مشكلة فى التكييف (( جديد))

[fire333works]

السلام عليكم ورحمة الله وبركاته

لسه شارى سويفت موديل 97 من اسيوع ...صاحبها اللى بعها لى قالى محتاجة كمبورسور

المهم رحت أحمد حلمى ..عند محل تقريبا إسمه رامى 2 ...جبت كمبورسر إستيراد
بسعر 450 جنيه ... وشحنت فريون حصلى المشاكل الأتية

- العربية بتبقى عاوزه تبطل وهو التكييف شغال لازم رجلى تبقى على البنزين علطول
علما بأن العربية فيها بطارية جافة 70 مكملتش 3 ايام و كشفت عليها و لسه فى ضمانها أصلا ....

- سير التكيف بيطلع صوت تزييق ...مش علطول بس ساعات و ساعات ...الميكانيكى المحترم قالى إن ده بس السير لسه جديد إديله يومين فى الصداع ده عقبال ما يبطل ...

- أخيرا التكييف مش بارد تلج يعنى زى ما كنت متوقع+ صوته عالى كأنى قاعد جمب تكيف بوكس كبير من اللى فى الشقق ..(( والله مش عارف دى مشكلة فعلا و لا مسألة نسبية )) ...بس كنت بركب الرينو الرينبو بتاعة صاحبى لا الصوت ده موجود و كمان التكييف بارد جدا ..



أفيدونى أفادكم الله ..عشان أنا إتشليت ...ولو حد يعرف ميكانيكى يفهم فى السويفت يكون فى الهرم أو المهندسين ...يبقى جزاكم الله خيرا...


على فكرة أنا بلاحظ إنى أغلب الردود من مشترك إسمه أ/حازم ....يا أ/ حازم متنسانيش بالله عليك ...

[hesham2004]

شحنة الفريون زياده

[sab3aawy]

بالنسبة لموضوع رجلك على البنزين فده لأن اللى ركب لك التكييف مظبطلكش الكرارباتير، كاربراتير العربيات المكيفة بيكون فيه وحدة بسيطة تقوم بفتح بارب الكاربراتير شوية زيادة فى السلانسيه عند تشغيل التكييف لمعادلة حمل التكييف، هتحتاج زيارة لواحد بتاع كاربراتير يظبطهالك

بالنسبة لموضوع التصفير فهى حاجة من3 ، يا اما السير مش مشدود كويس ياإما السير من نوعية رديئة(غالبا صينى) يا إما الكباس مش متركب صح والطارة بتاعته مش على استقامة طارة الكرنك وطالما صفر يبقى عمره ما هيسكت ولا بعد 100 سنة، هيسكت فقط لو اتصلح او اتقطع، شوف السير مشدود وللا لأ ، ولو مشدود راجع تركيب الكباس، ولو الكباس راكب صح بحيث ان طارته على استقامة طارة الكرنك يبقى ارمى السير وهات واحد نضيف

بالنسبة لدرجة البرودة فراجع نضافة الفلاتر، ونضافة السربنتينة الخارجية وقوه هواء مروحة الصالون، لو كمية الهواء الخارجة من الهوايات قليلة يبقى عيب فلتر او عيب مروحة الصالون ، لو كويسة لكن درجة حرارة الهواء الخارج من الهواية مرتفعة(مفروض تكون اقل من 6 درجات) يبقى التبردي ضعيف، وده قد ينتج من ان الشحنة مش كافية، او ان الاكسبانشن فالف وسع او ان الكباس ضغيف، لاحظ انك شارى كباس مستعمل،

اما بالنسبة للصوت فلازم تحدد الصوت جاى منين بالظبط، هل من الكباس وللا من الموتور وللا من الشكمان وللا من رجرجة اجازء السيارة، التكييف بيحط حمل على الموتور يخليه يهتز بدرجة شديدة وبالتالى لو فيه اى حاجة سايبة فى العربية هتعمل صوت عالى، فانت لازم تحدد اذا كان مصدر الصوت من الكباس نفسه، يبقى فى هذة الحالة انت شارى كباس تعبان، او من الموتور يبقى الموتور فيه مشكلة بيكشفها التحميل بالتكييف، او من الشكمان اللى بتهز مع الموتور وقت التحميل ، او من صاج العربية، الخ

[hazem_khidr]

تم الرد علي الخاص يا اخي العزيز:)

[hesham2004]

تم الرد علي الخاص يا اخي العزيز:)

ليه على الخاص يا استاذ حازم ، انت مش عاوزنا نستفيد من خبرتك ولا ايه ؟
الله يبارك فيك افدنا ، افادك الله

[hazem_khidr]

اصل الاستاذ فاير كان باعت ليا رساله علي الخاص فرديت عليها قبل ما اشوف الموضوع
و عموما يا هشام باشا دا ردي و الباشمهندس سبعاوي اوفي بصراحه :)
:
اهلا و سهلا بيك يا اخي العزيز
بالنسبه للعربيه اللي بتبطل ف دا تروح للميكانيكي بيلعب في حاجه كده مش فاكر اسمها جنب الكاربيراتير بيخلي العربيه تعلي لما تشغل التكييف
و اساله علي القطعه دي لو مش موجوده هاتها.
بالنسبه لصوت السير فللاسف السيور الموجوده كلها وحشه حاول بس تشد عليه كويس.
حكايه انه مش بيبرد يا اما فيه تسريب او سربنتينه التكييف مسدود
خلي اخصائي تكييف يشوفها و هو بيشوف القطعه اللي بتعلي الموتور دي.
صوته العالي يمكن انت بتشغله علي 4
و لعلمك لو شغلته علي 4 ما تستناش منه انه يدخل هوا بارد شغله علي اتنين و شوف التبريد بجد.
و اي خدمه انا تحت امرك

[hesham2004]

اصل الاستاذ فاير كان باعت ليا رساله علي الخاص فرديت عليها قبل ما اشوف الموضوع
و عموما يا هشام باشا دا ردي و الباشمهندس سبعاوي اوفي بصراحه :)
:
اهلا و سهلا بيك يا اخي العزيز
بالنسبه للعربيه اللي بتبطل ف دا تروح للميكانيكي بيلعب في حاجه كده مش فاكر اسمها جنب الكاربيراتير بيخلي العربيه تعلي لما تشغل التكييف
و اساله علي القطعه دي لو مش موجوده هاتها.
بالنسبه لصوت السير فللاسف السيور الموجوده كلها وحشه حاول بس تشد عليه كويس.
حكايه انه مش بيبرد يا اما فيه تسريب او سربنتينه التكييف مسدود
خلي اخصائي تكييف يشوفها و هو بيشوف القطعه اللي بتعلي الموتور دي.
صوته العالي يمكن انت بتشغله علي 4
و لعلمك لو شغلته علي 4 ما تستناش منه انه يدخل هوا بارد شغله علي اتنين و شوف التبريد بجد.
و اي خدمه انا تحت امرك

يا سيدى مانتحرمش منك و من زوقك .

[nav man]

فعلا زي ما اخي حازم وسبعاوى قالوا.الله ينور ياجماعة.انت عالي مسمار التكييف هتلقية علي اليمين مش الشمال دا بتاع الموتور انا بعملها من غير ميكانيكيوانا كان عندي مشكلة في السربنينة.ومتنساش ان العربية داخلة علي 20 سنة

[nav man]

اوضحللك شوية هي مكنها تحت الكاربرتير علي اليمين انت شغل التكييف وبمفك صغير حرك المسمار لاغيت ما تلاقي صوت الموتور زاد بس بالراحة ومتزودهوش عن 1200 او 1300 rpm

[fire333works]

السلام عليكم....

والله جزاكم الله خيرا يا جماعة ...الموضوع إتحل الحمد لله ... شكر خاص جدا للأخ سبعاوى و الأستاذ حازم ...

هشرحلكم اللى حصل بالتفصيل
- بالنسبة لصوت سير التكييف العالى ده عشان السير كان مرخى .. و كان بيفوت فعشان
الميكانيكى شده وبقى تمام ..+ ركبلى قطعة صغيرة كده (مش عارف إيه إسمها) الناس البروفسيرات يقوللنا إسمها بقى .. القطعة دى فايدتها إنها بتخلى صوت الموتور واطى طول ما أنا ماشى عادى و الموتور يعلى أول ما التكيف يشتغل فعلا حاسس بالفرق..
- بالتسبة لسقعوية التكييف ..لحمت ماسورة السربنتينة + نضفت الفلاتر و شحنت تانى ..الدنيا بقت تمام الحمد لله