هشتري سويفت هاتش باك و عايز نصيحة

[khaled_rz78]

السلام عليكم
ممكن حد يفيدني انا هشتري عربية سويفت هاتش باك 91 خليجي ممكن اعرف اخبار العربية ايه و قطع غيارها متوفره و غالية و العربية كويسة و موتورها قوي و تكييفها ولا ايه

[akmm]

موفق فى الشراء .

[khaled_rz78]

شكرا

[Thebutcherr]

كل الكلام ده تمام بس اهم حاجة الحالة

[khaled_rz78]

يعني النوع نفسه بوجه عام في مشكلة

[Thebutcherr]

لاخالص انا كان اخويا معاه ال 1000 سى ىسى اوتو جميلة
بص هى هى السويفت العادى

[khaled_rz78]

يا جماعة رجاء حد ساعدني في اتخاذ القرار ايه رايكم في السويفت الهاتش باك و ياريت حد من اهل الخبرة يرد عليا جزاكم الله خير

[ehab78]

موفق في الشراء باذن الله
بس اهم حاجة الحالة

[dr.hazem]

عزيزي

السويفت كعربية ممتازه

لكن بالنظر للموديل المذكور
91
يعني بقالها ماشه اكتر من 20 سنه

وهتغلبك جدا وهتبقى مليانه مشاكل

فنصيحتي انك تحاول تاخد حاجه احدث حتى وان كانت ماروتي
الموديل الحديث برضه بيريح بالك برضو

تحياتي

[Amr Axel]

عزيزي

السويفت كعربية ممتازه

لكن بالنظر للموديل المذكور
91
يعني بقالها ماشه اكتر من 20 سنه

وهتغلبك جدا وهتبقى مليانه مشاكل

فنصيحتي انك تحاول تاخد حاجه احدث حتى وان كانت ماروتي
الموديل الحديث برضه بيريح بالك برضو

تحياتي

+11111111
مع حضرتك في حدود كام الاجمالي او اذا كان ممكن تتصرف في زيادة نرشحلك عربية كويسة ؟؟

[kar!m]

عربية كويسه .. بس اتأكد من الاتي:

- مافيهاش بارومة .. خصوصا في السقف .. و من تحت.
- اكصداماتها أصليه .. مش اللي ب 100 جنيه.
- التكييف شغال .. و الكمبروسر بيسقع حتى لو العربيه واقفه أو ماشيه ببطء.
- عفشتها كويسه .. عشان العربية دي عفشتها ضعيفه عموما.

و خلي حد يبص لك عليها طبعا .. أو اكشف في مركز صيانه.

[khaled_rz78]

شكرا جدا للرد و المساعدة يا جماعة انا معايا 30000 ممكن ترشحولي عربية قطع غيارها كويسة وتنفع للسفر و فيها تكييف لان دي اول عربية ليا و ياريت اهل الخبرة يساعدوني

[Amr Axel]

شكرا جدا للرد و المساعدة يا جماعة انا معايا 30000 ممكن ترشحولي عربية قطع غيارها كويسة وتنفع للسفر و فيها تكييف لان دي اول عربية ليا و ياريت اهل الخبرة يساعدوني

تكييف بــ30 الف هيبقي صعب شوية في عربية حالتها كويسة
بس لو تقدر تزود شوية ممكن تجيب هيونداي اكسنت او اكسيل حلوة اواخر تسعينات عربيات كويسة و قطع غيار رخيصة و شغلها بسيط و لو عايز تبيعها تبيعها

الحل التاني لكن من غير تكييف الماروتي بالمبلغ ده ممكن تجيبها 2010 او 2011 و ممكن تركب تكييف بحوالي الفين و نص - تلات

الحل التالت التو 2008-2009 برده من غير تكييف و تركيب التكييف نفس القصة لكن الفرق ان الالتو انجيشكن و شكل مختلف برة و جوة و اكبر من الماروتي شوية و مجهزة لتركيب التكيف اكتر من الماروتي بدون اي تعديلات يا دوب الكباس و الوصلات حتي ترس السير جاهز فيها و قطع غيارها كويسة
ياما تزود المبلغ شوية و تجيبها بتكييفها لأن العربية نزل منها 3 فئتا في الــ800 سي سي فاضية و هاف اوبشن فيها تكييف و فوول اوبشن

[khaled_rz78]

شكرا ليك بس ممكن اعرف رايك ف الكيا برايد هاتشباك 97 او 99

[Amr Axel]

شكرا ليك بس ممكن اعرف رايك ف الكيا برايد هاتشباك 97 او 99

ما ينطبق ع السويفت ينطبق عليها و حجمها زي زي الالتو يعني اللي يخليك تجيبها تجيب ماروتي او التو ع الاقل موديل و سهل البيع لانتشارهم و اقبال الناس عليهم و قطع غيار متوافرة
حاول متشتتش نفسك و الا مش هتشتري حاجة شوف اللي يناسبك من الموديلات السالف ذكرها و قرر و انزل شوف في السوق متقعدش تحاول تبص ع حاجة احسن كل شوية و تكييف بدل ما تدبس في عربية ما يعلم بيها الا ربنا او متشتريش نهائي
الموديلات اللي انصحك بيها كتالي :
ماروتي - التو
اكسيل - اكسنت
لو عايز حاجة زي الـ128 عندك لادا او شاهين لكن افضل واحدة من الـ4 اللي فاتوا و عربية خفيفة و ناعمة خاصة انها اول عربية ليك عكس اللادا و الشاهين الدريكسيون لوحده عايز 3 يلفوه معاك ههههههه