مقياس زيت فتيس الماروتي

[sep0508]

مقياس زيت فتيس الماروتي
الأخوة الأعزاء
هو مقياس زيت فتيس الماروتي المفروض يكون فين؟
فيه جزء خشن في أخر المقياس - هل لازم يكون متغطي كله زيت؟ ولا كفاية نصه مثلا
جزيل الشكر

[MEGO802]

متابع ........

[alking_2006]

مقياس زيت الفتيس هتفتح الكبوت و تبص ما بين البطارية و المارش هتلاقيه فوق الفتيس عبارة عن مقياس زى غطا الدواء هتفتحه بأيدك (قلاووظ) و تمسحه بحتة قماش و تغمسه تانى مكانه و تبص

لازم طبعا الزيت يكون مغطى الجزء المشرشر بالكامل

و عموما الماروتى بتاخد زيت فتيس لزوجه 90

[MEGO802]

الف شكر يا كينج
:018a1d~146:

[sep0508]

جزيل الشكر يا أستاذ الكنج
طيب هو الجزء الخشن لازم يتغطى زيت لما الطبى تتربط للآخر ولا بمجرد ما تتحط بس قبل ما تتربط؟
شكرا مقدما

[alking_2006]

جزيل الشكر يا أستاذ الكنج
طيب هو الجزء الخشن لازم يتغطى زيت لما الطبى تتربط للآخر ولا بمجرد ما تتحط بس قبل ما تتربط؟
شكرا مقدما

الله يخليك

بالنسبة للجزء الخشن هو لازم يتغطى لما الطبه تتربط للأخر

و خللى بالك ان لزوجة زيت الفتيس بتبقى على حسب حالة الفتيس

بالنسبة للماروتى الجديدة بيبقى لزوجة 90
لكن مثلا انا معايا الماروتى حالة الفتيس قديمة و مبوش فبحط لزوجة 140

و انتا خللى الموضوع دورى يعنى كل اسبوع او اتنين بتبص على
الزيوت: فتيس - ماتور - فرامل
السوائل: الرادياتير - البطارية لو سائلة
ضغط الهواء داخل الكاوتش