هل الماروتي تستحمل 100 كم يوميا بدون مشاكل

[zico7m]

السلام عليكم
1-هل الماروتي تستحمل 100 كم يوميا بدون مشاكل(50كم رايح و 50كم راجع)وممكن مشاوير جانبيه اخري انا غالبا بنسبه 90% من مشاويري لوحدي
2-وكمان عوامل الامان فيها الاتزان والفرامل علما بأني مش بحب الجري بس ايه اخبار السحب
3-وتوافر قطع الغيار وهل اي ميكانيكي يشتغل فيها
4-وهل ممكن اجيبها مستعمله ولو حاله نضيفه وتستحمل يفضل موديل سنه كام وبكام ولا احسن زيرو
5-وهل السحب معقول مع بنزين 80 (هام جدا للتوفير)

[ganash]

اى عربيه تستحمل طالما انت متابع على الصيانات الدوريه بتاعتها

[dr.hazem]

السلام عليكم
1-هل الماروتي تستحمل 100 كم يوميا بدون مشاكل(50كم رايح و 50كم راجع)وممكن مشاوير جانبيه اخري انا غالبا بنسبه 90% من مشاويري لوحدي
2-وكمان عوامل الامان فيها الاتزان والفرامل علما بأني مش بحب الجري بس ايه اخبار السحب
3-وتوافر قطع الغيار وهل اي ميكانيكي يشتغل فيها
4-وهل ممكن اجيبها مستعمله ولو حاله نضيفه وتستحمل يفضل موديل سنه كام وبكام ولا احسن زيرو
5-وهل السحب معقول مع بنزين 80 (هام جدا للتوفير)

1- تستحمل ونص

2- متقلقش فراملها ممتازه جدا عليها واهم حاجه متعديش ال 100 لان بعدها بتبقى خطر

3- القطع متوفره ورخيصه واي ميكانيكي يعرفلها

4- ممكن تجيبها مستعمله واللي يحدد انت معاك كام هنقولك تجيب موديل ايه

5- السحب ممتاز على بنزين 80 وشبه مفيش فرق بينه وبين ال90 بس هتحتاج تنظف الكربيراتير وتغير البواجي بمعدل اكبر...

[Amr Axel]

زي ما الاخوة قالولك

و المبلغ اللي معاك هو اللي هيحدد قولنا معاك في حدود كام و نقولك اللي يناسبك

بخصوص بنزين 80 هي شغالة عادي زي ما hm414 قال بس اللي هتوفره في البنزين هتعوضه في الصيانات لأنك هتبقي محتاج تغير فلتر البنزين و البوجيهات و تنضف الكربراتير اكتر من استخدام 90-92
و طبعا يفضل 90-92 و الفرق بينهم 10 قروش لأنه هيحافظ ع العربية و مش هتبقي مضطر كل شوية تنضف الكربراتير و تغير الفلتر و البويجهات

[zico7m]

الف الف الف شكر علي الرد وسرعه الرد و الاهتمام
طبعا انا بما اني قايل ممكن زيرو يبقي الميزانيه لغايه 40 الف بس المستعمل اوفر انا عاوز انسب حاجه مستعمله متكنيش صديقه للصنايعيه ووجع الدماغ باقل سعر من 20-30 الف بس المهم تكون لسه شغاله مش كل شويه اعطال واشتغل انا عندها انا بكره جدا جدا التعامل مع الصنايعيه وده اللي خلاني افكر في الماروتي بسعر معقول تجيب موديل حديث وما يفتحش بقه
وشكر مرة تانيه وتالته و رابعه

[zico7m]

ولو هجيب زيرو ممكن ارخص معرض وبيبع بكام ومتاحه ولا بالحجز
وهل فيه حد بيقسطها تقسيط مباشر بدون بنك وممكن معومات عن الموضوع ده
وشكرا

[dr.hazem]

28 ألف تجيبلك حاجه كسر زيرو وبحالتها موديل 2007 ومش هتحتاج الصنايعيه الهم ده ان شاء الله


تحياتي

[zico7m]

28 ألف تجيبلك حاجه كسر زيرو وبحالتها موديل 2007 ومش هتحتاج الصنايعيه الهم ده ان شاء الله


تحياتي

الف شكر

[Amr Axel]

بص 30 الف يجيبولك حاجة 2009-2010 نضيفة المهم متبصش انك تدفع قليل اوي و هتجيب حاجة موديلها جديد و في نفس الوقت حالتها كويسة زي ما بيقولوا الحداية مبترميش كتاكيت
المهم بس لما تجيب مستعمل يكون معاك ميكانيكي ثقة يبص ع العربية
و طبيعي اي عربية مستعملة لازم برده هتعملها صيانات و الله اعلم لو فيها مشكلة مستخبية و هنا المفروض مهمة الميكانيكي فلو قلقان و خايف لتجيب عربية و تطلع فيه حاجة و عايز تريح دماغك من اولها و لمدة كام سنة ان شاء الله يا دوب الصيانات العادية زي تيل و سيور و بوجيهات و الحاجات الخفيفة ديه يبقي توكل ع الله و جيب زيرو برده الزيرو زيرو مهما كان

التقسيط مباشرة ع حسب المعرض فيه معارض بتعملها و معارض تقولك البنك

و ممكن تشوف قريب او صديق تاخد منه المبلغ المتبقي و تقسطهله ع كام شهر و بالتالي هتبقي بعدت عن وجع دماغ الفوايد و الغرامات و الاوراق و في نفس الوقت جبت العربية كاش و وفرت وقت و مجهود و مصاريف زيادة

[beckeryahia]

بلاش الماروتي , هات سويفت احسن بنفس التمن , انا معياي ماروتي كسر زيرو ومش عاجباني بالمره تحس انك قاعد في توكتوك وراكنها ومش طايق اركبها وباركب النيسان , بلاش احسن عن تجربة هي عربية حريمي علي قد مشاوير بسيطة جدا

[zico7m]

بلاش الماروتي , هات سويفت احسن بنفس التمن , انا معياي ماروتي كسر زيرو ومش عاجباني بالمره تحس انك قاعد في توكتوك وراكنها ومش طايق اركبها وباركب النيسان , بلاش احسن عن تجربة هي عربية حريمي علي قد مشاوير بسيطة جدا

ليه بس كده
انت الوحيد اللي زعلان من الماروتي التي تثير اعجاب ماليكيها

[waelgam2005]

ليه بس كده
انت الوحيد اللي زعلان من الماروتي التي تثير اعجاب ماليكيها

هوا مش زعلان منها هوا قرفان منها :) بس عشان بيقارنها بنيسان ماهو مؤكد النيسان تكسب
بص يابشمهندس زى ما قالت الناس دى العربية مفيهاش حاجه تتقال عليها تانى لو مقتنع بيها يبقى جيبها وحط فى بطنك بطيخه اربع مواسم مش صيفى بس وهيا معايا موديل 2012 وعاوز اقولك ببقى بتمنى مشوار يجيلى عشان امشى بيها :)
وبالتوفيق

[alking_2006]

بلاش الماروتي , هات سويفت احسن بنفس التمن , انا معياي ماروتي كسر زيرو ومش عاجباني بالمره تحس انك قاعد في توكتوك وراكنها ومش طايق اركبها وباركب النيسان , بلاش احسن عن تجربة هي عربية حريمي علي قد مشاوير بسيطة جدا

طب ما طبيعى انك تحس ان النيسان احسن طالما انك عندك نيسان و ماروتى

و بعدين شوف النيسان بكام و الماروتى بكام و كل واحد على قد ظروفه و الحمد لله على كل حال يعنى الماروتى ممتازة بالنسبة لسعرها و بالنسبة للتوفير فى البنزين و قطع الغيار يعنى تناسب شاب او اسره صغيره و بعدين مش عارف الناس ليه حاسه ان ال 40 الف دول بيطبعوا فى البيت مهو مبلغ بردو مش قليل بالنسبة لبعض الناس و فى نفس الوقت مبلغ تافه بالنسبة لناس تانيه

يا ريت نتكلم بأسلوب احسن من كدا مش مثلا ادخل منتدى عربية معينة و اشتم فيها يعنى نراعى انها عاجبه الناس و انا اولهم

شعبنا شعب طبقى من الدرجة الاولى
الا من عصم ربى

[zico7m]

الف شكر وعلي بركة الله وقريبا جدا ساكون من مالكي الماروتي باذن الله تعالي
انتظروني
السلام عليكم والف شكرا لاصحاب الردود كلهم وللمنتدي العظيم

[bambino]

1- تستحمل ونص

2- متقلقش فراملها ممتازه جدا عليها واهم حاجه متعديش ال 100 لان بعدها بتبقى خطر

3- القطع متوفره ورخيصه واي ميكانيكي يعرفلها

4- ممكن تجيبها مستعمله واللي يحدد انت معاك كام هنقولك تجيب موديل ايه

5- السحب ممتاز على بنزين 80 وشبه مفيش فرق بينه وبين ال90 بس هتحتاج تنظف الكربيراتير وتغير البواجي بمعدل اكبر...

أحب أقول إنى بفضل الله لسه عامل بيها مشوار العيد من القاهرة الجديدة لحد المنوفية أكتر من 120 كيلو فى شوط واحد. هوه صحيح الوقت كان بدرى من 6 ل 8 الصبح بس مكنش فيه أى مشاكل بفضل الله و مؤشر الحرارة معداش النص أساسا

بس يا ريت حضرتك (صاحب الموضوع) برضه للتأكيد تبقى تفتكر تغير وضعية مدخل هوا الكربيراتير على الوضع الصيفى و حسب المانيوال بتاع الماروتى الوضع الشتوى بيكون لما متوسط حرارة الجو يقل عن 15 مئوية يعنى أغلب السنة فى مصر صيفى ...إلا إذا كنت حضرتك من سكان المحافظات البحرية المحظوظة ههههههه

و أحب أأمن على حكاية السرعة..كنت عالزراعى نازل من كوبرى بنها الكبير اللى معدى فرع النيل و على 85 يدوب و فيه فى المنزل تمويجة فى آخره خلت العجلة يدوب حرفت منى العربية مقدار 5 - 10 سم يمين...فالموضوع جد مش هزار لأن الماروتى فعلا خفيفة يدوب 650 كيلو من غير أحمال

و ربنا يسلم لحضرتك طريقك