جديد مع الماروتى و عايز اعرف عنوان ميكانيكى كويس

[mohamed_mesho3]

يا شباب انا من العباسيية و لسه جايب ماروتى 2009 ماشية 19500 كيلو , فبريكا برا و جوا و عاملة 27500 و مفيهاش الهوا
ف كونت عايز اعرف عناوين الميكانيكيا الشاطرين اوى اللى بيشتغلوا فيها
و هل صيانة ال 20000 اعملها فى التوكيل و لا ايه رايكوا ؟؟؟

[Khaled Online]

أولا ألف مبروك وربنا يباركلك فيها
ثانيا أنا لو مكانك أوديها للتوكيل مؤقتا لحد ما أعرف ميكانيكي ثقة
وخلي بالك فيه ميكانيكة تمام قوي مع زباين وييجوا على زباين جديدة ويقلبوا

وياريت تقولنا العربية فيها تكييف ولا لأ؟ وإيه تأثيره على السحب؟
لأني ناوي أجيبها إن شاء الله أتعلم عليها وتبقى أحسن من الفيات

وألف مبروك يا باشا

[Amr Axel]

الف مبروك العربية و انضمامك لينا اهم حاجة بقي تقارير عن كل تعملها :)
بخصوص الميكانيكية انا بتعامل مع ميكانيكي في المطرية لو يناسبك المكان قولي ابعتلك عنوانه

[dr.hazem]

اهلا وسهلا بيك معانا ومنورنا وهتنورنا هنا ان شاء الله

انت في العباسيه وانا في الزتون (حاليا بره مصر) يعني جيران


بالنسبه للتوكيل تنساه نهائي نهائي نهائي


نيجي بقا للميكانيكيه
عن نفسي منسق القسم بتاعنا الجميل axel بيه عرفني على ميكانيكي محترم في المطريه واعتقد ده مش بعيد عليك

لو قيب عمرو اكسيل هيدلك عليه

طبعا انت داخل على صيانة ال20 ألف
ودي مفيهاش شغل كتير عربيتك لسا ما شاء الله جديده حافظ عليها
هتحتاج تغير الزيت وفلتر الزيت وانا عن نفسي بحط زيت فيسكو 3000 (اسمه كده) بنزله كل 10 كمتوسط في الشتا بقعده اكتر ولو حر قوي بقعده اقل لكن الماروتي بشكل عام جدول صيانتها كل 10 آلاف كيلو...

تمن الزيت 120 جنيه والفلتر الياباني هو ه بتاع تيوتا ب 25-35 جنيه حسب المكان والمنطقه اللي هتشتريه منها

العربية بتاخد بتغيير الفلتر 3 كيلو الا ربع وبدون تغيير الفلتر 2 نص
وركز كويس على الا ربع ميحطلكش 3 ويفتي

نيجي للبوجيهات يفضل تغييرها بنوع ان جي كي BP6EY ودول من توكيلهم في التوفيقيه جبتهم ال 4 بوجيهات ب 35 جنيه لان كل بتع قطع الغيار هيبيعولك الطقم 3 مش 4 وب 30 جنيه,,,, واظبط الخلص على 0.9

بقية طقم الكهربا كأبلاتين وكوندنسر انصحك بس تغير الابلاتين والمشكله ان اغلب الابلاتين في السوق مضروب ومكتوب ياباني وهو مرحش اليابان ولا شافها فانصحك بمحل اكم حمدي في ش دمش هو عنده ابلاتين دينسو اصلي بس ب 50 جنيه... المضروب ب 10 جنيه

هتبط العفشه تربط قاعدة الفتيس من تحت

تنظف الكربيراتير قبل متغير البوجيهات وتظبط بقا الكهربا

كل ده الميكانيكي يعمله عادي
لو عرفت بقا تشحم عصاية الفتيس من جوه تبقى ميه ميه

كل دي حاجات بسيه مش هتكلفك كتير

اهلا بيك معانا كمان مره

تحياتي

[dr.hazem]

اهو عمرو جالك اهو

هههههههههههههههههههههههه
ياريتني جبت سيرة ربع جنيه مخروووووووووووووووووم

ههههههههههههههههههه

[dr.hazem]

أولا ألف مبروك وربنا يباركلك فيها
ثانيا أنا لو مكانك أوديها للتوكيل مؤقتا لحد ما أعرف ميكانيكي ثقة
وخلي بالك فيه ميكانيكة تمام قوي مع زباين وييجوا على زباين جديدة ويقلبوا

وياريت تقولنا العربية فيها تكييف ولا لأ؟ وإيه تأثيره على السحب؟
لأني ناوي أجيبها إن شاء الله أتعلم عليها وتبقى أحسن من الفيات

وألف مبروك يا باشا

التوكيل عندنا سمعته زفت ومركز على نيسان وبس وقطع الغيار عنده نار يا حبيبي نار

البعد عنه غنيمه...

[Amr Axel]

اهو عمرو جالك اهو

هههههههههههههههههههههههه
ياريتني جبت سيرة ربع جنيه مخروووووووووووووووووم

ههههههههههههههههههه

يعني مش ربع جنيه ورق حتي هههههههههههه
ديه اخرتها ههههههههههه

شوف يا باشا لو المكان يناسبك ابعتلك العنوان

[SunSet]

سؤال لو سمحتم

لما اشتريت العربية البائع قال انه لسه مغير الزيت

لكن نصحوني اغيرلها الزيت وما اعتمدش على كلامه

في البنزينه غيرته والراجل قال ان الزيت اللي كان فيها كان كويس بس طبعا كان خلاص بقى

المهم اني بعد كدة لما كنت باشيك على الزيت الاقيه معدي العلامة اللي فوق !!!؟

ولما تابعت كلامكم ده حسيت انه ممكن يكون حط 3 لتر

هل لو كدة فيه حاجة بتحصل ؟ واعمل ايه ؟ الكلام ده داخل في سنة الا شويتين

[Khaled Online]

التوكيل عندنا سمعته زفت ومركز على نيسان وبس وقطع الغيار عنده نار يا حبيبي نار

البعد عنه غنيمه...

تمام. أنا مكنتش أعرف
وسامحني يا صاحب الموضوع. الباشا لحقك قبل ما كنت هغرقك معايا!

[dr.hazem]

سؤال لو سمحتم

لما اشتريت العربية البائع قال انه لسه مغير الزيت

لكن نصحوني اغيرلها الزيت وما اعتمدش على كلامه

في البنزينه غيرته والراجل قال ان الزيت اللي كان فيها كان كويس بس طبعا كان خلاص بقى

المهم اني بعد كدة لما كنت باشيك على الزيت الاقيه معدي العلامة اللي فوق !!!؟

ولما تابعت كلامكم ده حسيت انه ممكن يكون حط 3 لتر

هل لو كدة فيه حاجة بتحصل ؟ واعمل ايه ؟ الكلام ده داخل في سنة الا شويتين

هو لو بيحط 3 يبقى عالمؤشر هتزيد بحوالي 3 ملي
الكميه ل ياده عالمؤشر لحد 5 ملي مش مشكله كبيره كل الحكايه ترشيح الزيت عالماتور هيبقى كتي وباين

اما لو الزياده اكتر من كده فده غلط وبيعمل ضغط عالي جوه الماتور كفيل بتخريب حاجات كتير للاسف

تحياتي

[mohamed_mesho3]

الف شكر يا شباب على الردود
بس البيعة اتفشكلت :(
بعد ما اتفقنا على كل حاجة ,, الراجل طلع ورقه ناقص و قرف تجار بقى
و بصراحة انا مكانتش الماروتى فى دماغى انا معايا لحد 30000 كنت بدور على اكسل او سويفت على حسب الحالة
بس بعد ما ركبت العربية دى عاجبتنى جداااااااااااااااااااا جدا جدا جدا
بس ما زال البحث مستمر

[Amr Axel]

فيه ناس معانا هنا بيبعوا عربياتهم زي

m7nsh و أ \ كريم karimfahmy عربيات حالتها كويسة و سعرها اقل من كده كمان

[mohamed_mesho3]

فيه ناس معانا هنا بيبعوا عربياتهم زي

m7nsh و أ \ كريم karimfahmy عربيات حالتها كويسة و سعرها اقل من كده كمان

لو العربيات كسر زيرو ,, يعنى برا و جوا و عداد اقل من ال 25000 كيلو ,, يبقى يا ريت

[SunSet]

هو لو بيحط 3 يبقى عالمؤشر هتزيد بحوالي 3 ملي
الكميه ل ياده عالمؤشر لحد 5 ملي مش مشكله كبيره كل الحكايه ترشيح الزيت عالماتور هيبقى كتي وباين

اما لو الزياده اكتر من كده فده غلط وبيعمل ضغط عالي جوه الماتور كفيل بتخريب حاجات كتير للاسف

تحياتي

انا ملاحظة فعلا ان فيه شبه زيت فوق الماتور !

طب ايه الحل !!؟؟؟

[dr.hazem]

انا ملاحظة فعلا ان فيه شبه زيت فوق الماتور !

طب ايه الحل !!؟؟؟

بالنسبة للزيت ده حله انه يتنضف وعن نفسي كنت بدعك الوش ده بليفه وصابون وامسحه بقطعه قطنيه وطبعا المرات الجايه ميحطش الزيادة وعالوش الاسود ده في لو انا فاكر 4صواميل مقاس 10 هيبقى ممتاز لو اتقرط عليهم...
تحياتي