نصيحة لشراء ماروتى

[الحصان الاسرع]

مرحبا يا اصدقاء انا عضو جديد لسة مشترك الان وانا حاليا على اعتاب شراء سيارة جديدة لاول مرة
وهى ماروتى ان شاء الله هشتريها بالتقسيط من بنك ناصر وانا من محافظة السويس ولكن سمعت ان ثمانها 42 الف جنية هل هذا صحيح ارجو من اصحاب الخبرات والتجارب ان لا يبخلو علية بالرد بالنسبة للسعر الحقيقى وايضا الحالة الفنية للسيارة وايضا هل سيارة التو فى منها جديد ولا بطلو يصنعوها وكم سعرها واسف لاطالة

[dr.hazem]

مرحبا يا اصدقاء انا عضو جديد لسة مشترك الان وانا حاليا على اعتاب شراء سيارة جديدة لاول مرة
وهى ماروتى ان شاء الله هشتريها بالتقسيط من بنك ناصر وانا من محافظة السويس ولكن سمعت ان ثمانها 42 الف جنية هل هذا صحيح ارجو من اصحاب الخبرات والتجارب ان لا يبخلو علية بالرد بالنسبة للسعر الحقيقى وايضا الحالة الفنية للسيارة وايضا هل سيارة التو فى منها جديد ولا بطلو يصنعوها وكم سعرها واسف لاطالة

اهلا وسهلا بيك معانا وتشرفنا
مبدئيا ربنا يباركلك في عربيتك القادمه ايا كانت
بالنسبه لسعر الماروتي فهو متقلب جدا لكن عمري ما سمعت 42 الف دي ابدا
سعرها من 39ونص لحد 41
معرفش بقا ال2013 غليت ولا ايه

الالتو نازل منها جديد فعلا بس معنديش تفاصيل وعمرو هييجي يفيدك ان شاء الله

بالنسبه للحاله الفنية ميتحكيش عالماروتي لانها عربيه اصيله ما شاء الله


اتفضل شوف الموضوع ده وراجع بقية مواضيع القسم

http://www.nilemotors.net/Nile/14710-a.html

وياريت تخش على الفهرس ده هتلاقي فيه كل مايهمك ويفيدك ان شاء الله

http://www.nilemotors.net/Nile/274773-a.html

تحياتي

[lidosasa]

أحب اضيف حاجة
إن الألتو مفيش فرق بينها وبين الماروتى فى سعة الموتور 800 سى سى و 3 سلندر
الفرق بس بيكون فى الشكل الخارجى والحجم أكبر شوية والكماليات وبيكون سعرها 49 ألف وفيه منها بكل الكماليات وسعرها 56 ألف .
فى مقابل دا قطع الغيار غالية عن الماروتى ومش بنفس الوفرة
أنا شخصياً شايف إن الماروتى أحسن

[Amr Axel]

مفيش كلام يقال بعد كلام د حازم hm414
و سعرها 39750 ج كبيرك 40 الف و جاري لسه شاريها بالسعر ده

بخصوص الالتو فعلا نازل منها جديد نفس شكل 2008-2009 بالتكييف بسعر 48-49 الف و الموديل ده ما شاء الله عليه اقبال اكتر من السيلاريو و ابتديت احس انه هيغلب الماروتي

[Amr Axel]

أحب اضيف حاجة
إن الألتو مفيش فرق بينها وبين الماروتى فى سعة الموتور 800 سى سى و 3 سلندر
الفرق بس بيكون فى الشكل الخارجى والحجم أكبر شوية والكماليات وبيكون سعرها 49 ألف وفيه منها بكل الكماليات وسعرها 56 ألف .
فى مقابل دا قطع الغيار غالية عن الماروتى ومش بنفس الوفرة
أنا شخصياً شايف إن الماروتى أحسن

مع احترامي لكلام حضرتك لكن العربية ما شاء الله و لا قوة الا بالله مش اختلاف الشكل سواء خارجيا في التصميم او داخليا و اوسع من الماروتي شوية بس

الموتور اينعم 800 سي سي لكن 12 صمام عكس الماروتي 8 صمام و ديه تكنولوجيا يابانية لتوليد عزم و عدد لفات موتور اكتر في السرعات القليلة و المتوسطة و فيه موتور 1100 لكن اغلي في الخمسينات

العربية انجيشكن يعني موفرة في البنزين اكتر متوسط 350-400 ك\م في الصفيحة داخل المدن لو العربية سليمة و مظبط صيانتها و مفيهاش حاجة يعني و طقم الكهربا الكتروني

فتيس 5 سرعات غير المارشدير

جنوط اكبر مقاس 13 عكس الماروتي مقاس 12

ثبات اعلي و سرعة قصوي اعلي عداد الماروتي 150 عداد الالتو 180 الالتو
السرعة القصوي بدون تعديل 155-160 و لو شوية تعديل ممكن تعدي و تقفل

تانك البنزين سعة 35 لتر

قطع الغيار اعلي من الماروتي في السعر لكن انا شايف الفرق يستاهل و الحمد لله دلوقتي انتشرت عن ما نزلت في 2008 نظرا للاقبال مع اني شايف ان محلات قطع الغيار بيستغلوا شوية خاصة اللي عندهم قطع غيار نضيفة

يعني السعر الزيادة مش من فراغ ده غير لو قارنت العربيات اللي تعتبر في نفس المستوي زي هيونداي اي 10 او كيا بيكانتو و شوف السعر :)

و زي ما حضرتك قولت في الاخر كل واحد و وجهة نظره و اختياره و الاختلاف في الرأي لا يفسد للود قضية :)

[dr.hazem]

مع احترامي لكلام حضرتك لكن العربية ما شاء الله و لا قوة الا بالله مش اختلاف الشكل سواء خارجيا في التصميم او داخليا و اوسع من الماروتي شوية بس

الموتور اينعم 800 سي سي لكن 12 صمام عكس الماروتي 8 صمام و ديه تكنولوجيا يابانية لتوليد عزم و عدد لفات موتور اكتر في السرعات القليلة و المتوسطة و فيه موتور 1100 لكن اغلي في الخمسينات

العربية انجيشكن يعني موفرة في البنزين اكتر متوسط 350-400 ك\م في الصفيحة داخل المدن لو العربية سليمة و مظبط صيانتها و مفيهاش حاجة يعني و طقم الكهربا الكتروني

فتيس 5 سرعات غير المارشدير

جنوط اكبر مقاس 13 عكس الماروتي مقاس 12

ثبات اعلي و سرعة قصوي اعلي عداد الماروتي 150 عداد الالتو 180 الالتو
السرعة القصوي بدون تعديل 155-160 و لو شوية تعديل ممكن تعدي و تقفل

تانك البنزين سعة 35 لتر

قطع الغيار اعلي من الماروتي في السعر لكن انا شايف الفرق يستاهل و الحمد لله دلوقتي انتشرت عن ما نزلت في 2008 نظرا للاقبال مع اني شايف ان محلات قطع الغيار بيستغلوا شوية خاصة اللي عندهم قطع غيار نضيفة

يعني السعر الزيادة مش من فراغ ده غير لو قارنت العربيات اللي تعتبر في نفس المستوي زي هيونداي اي 10 او كيا بيكانتو و شوف السعر :)

و زي ما حضرتك قولت في الاخر كل واحد و وجهة نظره و اختياره و الاختلاف في الرأي لا يفسد للود قضية :)

كلام عمور موزون
يعني المقارنه الفعليهبين الماروتي والالتو مش سهه
تاخد بكل جديد واقتصاديه واوسع اكتر وبقطع اغلى
ولا تاخد عربية اضيق شويه وبشكل قدم نسبيا وواقل اقتصادية بس سعر قطع غيار اقل بفرق ملحوظ واعادة بيع مميزه في سرعة البيع والسعرميزان صعب

تحياتي

[waelgam2005]

انا شايف ان الالتو هتنتشر لو مغليتش عن تمنها الحالى وفى نفس الوقت الماروتى فضلت بنفس السعر ده او غليت بعد كدا لان الفرق بينهم بقى بسيط جدا وده مش فى صالح الماروتى

[الحصان الاسرع]

انا شاكر ليكم يا اصدقائى معلومات قيمة بجد انا استفدت منها كتير على العموم انا ناوى هاشترى تقريبا بعد شهر ارجو ان استفيد منكم اكتر وانا اسف ان اكون اثقلت عليكم

[ahma8]

لو فرق السعر هيفضل كده يبقى الافضلية لصالح الالتو بسبب الكماليات و التكييف و خلافة

مبروك عليك مقدما

[الحصان الاسرع]

السلام عليكم انا يا جماعة نزلت انهاردة اسال على اسعار الماروتى والتو فى محافظتى وهى السويس والاسعار هى/الماروتى 2013/ 41,500 بدون اى كماليات حتى التسجيل لا يوجد فيها اما الالتو 54 الف فيها التكيف فقط لاغير وبرضة مفهاش التسجيل هل الاسعار دية فى القاهرة برضة

[Amr Axel]

السلام عليكم انا يا جماعة نزلت انهاردة اسال على اسعار الماروتى والتو فى محافظتى وهى السويس والاسعار هى/الماروتى 2013/ 41,500 بدون اى كماليات حتى التسجيل لا يوجد فيها اما الالتو 54 الف فيها التكيف فقط لاغير وبرضة مفهاش التسجيل هل الاسعار دية فى القاهرة برضة

ايه التهريج ؟؟ الماروتي لا تزيد عن 40 الف و الالتو 49 الف بتكييف
اكيد حضرتك سألت في معارض عادية اسأل في التوكيل او موزعيين معتمديين او شوف معارض غيرهم

[الحصان الاسرع]

يا ملاك التو قلقان من موضوع الانجيكشن هل اعطالة كتير وعمرة الافتراضى قد اية وهل تغيرة صعب او غالى

[Amr Axel]

الاخوة الاعضاء/ انا مقبل على شراء سيارة جديدة ان شاء الله ولكن محتار بين( الماروتى او التو) الماروتى عجبانى علشان قطع غيارها رخيصة ومنتشرا لكن صالونها مش ادى كدة اما التو شكلها حلو شوية وصالنها شيك عن الماروتى وفيها تكيف لكن قلقان من موضوع الانجيكشن هل اعطالة كتير وعمرة الافتراضى قد اية وهل تغيرة سهل وسعرا غالى ولا لا وقطع الغيار اخبارها اية متوفرة ولا ارجو من ماليكها اجابة شافية حتى احدد موقفى واسف لاطالة

يا باشا مانا رديت عليك في كل حاجة عن العربية في الموضوع التاني

عامة الانجيشكن مفيهوش اي مشاكل لكن يتطلب الاهتمام بتنظيفته و ديه طريقتين اما فكهم و تنظيهم ع جهاز الالتراسونك بتكلفة حوالي 100 ج اما تغييره و اعتقده السعر هيعدي 250 ج و الفك و التركيب بسيط بس طالما محافظ عليه مش هتحتاج تغيره ان شاء الله
و لكن فيه اجراء وقائي أفضل يمنع السدد او اي مشاكل و ان شاء الله متحتجش تغيرهم و هو استخدام منظف انجيكشن زي stp او ليكوي مولي بشكل دوري كل 20-30 الف مثلا مع مراعاة تغيير فلتر البنزين في مواعيده و الحفاظ ع الصيانات الدورية سواء في التوكيل او برة و بنزين 92 و لأن هو اللي ينصح باستخدامه و ساعتها ان شاء الله هنبقي نشرحلك طريقة استخدام منظف الانجيشكن صح عشان متواجهش اي مشاكل

قطع الغيار متوافرة سعرها اعلي من الماروتي طبعا لكن متوافرة عن الأول بكتيير و انا ارجحلك اكرم حمدي في ش دمشق بالرغم انه غالي شوية لكن حاجته نضيفة تاخدها و انت مطمن و معاك فاتورة أصلية مش بيان و ختم و زي الفل
فيه سوزوكي سنتر في التوفيقية فوق اسماك ابو غالي لكن مجربتوش غير في حاجات خفيفة زي البوجهيات و الحاجات الخفيفة ديه و ملقتش مشاكل بصراحة و اسعاره تعتبر كويسة
او ليدرز في الدقي ش ايران أ\ محمد فوزي الناس بتشكر في القطع عندهم

[الحصان الاسرع]

شكرا جزيلاا لمنسق قسم السوزوكى a m r لاستجابة السريعة وكلامة الواضح والمفيد وسامحنى لانى مش مركز علشان حيرتى فى الاختيار و علشان اول مرة اشترى سيارة

[AHMED_DINAMO]

مفيش كلام يقال بعد كلام د حازم hm414
و سعرها 39750 ج كبيرك 40 الف و جاري لسه شاريها بالسعر ده

بخصوص الالتو فعلا نازل منها جديد نفس شكل 2008-2009 بالتكييف بسعر 48-49 الف و الموديل ده ما شاء الله عليه اقبال اكتر من السيلاريو و ابتديت احس انه هيغلب الماروتي

+11111111111