هام لمن يستطيع ان يفيد بخصوص التو 800

[omar_saad]

السلام عليكم
ظهرت مرة اخري السيارة التو بنفس الشكل القديم . هل احد يعرف الفرق بينها وبين الموديلات السابقة. سمعت ان هناك اختلاف في شكل العدادات فقط.
ايضا ظهر علي موقع ماروتي الهند الالتو الجديدة كليا فلماذا قام التوكيل بطرح الشكل القديم مرة اخري بعد ان توقف التصنيع من قبل

[dr.hazem]

التصنيع متوقفش ولا حاجه
نازله في الخليج والاردن
بالنسبة للجديده كليا غالبا حضرتك تقصد السيليريو اللي في بعض الدول بتنزل باسم ألتو...
واستنى رد أوفى من اكسيل منسقنا الكبير...
تحياتي

Sent from my LT18i using Forum Runner

[Amr Axel]

موديل 2008-2009 و اللي نازل تاني دلوقتي بسعر 49 الف تقريبا بالتكييف هو هو
يختلفوا عن باقي الموديلات سواء داخليا او خارجيا او حتي الموتور مش عدادات بس
و ميزة الموديل ده انتشار قطع الغيار عن الأول غير اقبال الناس عليه
و طبعا اختلافه عن الماروتي عشان فيه ناس بتقول مفيش فرق بين الالتو من الموديل ده و الماروتي غير شكل لكن الاختلاف شكل خارجي و داخلي و كراسي و كله و اوسع شوية من الماروتي
الموتور 12 صمام عكس الماروتي 8 صمام
الالتو انجيكشن و طقم الكهربا الكتروني عكس الماروتي كربراتير و طقم كهربا عادي
جنط 13 اما الماروتي جنط 12
السرعة القصوي اعلي من الماروتي عداد الالتو 180 عداد الماروتي 150
سعة تانك البنزين 35 لتر الماروتي ع ما اتذكر 28 لتر
قطع الغيار للأسف اغلي من الماروتي لو هنتكلم في قطع غيار نضيفة
اما لو القطعة مش اد كده هتلاقي تقارب شديد في الاسعار و طبعا الافضل تخليك في القطع النضيفة حتي لو اغلي بس هتحافظ ع العربية عكس ما تجيب حاجة تحت بير السلم و يتقالك عليها أصلي و هي متسواش 3 مليم و تفضل كل شوية تدفع او تقصف عمر العربية
المهم تجيب من المكان الصح و متسترخص

اما الشكل الجديد اللي تقصده فهو التو سيلاريو نزلت هنا باسم سيلاريو قريب من البيكانتو شوية و نزل من 2010 و مازلت تقريبا لكن برة باسم التو سيلاريو و للأسف ملقاش نجاح كبيير هنا زي 2008-2009 اللي نزلوه تاني نظرا لغلو سعرها في الستينات ده غير ان مالكي السيارة اشتكوا من عدم توافر قطع غيارها برة التوكيل عكس الالتو

و زي ما د \ حازم قالك التصنيع متوقفش لسه بينزل لحد دلوقتي في دول الخليج و برة لكن هنا بطلوا ينزلوه لكن اعتقد نظرا للاقبال رجعوا ينزلوه تاني

و اي استفسار عن العربية اتفضل :)

[aboomara]

هى الالتو الجديده نزلت خلاص

هى الالتو الجديده نزلت خلاص ولا لسه هاتنزل ويا ترى ايه افضل لون فيها.
مش عارف ايه رأيكو فى اللون الاحمر.
وكل سنه وانتم بخير

[Amr Axel]

هى الالتو الجديده نزلت خلاص ولا لسه هاتنزل ويا ترى ايه افضل لون فيها.
مش عارف ايه رأيكو فى اللون الاحمر.
وكل سنه وانتم بخير

لا خلاص نزلت يا باشا
بصراحة العربية ما شاء الله حلوة في كل الالوان لكن احلي الالوان فيها من وجهة نظري الازرق بالاكصدامات السودا ثم الفضي بالاكصدمات السودا ثم الاسود الميتالك جسم العربية و الاكصدامات هم دول
الأحمر حلو برده مش وحش لكن انا عندي عقدة منه

[bondok20002002]

لا خلاص نزلت يا باشا
بصراحة العربية ما شاء الله حلوة في كل الالوان لكن احلي الالوان فيها من وجهة نظري الازرق بالاكصدامات السودا ثم الفضي بالاكصدمات السودا ثم الاسود الميتالك جسم العربية و الاكصدامات هم دول
الأحمر حلو برده مش وحش لكن انا عندي عقدة منه

في حد يتعقد من الاحمر
كل سنة وانت
تحياتي يا بوب

[aboomara]

متشكر يا عم اكسيل على الرد
بس انا سالت على الازرق الكحلى قاللى انه اللى نازل ازرق سماوى
عيد سعيد للجميع

[Amr Axel]

في حد يتعقد من الاحمر
كل سنة وانت
تحياتي يا بوب

ايون انا هههههههههه

[Amr Axel]

متشكر يا عم اكسيل على الرد
بس انا سالت على الازرق الكحلى قاللى انه اللى نازل ازرق سماوى
عيد سعيد للجميع

لا شكر ع واجب يا باشا
ايوة يا باشا هو الازرق السماوي بس لون ما شاء الله جامد جداا ع العربية و اعتقد برة بينزل الازرق الكحلي برده ليه درجة كده مميزة عن باقي الوان الكحلي في العربيات التانية بس تقريبا مبينزلش هنا

[omar_saad]

السلام عليكم ورحمة الله وبركاته
جزيل الشكر لكم جميعا وأخص بالذكر مستر أكسيل
للعلم ياجماعة انا كنت مستني من فترة نزول الألتو مرة أخري وأريد ان اعلم الجميع أنه ظهرت علي موقع ماروتي الهنديه سيارة بشكل جديد تماما تحمل اسم التو800 وهي مختلفة تماما عن الالتو العاديه وعن سيلاريو التي اعرفها جيدا
اود ان اذكر لكم لون جديد تحفة في التو وهو النبيتي
اعود لما هو هام . ارجو ان تساعدوني في الاختيار بين التو العادية التي عادت من جديد و بين السيارة اسبرانزا 113
بالنسبة لي. كل واحدة لها مميزات عيوب. اود الاستفسار السيارة التو بالكييف شغالة واللا لا . تنفع مشاوير طويلة واللا لا قطع الغيار الاقيها واللا لا
وللعلم السيارة كانت مع زميل لي ولم يشتكي منها ابدا ولكن استعماله كان خفيف قوي
من الاخر ياجماعه بالله عليكم هي افضل من اسبرانزا ؟ وتستاهل فلوسها؟
منتظر الردود

[Amr Axel]

السلام عليكم ورحمة الله وبركاته
جزيل الشكر لكم جميعا وأخص بالذكر مستر أكسيل
للعلم ياجماعة انا كنت مستني من فترة نزول الألتو مرة أخري وأريد ان اعلم الجميع أنه ظهرت علي موقع ماروتي الهنديه سيارة بشكل جديد تماما تحمل اسم التو800 وهي مختلفة تماما عن الالتو العاديه وعن سيلاريو التي اعرفها جيدا
اود ان اذكر لكم لون جديد تحفة في التو وهو النبيتي
اعود لما هو هام . ارجو ان تساعدوني في الاختيار بين التو العادية التي عادت من جديد و بين السيارة اسبرانزا 113
بالنسبة لي. كل واحدة لها مميزات عيوب. اود الاستفسار السيارة التو بالكييف شغالة واللا لا . تنفع مشاوير طويلة واللا لا قطع الغيار الاقيها واللا لا
وللعلم السيارة كانت مع زميل لي ولم يشتكي منها ابدا ولكن استعماله كان خفيف قوي
من الاخر ياجماعه بالله عليكم هي افضل من اسبرانزا ؟ وتستاهل فلوسها؟
منتظر الردود

الاتنين بالنسبة سعرهم مناسبيين المهم انت عايز ايه او مرتاح لأيه

بخصوص السبرانزا انطباعي عنها كالآتي :
هي عربية كويسة في فئتها يعني 1300 سي سي و السعر و الامكانيات بغض النظر عن انها صيني
من جوة السبرانزا قاعدتها مريحة و تتوافر فيها كماليات مش موجودة في حاجات اعلي منها سعرا
استهلاك البنزين كويس و التكييف ما شاء الله كويس
قطع الغيار اعتقد بقت ارخص لكن اسمع ان فيه قطع غير متوافرة برة اوي و الاسعار قريبة من الماروتي و احيانا زي الالتو
و العربية بالنسبة ليا لما سوقتها شايف انها عايزة شخص سواقته عادية يعني لو غرز يبقي ع خفيف اوي وسط البلد و سرعات طوالي ثبات متوسط لكن مش برفكت يعني محدش برده يفتكرها بي ام و يعمل مناورات بيها :)
العيوب اللي لاحظتها في العربية العفشة خاصة المساعدين و الدبدبة و ده حلهم انهم يتغيروا ياما تستحمل الصوت و النشوفية
التقفيل مش اد كده بس لو جبنا السعر مع الامكانيات و الكماليات يبقي كويس
الشنطة ضيقة شويتين
اما بخصوص قطع الغيار خارج التوكيل للأسف معنديش فكرة مالكيها ممكن يفيدوك اكتر :)


الألتو طبعا مش هنتكلم عنها تاني بخصوص قطع الغيار غير التوكيل فيه محلات بنتعامل معاها عندهم كل قطع الالتو و طالما محافظ عليها و سواقتك كويسة مش هتحتاج غير صيانات زي سيور و بوجيهات و تيول و كاوتش
و ديه اسعار بعض قطع الغيار اللي تم تغييرها حتي الآن سواء عندي او عند اللي اعرفهم معاهم التو

http://www.nilemotors.net/Nile/264735-a.html

التكييف كويس و العربية شغالة معاك ما شاء الله في المشاوير الطويلة و متوسط استهلاكها للبنزين وسط المدينة حوالي 350-400 ك\م في الصفيحة ( 20 لتر )


المهم جرب الاتنين و شوف اللي هترتاح لها اكتر و توكل ع الله و جيبها :)

[omar_saad]

السلام عليكم
جزيل الشكر اولا علي الرد وثانيا علي السرعة فيه
والله لا أخفي عليك انا مرتاح اكثر ل التو .بصراحة الهند في التقفيل والمحركات الصغيرة كمان رائعة . وال اي تن تشهد . كمان المكونات اليابانية واسم سوزوكي . والله بالفعل قد افدتني . اكيد سوف اتواصل معك ثانية ان قدر الله ان اشتري التو
شكرا جزيلا اخي الفاضل.

[Amr Axel]

السلام عليكم
جزيل الشكر اولا علي الرد وثانيا علي السرعة فيه
والله لا أخفي عليك انا مرتاح اكثر ل التو .بصراحة الهند في التقفيل والمحركات الصغيرة كمان رائعة . وال اي تن تشهد . كمان المكونات اليابانية واسم سوزوكي . والله بالفعل قد افدتني . اكيد سوف اتواصل معك ثانية ان قدر الله ان اشتري التو
شكرا جزيلا اخي الفاضل.

يا باشا لا شكرا ع واجب
و ان شاء الله هنتظر تقرير من حضرتك عن الالتو الجديدة :)
و اي استفسار في اي وقت اتفضل و بالمناسبة دي اتفضل الموضوع ده اتمني انه يفيدك وقت الشراء

تعالوا نعرف نعمل ايه لما نيجي نستلم عربية جديدة او مستعملة

http://www.nilemotors.net/Nile/244408-a.html

[omar_saad]

السلام عليكم
مستر اكسيل
جزيل الشكر مرة اخري . ان شاء الله تقريبا اكاد اكون. رسيت علي التو المشكلة انا ان شاء الله بحاول اجيبها من بنك فيصل .بس بصراحة انا يهمني في المقام الأول مدي شرعية التعامل معهم دينيا . ذهبت اليهم اكثر من مرة واتفاوض معهم بخصوص بعض الإجراءات . والحمد لله الأمور تيسرت بشكل كبير وفي خلال شهر ان شاء الله سوف ابدأ في الإجراآت معهم ادعو لي بالتوفيق . وان قدر الله سوف اتواصل معك حتي استفيد من خبراتك وباقي الأخوة ان شاء الله
شكرا علي الرابطين وخاصة موضوع شراء سيارة جديدة .فعلا رائع وتم بمجهود كبير

[Amr Axel]

بالتوفيق ان شاء الله يا أ\ عمر :)