مسمار عمة الماروتى

[waelgam2005]

النهارده وانا بسخن سمعت صوت غريب عند الماتور بفتح الكابوت وببص لقيت العمه سايبه وعماله تعمل صوت زى صوت حاجه بتخبط فى بعضيها المهم بطلت وقولت اشوف لقيت المسمه اللى ماسك العمه من فوق اللى بصامولة من بره مكسور ومش بس كدا ده مكسور جوا القالاوظ اللي بيركب يعنى حتى مش هعرف اطلع الجزء المقطوم لانه جوا القالاوظ روحت لميكانيكى قالى لازن القطعة دى تتفك وتتفور عند اى خراط واركبلك مسمار جديد
فا انتو ايه رايكو الكلام ده صح لانى معرفش اى حاجه

[AHMED_DINAMO]

الكلام ده حصب بس كانت المسامير ال رابطه الموتور نفسه فى عربيه ريتمو بتاعت واحد اعرفه وفعلاً خراط جه فكهم

[waelgam2005]

لا دى بتاعة العمه بنفسها المشكلة ان المسمار اتقطم جوا القالاوظ فا مش هتطلع الا لما تتفور فا بسال عشان كدا انا خايف يكون الراجل بيعك ويكون فى حل تانى غير التفوير

[AHMED_DINAMO]

ما هو انا بقووولك كانت نفس الفكره ومكنش فيه حل غير التفوير جرب حط زيت تشحيم يخلى المسمار يفك شويه وبعدها هات مثلاً شنيووور وحاول ولو مش كده فوره بس انا رأيى اشترى دماغك وخراط نظيف وفورها اسرع واريح

[waelgam2005]

ماهو حضرتك مش فاهمنى القطة المقطومة من المسمار جوا الفتحة مفيش مكان اشدها منه عشان اخرجها فهل ده كدا مفيش حل غير التفوير فعلا ولا ليها طريقة تانيه

[hassanin_lada]

مالهاش حل تاني .. ومش مشكله اللي هيفوره مش هياخد 3 جنيه علي بعضهم وتجيب المسسمار الجديد وتركب .. انت ممكن تعمل الموضوع ده لوحدك من غير ميكانيكي ولا بتاع

[Amr Axel]

انا مش فاهم حاجة
يا ريت شرح اوضح او صورة

[AHMED_DINAMO]

اه فهمتك بس هى كدخ ملهاش حل غير انك تفور وامرك لله وفعلا الموضوع بسيط

[dr.hazem]

بالشكل ده ملهاش حل غير انها تتفووور عند خراط عالسريع


تحياتي

[waelgam2005]

طيب تمام يا رجاله دلوقتى لما روحت لميكانيكى قالى لازم العربيه تكون بارده فا انا مشيت عشان كان ورايا مشوار لو الموضوع الفك سهل ياريت حد يقولى افك وش الكاربتير زى عشان اوديه انا لمخرطه وانجز وهل التركيب مش هيحتاج ظبط ولا هيبقى حوار