيم تمت كل إجراءات الماروتى بتاعتى من المصرية للسيارات
السعر بتاعها زى محتلاقيه بالظبط على كونتاكت كارز حوالى 40,000. العربية شاريها تقسيط و قاعدة عامة للى عايز تقسيط من أى شركة أو وكيل فى أى ماركة أو موديل أول التقسيط المحترم بيبتدى من 30% غير كده ممكن البيعة تبوظ أو الشركة تحسسك إنك داخل تسرق العربية مش تشتريها :)))))
الناس فى المصرية الصراحة متعاونين جدا ... أنا فى الأساس كنت مجهز ورقى و مستنداتى و مظبط جواب الشغل عليهم. مش عايز الناس تزعل بس أنا كنت بدور على لادا روسى زيرو منها مقدم على قدى و منها عربية للزمن و تعيش و انجكشن و التكييف يركب فيها من غير ما الدينامو يضرب و الصاج أقوى وووو...بس للأسف نتيجة لأن فيه إنتاج مصرى تقريبا الروسى اتمنع داخل فى سنتين أو أكتر..حظى بقى أبقى زميل فى أنشط و أحلى قسم فى المنتدى :)
المهم ... رحت أحجز الخميس اللى قبل رمضان علطول - و بالمناسبة فيه مرة واحد شغال فى معرض قاللى إزاى أحسب قسط أى عربية .. تشوف التمن كاش و تطرح منه المقدم و الباقى تضربه فى واحد و نص و تقسمه على عدد الشهور يطلع القسط الشهرى و بيختلف من شركة للتانية فى مبلغ القسط الشهرى بحد أقصى 50 جنيه ...نفس الحسبة دى شغالة من الماروتى و لحد الشيروكى - المهم رحت احجز و اتفقت و بتدفع فى الأول مبلغ تأمين مبدئى من 500 ل 1000
بعد كده المصرية بتعرض حالتك على البنوك اللى بيتعاملوا معاهم - فى حالتى كان بى إن بى باريبا و البنك الوطنى لتنمية (أبوظبى) - و يبتدى خناقة المكالمات هههههههههههههه حيقرفوك مكالمات كل شوية بيتصلوا يسألوا نفس الأسألة كإنك فى جلسة تحقيق مع أمن الدولة - بيشوفوك حافظ و لا فاهم ههههههههههههه - الصراحة باريبا اتصل كتيييييييييييييييييييييييييييييييييييييييييييييييي يييييييييييير و طلب وصل كهربا و الذى منه و يوم التعاقد ...بخ ....مظهروش و كانت مفاجأة بالنسبالى لأن البنك الوطنى اتصل تقريبا 3 مرات بس منهم واحد على رقم البيت الأرضى و همه اللى ظهروا!!
الظاهر "بيعرقوا بعض" زى "لن أعيش فى جلباب أبى" ههههههههههههههههههههههههههههه
يوم التعاقد حتطلع عينك إمضاءات .. فخللى بالك تجهز فورمة حلوة و قصيرة عشان لو مطلعتش شبه بعضها حتقعد تعيد فيها ههههههههههههههه - بتمضى على شيكات حسب سنين القسط و كمان حاجة بتاعة 20 30 إمضاء كمان إشى عقد و إشى تأمين و إشى...ما علينا
بعد كده المصرية بتبلغك بيوم استلام الحلوة السنيورة .. بتختار اللون حسب الشحنة اللى جاية ...لو عايز لون بعينه حتضطر تستنى لحد أما ييجى - أو يمكن دى حسب العربية - المهم اللونين اللى شغالين فى 2013 إسود - و شكله قتم أوى الصراحة و لو إنه يستحمل أكتر - و نبيتى و ده مش خرافى يعنى بس الحمد لله أحلى بكتير
المهم .. إحنا طبعا فى رمضان.. و أغلب التسليمات بتتم بالليل .. طبعا أنا طلعت ناصح حبتين - على غير العادة هههههههههههههههه - و جبت معايا كشاف شحن كبير لأن العربية بتتركن بيعيد فى الضلمة بعيد عن الكشافات الكبيرة
جه معايا موظف التسليمات و شيكنا على العربية و حمدت ربنا إنها بتنزل بكاوتشات تيوبلس و ميه خضرا و بطارية جافة لأنى كنت حامل هم تغيير ال 3 دول تحديدا و بعد المعاينة بتمضى إنها خالية من العيوب و تاخد المفاتيح و قدامك حل من تنين إما تسيبها عندهم لحد ما يخلصوا إجراءات الإفراج الجمركى أو تروح بيها البيت بس حتمشى من غير نمر
أنا توكلت على الله و فضلت أسيبها خصوصا إنى مبتدىء سواقة و الدار عندهم - اللهم احفظ و ديمها نعمة - أمان و فيه خفرا بيسهروا على العربيات و كده
بعد الإفراج ما بيخلص بيتصل بيك مندوب المصرية عشان تطلعوا سوا تخلصوا الترخيص و تركبوا النمر...الصراحة أنا مش عارف من غير أ/ عصام المندوب كنت حعمل إيه .. الراجل تقريبا عمل كل حاجة و كنت بس إما بمضى أو بدفع...يعنى حتى طوابير مفيش و الدنيا كانت صيام و حر لدرجة إنى و أنا مرتاح نشفت مالحر
الراجل قابلته عند المصرية حوالى 9 الصبح و هوه قاللى إنه مش بيسوق و الصراحة اتهورت و رحنا طالعين على مرور الشروق ...أنا أعرف طريق السويس بس معرف حتى دخلة المرور منين و الراجل كان قاعد جنبى بيكوتش عليا - تلاقيه يا عينى كان حيغمى عليه ههههههههههههههه - و كنت ماشى على 60 ...و أنا ماشى جه ورايا واحد كيا سيراتو و ديييييييييييييييييييد ..دييييييييييييييد
طبعا أنا عملت نفسى مش شايف و لا سامع ... يعنى حتى لو أنا بسوق كويس بس ماشى أخنق على الناس كان بص على السقف شاف البلاستيك و عرف إنها بتلين هههههههههه .. و قام طالع من يمينى و جه قدام و مشوحلى و فووووووووووووووو .. هههههههه
وصلنا حوالى 9 و نص و خلصنا كل حاجة مع التأخير و العطلة - عشان كان فيه ناس تانية ورقهم واقف - حوالى الساعة 1
الترخيص باللحاليح و المتعلقات و المتدليات خدله 750 جنيه - ترخيص سنة واحدة...معلومة برضه للى بيركب نمر لأول مرة لو مش عايز تدفع لحد عشان يركبلك النمر يبقى خد معاك شنيور ببطارية...ليييييييييييه؟ عشان الباشا الحرامى الكبير اللى ورد النمر لمصر كلها مش سرق فى البيعة و بس لأ ده جايبها مخالفة للمواصفات العالمية و بالتالى سعادتك حتاخد مسامير و كلبسات مع اللوح و حتيجى تركب حتلاقى أخرام اللوح بتاعة العربية اللى معمولة فى المصنع بمقاسات دولية مش ماشية مع اللوحة ... مهما حاولت و فى أى وضع... غير إن المسامير حتى اللى جايه مع العربية - الماروتى مبيجيش معاها - حتبقى كبيرة و مختلفة عن اللى حضرتك مستلمها
فبالتلى لازم يتخرم بالشنيور إما فى الفبر بتاع الاكصدام - زى الماروتى - أو الصاج فى العربيات التانية عشان اللوحة تركب.. فى الماروتى بيتخرم فى الاكصدام ورا و فى وش الموتور الفبر قدام لأن قدام الاكصدام واطى و اللوحة عريضة لو علقتها فيه حتحك منك فى الأرض و حتقع
بعد ما خلصنا طلعنا على مجينة نصر أنا روحت و المندوب خد الرخصة عشان المصرية توديها البنك عشان لازم البنك يطمن إن اسمه - أيوة اسم البنك مش إسم حضرتك (أنا إسمى مكتوب هنا؟ ههههههههههههههههه) - مكتوب على الرخصة و دى المفروض بتخلص تانى يوم بس عشان رمضان و ظروف اعتصام المنصة و خناقة جنازة شهداء رفح - الله يرحمهم و يصبر أهاليهم - الموضوع اتأخر شوية...
بس حضرتك ... و بقت مع حضرتك الماروتى :)
السعر بتاعها زى محتلاقيه بالظبط على كونتاكت كارز حوالى 40,000. العربية شاريها تقسيط و قاعدة عامة للى عايز تقسيط من أى شركة أو وكيل فى أى ماركة أو موديل أول التقسيط المحترم بيبتدى من 30% غير كده ممكن البيعة تبوظ أو الشركة تحسسك إنك داخل تسرق العربية مش تشتريها :)))))
الناس فى المصرية الصراحة متعاونين جدا ... أنا فى الأساس كنت مجهز ورقى و مستنداتى و مظبط جواب الشغل عليهم. مش عايز الناس تزعل بس أنا كنت بدور على لادا روسى زيرو منها مقدم على قدى و منها عربية للزمن و تعيش و انجكشن و التكييف يركب فيها من غير ما الدينامو يضرب و الصاج أقوى وووو...بس للأسف نتيجة لأن فيه إنتاج مصرى تقريبا الروسى اتمنع داخل فى سنتين أو أكتر..حظى بقى أبقى زميل فى أنشط و أحلى قسم فى المنتدى :)
المهم ... رحت أحجز الخميس اللى قبل رمضان علطول - و بالمناسبة فيه مرة واحد شغال فى معرض قاللى إزاى أحسب قسط أى عربية .. تشوف التمن كاش و تطرح منه المقدم و الباقى تضربه فى واحد و نص و تقسمه على عدد الشهور يطلع القسط الشهرى و بيختلف من شركة للتانية فى مبلغ القسط الشهرى بحد أقصى 50 جنيه ...نفس الحسبة دى شغالة من الماروتى و لحد الشيروكى - المهم رحت احجز و اتفقت و بتدفع فى الأول مبلغ تأمين مبدئى من 500 ل 1000
بعد كده المصرية بتعرض حالتك على البنوك اللى بيتعاملوا معاهم - فى حالتى كان بى إن بى باريبا و البنك الوطنى لتنمية (أبوظبى) - و يبتدى خناقة المكالمات هههههههههههههه حيقرفوك مكالمات كل شوية بيتصلوا يسألوا نفس الأسألة كإنك فى جلسة تحقيق مع أمن الدولة - بيشوفوك حافظ و لا فاهم ههههههههههههه - الصراحة باريبا اتصل كتيييييييييييييييييييييييييييييييييييييييييييييييي يييييييييييير و طلب وصل كهربا و الذى منه و يوم التعاقد ...بخ ....مظهروش و كانت مفاجأة بالنسبالى لأن البنك الوطنى اتصل تقريبا 3 مرات بس منهم واحد على رقم البيت الأرضى و همه اللى ظهروا!!
الظاهر "بيعرقوا بعض" زى "لن أعيش فى جلباب أبى" ههههههههههههههههههههههههههههه
يوم التعاقد حتطلع عينك إمضاءات .. فخللى بالك تجهز فورمة حلوة و قصيرة عشان لو مطلعتش شبه بعضها حتقعد تعيد فيها ههههههههههههههه - بتمضى على شيكات حسب سنين القسط و كمان حاجة بتاعة 20 30 إمضاء كمان إشى عقد و إشى تأمين و إشى...ما علينا
بعد كده المصرية بتبلغك بيوم استلام الحلوة السنيورة .. بتختار اللون حسب الشحنة اللى جاية ...لو عايز لون بعينه حتضطر تستنى لحد أما ييجى - أو يمكن دى حسب العربية - المهم اللونين اللى شغالين فى 2013 إسود - و شكله قتم أوى الصراحة و لو إنه يستحمل أكتر - و نبيتى و ده مش خرافى يعنى بس الحمد لله أحلى بكتير
المهم .. إحنا طبعا فى رمضان.. و أغلب التسليمات بتتم بالليل .. طبعا أنا طلعت ناصح حبتين - على غير العادة هههههههههههههههه - و جبت معايا كشاف شحن كبير لأن العربية بتتركن بيعيد فى الضلمة بعيد عن الكشافات الكبيرة
جه معايا موظف التسليمات و شيكنا على العربية و حمدت ربنا إنها بتنزل بكاوتشات تيوبلس و ميه خضرا و بطارية جافة لأنى كنت حامل هم تغيير ال 3 دول تحديدا و بعد المعاينة بتمضى إنها خالية من العيوب و تاخد المفاتيح و قدامك حل من تنين إما تسيبها عندهم لحد ما يخلصوا إجراءات الإفراج الجمركى أو تروح بيها البيت بس حتمشى من غير نمر
أنا توكلت على الله و فضلت أسيبها خصوصا إنى مبتدىء سواقة و الدار عندهم - اللهم احفظ و ديمها نعمة - أمان و فيه خفرا بيسهروا على العربيات و كده
بعد الإفراج ما بيخلص بيتصل بيك مندوب المصرية عشان تطلعوا سوا تخلصوا الترخيص و تركبوا النمر...الصراحة أنا مش عارف من غير أ/ عصام المندوب كنت حعمل إيه .. الراجل تقريبا عمل كل حاجة و كنت بس إما بمضى أو بدفع...يعنى حتى طوابير مفيش و الدنيا كانت صيام و حر لدرجة إنى و أنا مرتاح نشفت مالحر
الراجل قابلته عند المصرية حوالى 9 الصبح و هوه قاللى إنه مش بيسوق و الصراحة اتهورت و رحنا طالعين على مرور الشروق ...أنا أعرف طريق السويس بس معرف حتى دخلة المرور منين و الراجل كان قاعد جنبى بيكوتش عليا - تلاقيه يا عينى كان حيغمى عليه ههههههههههههههه - و كنت ماشى على 60 ...و أنا ماشى جه ورايا واحد كيا سيراتو و ديييييييييييييييييييد ..دييييييييييييييد
طبعا أنا عملت نفسى مش شايف و لا سامع ... يعنى حتى لو أنا بسوق كويس بس ماشى أخنق على الناس كان بص على السقف شاف البلاستيك و عرف إنها بتلين هههههههههه .. و قام طالع من يمينى و جه قدام و مشوحلى و فووووووووووووووو .. هههههههه
وصلنا حوالى 9 و نص و خلصنا كل حاجة مع التأخير و العطلة - عشان كان فيه ناس تانية ورقهم واقف - حوالى الساعة 1
الترخيص باللحاليح و المتعلقات و المتدليات خدله 750 جنيه - ترخيص سنة واحدة...معلومة برضه للى بيركب نمر لأول مرة لو مش عايز تدفع لحد عشان يركبلك النمر يبقى خد معاك شنيور ببطارية...ليييييييييييه؟ عشان الباشا الحرامى الكبير اللى ورد النمر لمصر كلها مش سرق فى البيعة و بس لأ ده جايبها مخالفة للمواصفات العالمية و بالتالى سعادتك حتاخد مسامير و كلبسات مع اللوح و حتيجى تركب حتلاقى أخرام اللوح بتاعة العربية اللى معمولة فى المصنع بمقاسات دولية مش ماشية مع اللوحة ... مهما حاولت و فى أى وضع... غير إن المسامير حتى اللى جايه مع العربية - الماروتى مبيجيش معاها - حتبقى كبيرة و مختلفة عن اللى حضرتك مستلمها
فبالتلى لازم يتخرم بالشنيور إما فى الفبر بتاع الاكصدام - زى الماروتى - أو الصاج فى العربيات التانية عشان اللوحة تركب.. فى الماروتى بيتخرم فى الاكصدام ورا و فى وش الموتور الفبر قدام لأن قدام الاكصدام واطى و اللوحة عريضة لو علقتها فيه حتحك منك فى الأرض و حتقع
بعد ما خلصنا طلعنا على مجينة نصر أنا روحت و المندوب خد الرخصة عشان المصرية توديها البنك عشان لازم البنك يطمن إن اسمه - أيوة اسم البنك مش إسم حضرتك (أنا إسمى مكتوب هنا؟ ههههههههههههههههه) - مكتوب على الرخصة و دى المفروض بتخلص تانى يوم بس عشان رمضان و ظروف اعتصام المنصة و خناقة جنازة شهداء رفح - الله يرحمهم و يصبر أهاليهم - الموضوع اتأخر شوية...
بس حضرتك ... و بقت مع حضرتك الماروتى :)
Comment