إعـــــــلان

Collapse

.

,
See more
See less

اول 400 كم بالتحفة SX4 Sedan

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    اول 400 كم بالتحفة SX4 Sedan

    بجد يا جماعة انا مش عارفة اقول ايه فى العربية دى ماشاء الله عليها ولا حول ولا قوة الا بالله
    انا احيانا باخاف فعلا من نفسى عليها لاحسن احسدها

    اداء العربية ما شاء الله انا باحس انها طلقة على الطريق السحب ممتاز جدا جدا جدا
    انا ماشوفتش عربية اوتو بتسحب بالشكل ده وعشان ماحدش يقولى هو انتى شوفتى كل العربيات هارد عليه واقوله طبعا لأ بس ركبت معظم العربيات اللى الناس بتشكر فيها ومنهم نيسان صنى الاوتو اليابانى مش التقفيل المصرى اللى مالوش لازمة ولانسر 1600 اوتو ومرسيدس c200 ويارس وغيرهم بجد سحب العربية دى رائع

    والتكييف مش بياثر نهائيا على السحب لانه شغال بره الموتور يعنى مش بيسحب من الموتور له موتور صغير منفصل عن موتور العربية وده بيخليه يشتغل من غير ماتدور العربية

    والتكييف طبعا تلالالالالالالالالالاجة لانى باشغله فى عز الحر ده على مروحة واحد وبيخلى العربية فريزر وكمان بعد شوية باحس ببرودة واضطر اطفيه

    السى دى جميل جدا والساوند اكتر من رائع

    وارتفاع العربية عن الارض مريح جدا فى السواقة وطبعا فى المطبات وبالرغم من كده العربية ثباتها ممتاز

    ونقل الفتيس الاوتو سلس جدا وجميل والعربية فيها شوية حركات كده لزيادة الامان جميلة جدا

    الشنطة طبعا بحر انا شايفاها اوسع من الصنى ومن المرسيدس كمان يعنى ممكن تخبى فيها قتيل وماحدش يدرا بيه ههههه

    شكل العربية شيك وانا بالاحظ ناس كتير تشد عشان تلحقنى وتيجى جنبى وتهدى عشان تتفرج على العربية وطبعا ده احساس جميل ماقولوكوش عليه وبيبقوا راكبين عربيات كبيرة ومحترمة جدا

    العربية فيها شوية اوبشنز لذيذة وكتيرة بالنسبة لسعرها وبالنسبة لانها عربية يابانى 100%
    واحلى اوبشن فيها هو الطارة الـmulti function وفيها اتنين اير باج ومرايات كهربا وفوج لايت

    وفيها حاجة لذيذة برده فى السنتر لوك بتاعها اكتشفتها بعد ماتخضيت وافتكرت ان الابواب بتعلق لان الريموت لما تيجى تفتح بيه العربية بيفتح باب السواق فقط مع اول ضغطة وباقى الابواب مع الضغطة التانية ومتهايالى هم عاملين الحركة دى عشان حرامية مصر المحروسة مخصوص لان طبعا ممكن تفتح العربية مرة واحدة وتلاقى واحد ابن حلال فى لمح البصر فتح الباب اللى جنبك وخطف الشنطة وحصلت مع واحدة صاحبتى وطلع يجرى وابقى قابلنى لو حصلته
    المهم الابواب كلها مش بتفتح مرة واحدة الا مع ضغطتين ورا بعض عشان تكون متأكد ويكون قرارك انت انك تفتح جميع الابواب

    وانا ملاحظة ان الrpm مش بيعدى ال2500 لفة والعربية بتاخد سرعات عالية انا بصراحة مش خبرة فى المواضيع دى بس احساسى بيقولى ان دى حاجة كويسة ولو حد يوضحلى يبقى كتر خيره

    المهم من الاخر العربية ممتازة لابعد الحدود انا باحمد ربنا وباشكر فضله انه وفقنى فى الاختيار ويا رب يحميها ويكفينى شرها ويرزقنى خيرها

    انا دلوقتى فى مرحلة قراءة الكاتالوج فيه حاجات فيها كتير لسه مااكتشفتهاش وفيه حاجات مش فاهماها اصلا زى انه فيها توجيه آلى انا مش عارفة يعنى ايه ومش عارفة اشغله ازاى يا ريت برده حد يفيدنى
    وشكرا مقدما
    [LEFT][B][I][B][I][U]Senior Client/Server Application Developer[/U][/I][/B][/I][/B][/LEFT]

    [LEFT][B][I]WHY NOT GAIN WITHOUT PAIN:_Alshmokh23[1]:[/I][/B][/LEFT]
    الكلمات الدلالية (Tags): 1300, 1600, 20, 2006, 2007, 40, 400, 50, code, font, manual, rpm, sedan, sx4, ابن, اداء, استهلاك البنزين, اسعار, اسعار قطع الغيار, اسكندرية, البنزين, التسارع, التوكيل, الجديدة, الرينج, السى دى, الشنطة, الكنبة, اللانسر, المرسيدس, الي, اوبشن, اوتوماتيك, اول, بالتحفة, بيع, تغيير, تكييف, توكيل, توكيلات, توكيلات مصر, تيل, ثبات, جماعة, حساس, دى, رائع, سعر, سوزوكى, شنطة, صوت الموتور, صور, صيانة, عداد, عربية, عن, غالية, فتيس, في, قابل, قطع, قطع الغيار, قوة, كتالوج, كل, لانسر, مرسيدس, مصر, مع, معلومات, مفتاح مشفر, من, مواضيع, موتور, ميتسوبيشي, نيسان, هي
  • #2
    الف الف مبروك علي العربيه و ربنا يديكي خيرها و يحميكي من شرها .
    مستنين صور للعربيه و تقييمك لمركز الخدمه و اسعار قطع الغيار .
    يعني شويه معلومات تكون مفيده للي بيسأل لان لو معقوله تبقي خيار ممتاز للفئه المتوسطه:)

    Comment

    • #3
      الف مبروك العربية ةربنا يباركلك فيها ويكفيك شرها وشر الطريق

      انا سوقت الهاتش باك وعحبتنى جدا جدا

      بس السيدان اخبار المساحة الداخلية ايه ؟؟ والشنطة مساحتها كويسة ؟؟؟
      [SIZE=3][COLOR=navy][gdwl]
      [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
      [/gdwl][/COLOR][/SIZE][SIZE=4][COLOR=navy][/COLOR][/SIZE]
      [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

      Comment

      • #4
        ميرسى قوى وبالنسبة لصور العربية فيه هنا لينكات كتير ليها
        وبالنسبة للتوكيل طبعا مفيش غبار عليه ده من اعرق توكيلات مصر وده عن تجربة لان والدى معاه نيسان صنى بقاله تلات سنين وبيتعامل معاهم وهم ناس غاية فى الخبرة والاحترام ودى من الحاجات اللى شجعتنى اجيب العربية

        وطبعا انا كل مااكتشف فيها حاجة هاقول على طول

        وبالنسبة للمساحة الداخلية رائعة ومريحة جدا وفيه مساحة كافية بين الكنبة والكراسى واحنا كلنا اوزان واطوال ماشاء الله والقعدة فيها مريحة وانا شايفة انها اوسع من اللانسر وتكاد تكون فى وسع الصنى

        والشنطة طبعا بحر زى ماقلت وكمان الكنبة ممكن تطبق وتديك مساحة خيالية للتخزين
        [LEFT][B][I][B][I][U]Senior Client/Server Application Developer[/U][/I][/B][/I][/B][/LEFT]

        [LEFT][B][I]WHY NOT GAIN WITHOUT PAIN:_Alshmokh23[1]:[/I][/B][/LEFT]

        Comment

        • #5
          الف مبروووك عليكيييي و يا رب يباركلك فيها يا قمر و يكفيكي شرها :)

          congratulations :)
          [SIZE="2"]i'll miss everyone[/SIZE]

          Comment

          • #6
            الف مبروووك عليكيييي و يا رب يباركلك فيها يا قمر و يكفيكي شرها :)

            congratulations :)
            ميرسى يا سكر ربنا يخليكى ويباركلك فى سيراتوتك ويحفظهالك
            [LEFT][B][I][B][I][U]Senior Client/Server Application Developer[/U][/I][/B][/I][/B][/LEFT]

            [LEFT][B][I]WHY NOT GAIN WITHOUT PAIN:_Alshmokh23[1]:[/I][/B][/LEFT]

            Comment

            • #7
              ياااه كنتي فين من زمان
              الف مبروك عليكي و ربنا يباركلك فيها و يديكي خيرها و يكفيكي شرها
              انا معجب جدا بالعربية دي ومستنيين بقى التقرير الكامل بعد الالف ان شاء الله
              [CENTER]<img src='http://www.nileup.com/uploads/images/domain-58a889af5a.jpg'>[/CENTER]

              Comment

              • #8
                والله انا حبب العربية دي اوي وانتي وطبعا زاد اكتر.بس انا ليا اعتراض علي التوكيل واولهم المهندس ايمن طبعا عارفة. تحسي انة بستخف بالناس. انا كنت باعمل صيانة لغايت 2006 غير ان العمال هناك مستهترين او يمكن علشان انا عربيتي غلبانة سويفت 93 فمش بيهتمو بيها.

                Comment

                • #9
                  الف مبروك وربنا يباركللك فيها
                  والف شكر على التقييم

                  Comment

                  • #10
                    الف مبروك عليكي و ربنا يباركلك فيها و يديكي خيرها و يكفيكي شرها

                    هى العربيه 4*4 ام عاديه

                    يا ترى اخبار استهلاك البنزين ايه

                    عند 2500rpm السرعه بتكون كام تقريبا

                    وشكرا على التقييم و ياريت

                    Comment

                    • #11
                      انا كنت حاسس برضه ان العربية دي كويسة

                      قلب المؤمن :)
                      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                      Comment

                      • #12
                        مبارك عليكي العربية وربنا يرزقك خيرها ويبعد عنك شرها

                        بسم الله ماشاء الله العربية دي فعلا شكلها ممتازة وتستحق سعرها

                        بقول يا رب التوكيل ده يكون كويس ومعاملته كويسة

                        واتمنى تكون قطع غيارها اسعارها معقوله ( زي معظم الياباني عالاقل ماتكونش زي الهوندا مثلا )
                        سبحان الله وبحمده ... سبحان الله العظيم
                        تحياتي ,,,
                        أحمد مجدي

                        Comment

                        • #13
                          الف مبروك على العربيه و ربنا يديكي خيرها و يكفيكي شرها,
                          بس هي في نقطه في التوكيل,
                          حضرتك بتقولي والدك معاه نيسان ولا سوزوكي؟؟؟
                          [CENTER][SIGPIC][IMG]http://www.nilemotors.com/Nile/image.php?type=sigpic&userid=2960&dateline=1222963453[/IMG][/SIGPIC][/CENTER]
                          [CENTER]M0uSS0[/CENTER]
                          [CENTER]It'S WhAt Makes A SUBARU ,A SUBARU[/CENTER]

                          Comment

                          • #14
                            1000 1000 مبروك ..
                            و ربنا يعطيكي خيرها و يكفي عنك و عنها أي شر و يحفظهالك و يبارك لك فيها إن شاء الله ..
                            و معلش إزاي والد حضرتك معاه نيسان و بيتعامل مع توكيل سوزوكي .. ؟!
                            :):)
                            [SIGPIC]http://imageshack.com/a/img838/5746/61n6.jpg[/SIGPIC]

                            Comment

                            • #15
                              ميرسى يا جماعة ربنا يخليكوا
                              وبانسبة لموضوع التوكيل هو توكيل مودرن موتورز وهم واخدين نيسان وكمان سوزوكى وانا والدى بيشكر فيهم جدا خصوصا باسمهندس ايمن وده كبير المهندسين هناك والناس هناك فى منتهى الاحترام والخبرة وعلى فكرة انا والدى مش بتعجبه اى حاجة والسلام ده بيطلع القطط الفاطسة فى اى حاجة وارضائه صعب جدا فلما يشكر فى حاجة انا باعرف على طول انها 100 100

                              وبالنسبة للعربية طبعا انا هاكتب عنها تقرير مفصل بعد صيانة الالف ان شاء الله

                              وهى مش 4*4 واستهلاكها فى البنزين ممتاز مع انها لسه فى الاول ولسه طبعا هاتتظبط اكتر فى صيانة الالف ان شاء الله

                              وهى دلوقتى بتعمل حوالى 8.5 لتر لكل 100 كيلو انا قيستها اول ماجيبتها وكمان هى فيها عداد بيقول معدل استهلاك البنزين ده انا لسه مكتشفاه معلش بقى انا لسه باتعرف عليها
                              وبالنسبة لقطع الغيار هى فى المعقول مش غالية قوى ولما هاتنتشر بره التوكيل زى غيرها هاترخص اكتر
                              من الاخر انا بانصح اى حد بالعربية دى

                              بجد عربية تحفة بكل المقاييس
                              [LEFT][B][I][B][I][U]Senior Client/Server Application Developer[/U][/I][/B][/I][/B][/LEFT]

                              [LEFT][B][I]WHY NOT GAIN WITHOUT PAIN:_Alshmokh23[1]:[/I][/B][/LEFT]

                              Comment

                              السابق 1 2 3 4 template التالي
                              Working...
                              X