تسقيط فتيس للماروتى

[alking_2006]

السلام عليكم

كل سنة و الماروتيه الكرام بخير و صحه

دلوقتى كنت عايز اسقط فتيس استيراد عندى فى الماروتى (من غير ماتور) علشان الفتيس ابتدا يبوش و تكلفة التصليح مش هتبقى قليلة و مش هيرجع زى الاول دا غير العطله و كدا

فكنت عايز حد يدلنى
1- الاقى الفتيس الاستيراد هنا فين فى القاهرة؟ علشان مش عايز اسافر بورسعيد
2- اعرف منين ان الفتيس مثلا 2010؟ و هل ليه ورق زى الماتور؟ و هل الموضوع محتاج انى اعمل اى حاجة فى المرور؟ و هل الموضوع محتاج ميكانيكى معايا؟
3- تكلفته هتبقى فى حدود كام؟
4- محتاج وقت قد ايه علشان القديم يتحل و الجديد يركب و مصنعية الفك و التركيب بتبقى فى حدود كام؟

و شكرا

[abogogo]

السلام عليكم

كل سنة و الماروتيه الكرام بخير و صحه

دلوقتى كنت عايز اسقط فتيس استيراد عندى فى الماروتى (من غير ماتور) علشان الفتيس ابتدا يبوش و تكلفة التصليح مش هتبقى قليلة و مش هيرجع زى الاول دا غير العطله و كدا

فكنت عايز حد يدلنى
1- الاقى الفتيس الاستيراد هنا فين فى القاهرة؟ علشان مش عايز اسافر بورسعيد
2- اعرف منين ان الفتيس مثلا 2010؟ و هل ليه ورق زى الماتور؟ و هل الموضوع محتاج انى اعمل اى حاجة فى المرور؟ و هل الموضوع محتاج ميكانيكى معايا؟
3- تكلفته هتبقى فى حدود كام؟
4- محتاج وقت قد ايه علشان القديم يتحل و الجديد يركب و مصنعية الفك و التركيب بتبقى فى حدود كام؟

و شكرا

كل سنه وانت طيب ...
- الفتيس الاستراد تلاقيه في احمد حلمي او الحرفيين
- تعرف منين انه 2010 تقريباً ده صعب شوية بس احياناً العربيات بتيجي نصين النص الامامي بيكون فيه الموتور ممكن تحل منه الفتيس فتعرف العربية موديل كام تقريباً
- طالما معندكش درايه بالامر خد مكانيكي وبرده عشان مترجعش تاني للبائع
- الفتيس مالهوش ورق الموتور فقط اللى له ورق
- في حدود كام على حسب الحالة والمكان اللى انت هتشتريه منه وسعره بيغلى حبتين طالما لوحده مش في الموتور ... استغلال بقى
- وقت الفك التركيب مش كتير لو صنيعي محترم ساعة زمن تقريباً وتدور العربية وتطلع بيها اما المصنعية بتفرق من صنيعي للتاني من 50 الى 100
وربنا يعينك ان شاء الله

[exact]

فيه ميدو سوزوكي... في احمد حلمي
دي جروبهم عالفيس بوك

نرجو عدم ادراج روابط اعلانية الا بالاتفاق مع الادارة

[exact]

الممتاز بحالة الزيرو في حدود 1000 تقريبا

[alking_2006]

لا انا لو كدا انا هسقط ماتور بالفتيس بالمره
- بس كنت عايز حد يدلنى على تاجر كويس فى بورسعيد
- و بردو حد يعرفنى الإجراءات ايه بتاعة الافراج الجمركى و هل التاجر بيبعته على مرور معين و لا ممكن اقوله ابعته على مرور شبرا
- و هل بيبقى فيه ضمان استبدال لو طلع فيه حاجة
الرجاء الإفادة

[Amr Axel]

هي العربية موديل كام و عاملة كام الف
و عرفت منين ان الفتيس خلاص جاب اخره

[alking_2006]

هي العربية موديل كام و عاملة كام الف
و عرفت منين ان الفتيس خلاص جاب اخره

العربية موديل 99
و عاملة 123 الف او 223 الف الله اعلم علشان العداد بيقلب
و الفتيس بيرشح الزيت بتاعه و بتضطر ازوده كل شوية
و لما بجيب مارشدير و اقف و اجيب الاول بيعصلج معايا جامد علشان العصاية تدخل الحارة بتاعة الاول
بالإضافة لأن الموتور خفيف و عايز نص عمره
و لو صلحت هدفع جامد و الدنيا مش هتبقى زى حالة الموتور 2010 مثلا دا غير التكاليف اللى مش هتبقى فارقه عن تمن الاستيراد دا غير راحة الدماغ
و لا ايه رأيك يا اكسل؟

[Amr Axel]

لا في الحالة ديه يبقي موتور بفتيسه بس خد معاك ميكانيكي ثقة و فاهم و عندك ميدو2 في احمد حلمي
بيجيب استيراد اللي هناك سواء رامي صاحب المحل او اسلام بس شوف اسلام عشان رامي ممكن يكرهك في عيشتك في الكلام هو طبيعته كده ممكن ميقصدش و قوله من طرفنا هيقوم بالواجب معاك ان شاء الله في السعر
بس تاخد معاك واحد يشوف الليلة ديه ملقتش في احمد حلمي حاجة نضيفة ممكن تنزل عزبة شلبي

و موضوع الترشيح ممكن اويل سيل عايز يتغير هتلاقيه حتة كاوتشة غريبة المعالم بحوالي 10-15 ج و العصلجة ممكن العصاية محتاجة تتشحم و تتربط او الفبرة عايزة تتغير

و معرفش الرد وصلك هناك و لا ايه انا جنبك في التجمع الأول :)

[alking_2006]

لا في الحالة ديه يبقي موتور بفتيسه بس خد معاك ميكانيكي ثقة و فاهم و عندك ميدو2 في احمد حلمي
بيجيب استيراد اللي هناك سواء رامي صاحب المحل او اسلام بس شوف اسلام عشان رامي ممكن يكرهك في عيشتك في الكلام هو طبيعته كده ممكن ميقصدش و قوله من طرفنا هيقوم بالواجب معاك ان شاء الله في السعر
بس تاخد معاك واحد يشوف الليلة ديه ملقتش في احمد حلمي حاجة نضيفة ممكن تنزل عزبة شلبي

و موضوع الترشيح ممكن اويل سيل عايز يتغير هتلاقيه حتة كاوتشة غريبة المعالم بحوالي 10-15 ج و العصلجة ممكن العصاية محتاجة تتشحم و تتربط او الفبرة عايزة تتغير

و معرفش الرد وصلك هناك و لا ايه انا جنبك في التجمع الأول :)

يعنى رأيك ميدو 2 هيبقى زى بورسعيد؟ مضمون يعنى و السعر هو هو؟

و بالنسبة للأويل سيل انا غيرته مرتين و كل مره يقعد كويس حوالى شهر او شهرين و يرجع يبوظ تانى و العصاية جربت كل حاجة من تزييت و تشحيم و تربيط و مفيش فايدة و الميكانيكى قالى روح لمتخصص فتيس

و يا باشا انا ليا الشرف انك تجاورنى فى التجمع الاول انا زى مقولتلك جنبك فى التالت اسكان الشباب و يا ريت لو نعمل تجمع كدا زى زمان و نعمله المره دى فى القاهرة الجديدة

[Amr Axel]

يعنى رأيك ميدو 2 هيبقى زى بورسعيد؟ مضمون يعنى و السعر هو هو؟

و بالنسبة للأويل سيل انا غيرته مرتين و كل مره يقعد كويس حوالى شهر او شهرين و يرجع يبوظ تانى و العصاية جربت كل حاجة من تزييت و تشحيم و تربيط و مفيش فايدة و الميكانيكى قالى روح لمتخصص فتيس

و يا باشا انا ليا الشرف انك تجاورنى فى التجمع الاول انا زى مقولتلك جنبك فى التالت اسكان الشباب و يا ريت لو نعمل تجمع كدا زى زمان و نعمله المره دى فى القاهرة الجديدة

يا باشا الشرف ليا متقلقش هنعمل مقابلة قريب بس تيجي تنورنا مش زي كل مرة :)

انا بصراحة مجربتش ميدو في الاستيراد فعشان كده بقولك خد معاك ميكانيكي ثقة و فاهم يبص لو ملقتش يبقي عزبة شلبي

انا شاكك ان اللي بيحصل عندك في الفتيس ياما ليه علاقة بطقم الدبرياج ياما فيه مشكلة في التروس و التعشيق ممكن تدي سنة بنزين او تريح الفرامل شوية و هتلاقي العصاية عشقت معاك عادي

موضوع الاويل سيل غريب جرب تجيب اويل سيل من مكان تاني نضيف فيه واحد في دمشق عند التقاطع اللي بين البنزينتين حاول تسأل عليه لو معرفتش توصله
لو معرفتش توصله روح لأكرم حمدي و قوله عايز اويل سيل معندوش و مجبلكش من الراجل قوله طب مين اللي الاقي عنده الاويل سيل