العلامات اتقلبت و العربية اتشركت

[Amr Axel]

بسم الله الرحمن الرحيم
السلام عليكم و رحمة الله و بركاته


طبعا الواحد في حالة يرثي لها عشان هي مش ناقصة
العربية بقالها اسبوع حد رايح جي يكحتها بآلة حادة

و اخيرا انهاردة

تم تقليب جميع العلامات الاصلية حتي الكتابة المكتوبة مش مجرد العلامة بس و واضح ضربة مفك عادة عند مكان العلامات لسرقتها غير الشبكة اللي كسروها

العربية كأن 20 واحد مسكوا مفكات و بهدلوها الكبوت و الابواب الـ4 و الشنطة
العربية كلها لونها اتبهدل ده غير البهدلة حوالين الكوالين و الاوكر
يعني واضح انه حد فكر يسرقها

و يا ريت اللون اللي طلع و فضل الفيلر تحتيه لأ ده ابن الـ...... جابها ع الصاج

من الاخر مبقتش عربية و العربية لسه بلون الفبريكة و ضاع يعني لو راشة هنقول مش مشكلة نرش نضافة لكن اللون فبريكة و تبقي كده


امسك اهله بس

[dr.hazem]

بسم الله الرحمن الرحيم
السلام عليكم و رحمة الله و بركاته

طبعا الواحد في حالة يرثي لها عشان هي مش ناقصة
العربية بقالها اسبوع حد رايح جي يكحتها بآلة حادة

و اخيرا انهاردة

تم تقليب جميع العلامات الاصلية حتي الكتابة المكتوبة مش مجرد العلامة بس و واضح ضربة مفك عادة عند مكان العلامات لسرقتها غير الشبكة اللي كسروها

العربية كأن 20 واحد مسكوا مفكات و بهدلوها الكبوت و الابواب الـ4 و الشنطة
العربية كلها لونها اتبهدل ده غير البهدلة حوالين الكوالين و الاوكر
يعني واضح انه حد فكر يسرقها

و يا ريت اللون اللي طلع و فضل الفيلر تحتيه لأ ده ابن الـ...... جابها ع الصاج

من الاخر مبقتش عربية و العربية لسه بلون الفبريكة و ضاع يعني لو راشة هنقول مش مشكلة نرش نضافة لكن اللون فبريكة و تبقي كده


امسك اهله بس

لا حول ولا قوة إلا بالله
مش عارف ايه الهم ده
يعني حتى الالتو خدو العلامات والكتابة
طب العلامات ماشي الكتابة ليه بقا؟ حيجمع ويكتب اسمه عالتوكتوك؟؟!
ربنا يعوض عليك وعشان كده بقولك هج عالخليج
ههههههههههه

[mrghost]

معلش ربنا يعوض عليك
انا عندي واحد اكيد عيل صغير رسملي نجمة علي الرفرف
واخدلي الجنب كله بمسمار وبرضه بوية الفابريكة

[bondok20002002]

انا عندى واحد حط عصاية الإستيك بتاعة الأيس كريم فى الكالون بتاع الباب عادى يعنى وحظ أمه إن كنت عامل الإنذار صامت لو كنت شفته كنت نفخته
وجيبت ملقاط وفضلت اطلع حتة حتة
تحياتى يا عمور

[alking_2006]

انا كنت فى اليكس الاسبوع اللى فات
ركنتها فى شارع جانبى علشان الكورنيش زحمة
و طبعا فاصل سنسور الأنذار و مشغله على البيبان بس
رجعت لقيت حد راسملى "مجموعة" دواير كبيييييييييييييييرة على الكبوت بمسمار شك (دورى يا طيارة)
اتحرق دمى طبعا و حسبى الله و نعم الوكيل على الغل اللى بقى عند الناس و العيال اللى مش متربية اللى ماليه الشوارع

[Amr Axel]

لا حول ولا قوة إلا بالله
مش عارف ايه الهم ده
يعني حتى الالتو خدو العلامات والكتابة
طب العلامات ماشي الكتابة ليه بقا؟ حيجمع ويكتب اسمه عالتوكتوك؟؟!
ربنا يعوض عليك وعشان كده بقولك هج عالخليج
ههههههههههه

ههههههههههههههه و الله ما عارف ايه الفقعة ديه لأ و الادهي يعني ساب لانسر بالكوم و هيونداي و دايو و شفروليه و سوزوكي تاني بس ماروتي و مقلبش غير اللي في عربيتي

[Amr Axel]

معلش ربنا يعوض عليك
انا عندي واحد اكيد عيل صغير رسملي نجمة علي الرفرف
واخدلي الجنب كله بمسمار وبرضه بوية الفابريكة

ههههههههههههه اكيد معرفش ياخد نجمة من الابلة في المدرسة قالك لما اديها للناس

[Amr Axel]

انا عندى واحد حط عصاية الإستيك بتاعة الأيس كريم فى الكالون بتاع الباب عادى يعنى وحظ أمه إن كنت عامل الإنذار صامت لو كنت شفته كنت نفخته
وجيبت ملقاط وفضلت اطلع حتة حتة
تحياتى يا عمور

يا ربنا يعني كان هيضيع الكالون و لازم يتفك و وجع دماغ الحمد لله انك اتصرفت و عملتها

[Amr Axel]

انا كنت فى اليكس الاسبوع اللى فات
ركنتها فى شارع جانبى علشان الكورنيش زحمة
و طبعا فاصل سنسور الأنذار و مشغله على البيبان بس
رجعت لقيت حد راسملى "مجموعة" دواير كبيييييييييييييييرة على الكبوت بمسمار شك (دورى يا طيارة)
اتحرق دمى طبعا و حسبى الله و نعم الوكيل على الغل اللى بقى عند الناس و العيال اللى مش متربية اللى ماليه الشوارع

الراجل خايف ع العربية من الحسد فقالك لما اخمسها
ربنا يعوض عليك

[SunSet]

مش بس بيسرقوا العلامة و يحفروا على جسم العربية
دول سرقوا ستيكر بتاع كارلوس

طب ده حيعملوا بيه ايه !؟

جزاهم الله ما يستحقون واخل لنا خيرا

[elkomyalto]

الله يعوض عليك ان شاء الله
طب دنا كنت لسه راشيشها نظافه من شهرين وبغطيها علشان محدش يلعب بمسمار او غيره
ومع ذلك بلاقى خدوش كثيره وعملتلها تلميع بالسنفره ومع ذلك مرحتش وموجوده
الافظع من كده انها اتحكت 3 مرات وانا راكنها جانب الشغل وجانب البيت انزل الاقى العربيه محكوكه
بالوان مختلفه على حسب لون العربيه ال حكتها ههههههههه... مش عارف الناس بتتعلم السواقه بجانبها ولا ايه ؟؟؟

[bambino]

ربنا يعوض عليك باللى يبرد قلبك و يسعدك بإذن الله

موضوع ليه بيسيبوا العربيات الكبيرة و ييجوا على الصغيرة..أنا الشغل عندى معرض عربيات من كتر العربيات اللى راكنة يسيبوا الهيونداى و التويوتا و حتى الفيات المتينة و يقعدوا على كبوت الماروتى

و فيه برضه ناس قصدها خير ابتدوا يلعبوا بمفاتيح و مسامير فبرضه عندى خرابيش

قل لن يصيبنا إلا ما كتب الله لنا..ربنا بيختبر صبرك

[alking_2006]

طب تعمل ايه لو كنت مكانى

كنت خارج من كافيه فى مدينة نصر و رايح على العربية لقيت اتنين شباب قدام عربيتى واحد مسك التانى و رفعه لفووووق و قام راميه بعزم ما فيه على كبوت عربيتى :(
(ملحوظة: بيهرجوا مع بعض)

[mesaharaty]

هرجت عليهم نفسهم
دى عالم عاوزة الحرق
وفى الواقع أنه لا يفل الحديد إلا الحديد
يعنى لازم العين الحمرا والوش الخشب الجميل