كتاوت الدينامو

[AMRSPEED]

العربيه عندى الدينامو محتاج كتاوت
ينفع تتغير ولا كده هغير الدينامو كله

[bondok20002002]

تجربة مريرة وحلوة جداً إسالنى أنا
كان عندى الكتاوت إتحرق برده جبت واحد تانى من عند ميدو فى أحمد حلمى وهب اول ما حطيته مشيت مشوار لقيته إتحرق تانى ةبعد كده جبت دينامو تانى قعد شهرين وإتحرق الكتاوت والسليكونات وبعد كده جبت دينامو تانى قعد إسبوع بالظبط وإتحرق الكتاوت والسليكونات وبعد كده جبت واحد تانى وعملت وصلة خارجية المهم قبل ما تعمل أى حاجة لازم تعمل check على الضفيرة إلى واصلة للدينامو دى مهمة جداً لازم تعملها ضرورى علشان الحوار ده ولو عرفت تجيب كتاوت نضيف يبقى خير
تحياتى

[AMRSPEED]

يعنى ينفع اغير الكتاوت بس ولا هغير الدينامو كله ولو حضرتك كنت غيرت الدينامو كله جبته بكام

[bondok20002002]

250 جنيه

[mbx4e]

اعملها كتاوت خارجي

[mbx4e]

تجربة مريرة وحلوة جداً إسالنى أنا
كان عندى الكتاوت إتحرق برده جبت واحد تانى من عند ميدو فى أحمد حلمى وهب اول ما حطيته مشيت مشوار لقيته إتحرق تانى ةبعد كده جبت دينامو تانى قعد شهرين وإتحرق الكتاوت والسليكونات وبعد كده جبت دينامو تانى قعد إسبوع بالظبط وإتحرق الكتاوت والسليكونات وبعد كده جبت واحد تانى وعملت وصلة خارجية المهم قبل ما تعمل أى حاجة لازم تعمل check على الضفيرة إلى واصلة للدينامو دى مهمة جداً لازم تعملها ضرورى علشان الحوار ده ولو عرفت تجيب كتاوت نضيف يبقى خير
تحياتى

اكيد عيب ضفيره او ريليه الدينمو بيسموها كتاوت بس دي فعلا اللي بتحمي الدينمو(الكهربا الداخله للدينمو) عشان ياما البطاريه عاليه عالدينمو او الموبينه او ضفيره الكهربا مش تمام وفيهم شورت او قافله
اما الكتاوت اللي التانيه اللي احنا بنتكلم عليها فا دي هي اللي بتنظم جهد الكهربا الخارجه من الدينمو ودي في منها خارجي او داخلي

[bondok20002002]

دينامو الماروتى مش ينفع تعمله كتاوت خارجى لأنى كنت عملتها

[AMRSPEED]

فعلا الكهربائى قالى ولا ينفع كتاوت خارجى ولا الكتاوت بتاعته ينفع تتغير
مفيش اى حل عندكو

[bondok20002002]

الحل تجيب دينامو وتعمل check على الضفيرة الاول

[AMRSPEED]

هن فى دينامو جديد
ولو فى دينامو استيراد مثلا بتاع نوع تانى ينفع فى الماروتى

[bondok20002002]

إنت عندك إلى ينفع دينامو الماروتى والسويفت علشان الركبة بتاعتهم بس لو جبت السويفت حتغير الطنمبورة بتاعته