ازاز الباربريز اتكسر

[Pinky world]

السلام عليكم
كل سنة وانتو طيبين
كنت عايزة اسأل عن ازاي العربية الامامي الباربريز اتشرخ كله ولازم يتغير
عايزة اسأل عن اقرب مكان وعن سعره
العربية سوزوكي تراكر
وانا في مدينة نصر
اشكركم

[Amr Axel]

اهلا و سهلا بحضرتك

فيه واحد في الحي التامن في الشارع اللي بيجيب من عند المصرية لـشارع حسن المأمون اسمه دكتور خالد تقريبا
و فيه واحد لسه فاتح جديد في شارع دمشق مصر الجديدة جنب محل ابراهيم للاكسسوارات الناس بتشكر فيه و ده انا ارجحه أكتر لأني شوفت شغله ما شاء الله نضيف
لكن بصراحة متعاملتش مع اي واحد منهم

بخصوص الاسعار ع حسب النوع , بس عامة الجميع بينصح بتركيب ازاز اسمه ( آمان ) بدلا من ( جريش ) نظرا لوجود طبقة من البلاستيك بتمسك الازاز لو اتكسر و ميتفتفتش مليون حتة
و سعره يتراوح 250-350 ج ع حسب

بس سؤال عربية حضرتك سوزوكي ايه ؟ فيتارا و لا جيمني ؟

[Pinky world]

اشكرك جدا
شكلي حروح للي في التامن اقربلي , س لو حروحله بكرة حيعملهولي في خلال اد ايه ؟
ولو رحت اعمل رخصة السواقة بالازاز المكسور حيوافقو عادي ؟
عربيتي سوزوكي تراكر

[Amr Axel]

لو تجديد رخصة فقط هتركينيها بعيد و تدخلي تجددي عادي لكن لو فحص مينفعش

و الأفضل طبعا تروحي بالنهار عشان تشوفي كويس الازاز اللي هيركب انه سليم و مفيهوش خدش و الفينيش
و انا عن نفسي أفضل اللي في شارع دمشق لكن زي ما تحبي
و التركيب في خلال ساعة-ساعتين بالكتيير ان شاء الله هيفك القديم و ينضف مكانه و يجيب الجديد و يلزق و يركب مكان القديم

بخصوص العربية لو امكن اي صورة ليها من ع النت لأن تراكر فتوقعت اما فيتارا او جيمني

[Pinky world]

رخصة سواقة مش رخصة عربية

[Amr Axel]

رخصة سواقة مش رخصة عربية

اعتذر مخدتش بالي من انها رخصة قيادة

لو اختبار لاستخراجها لأ العربية اللي هتدخلي بيها الاختبار لازم يكون ع الاقل ازازها سليم عشان الرؤية و محدش يتلكك و تكون العربية سليمة عشان الاختبار و قبل ما تدخلي اربطي حزام الأمان عشان بيبصوا ع الموضوع ده
و احفظي العلامات المرورية الامتحان النظري

لو تجديد بس ملهاش علاقة

[Pinky world]

طيب انا حروح بيها الاختبار وشكرا على التنبيه :) ربنا يستر
بس معلش سؤال تاني هي الاوراق المطلوبة 3 حاجات بس
الشهادة الطبية والبطاقة والصور وبس ؟

[amr_8800]

الاوراق المطلوبه
شهاده رمد
شهاده باطنه
فصيلة الدم
صور البطاقه
صور شخصيه
بس

[Amr Axel]

شهادة باطنة و نظر لاستخراج رخصة قيادة
صور البطاقة
صور شخصية
معرفش موضوع فصيلة الدم ده لأني لما جيت اطلعها مطلبوهاش
باقي الاوراق و الملف هيتم سحبها من هناك المصاريف حوالي 90-100 ج
ده اللي اتكلفته كله ساعة ما جيت اعملها و كنت عاملها في مرور التجمع الخامس و هناك الاختبارات بسيطة
حاولي تروحي بدري ع اد ما تقدري
هتدخلي اختبار نظري مكتب و يسألك العلامات المرورية معناها ايه و لازم تجاوبي عليها صح
الاختبار العملي اهم حاجة تقعدي مرتاحة في العربية وحزام الامان مربوط و تكوني مسخنة العربية قبل ما تدخلي و لو جيتي تلفي يمين تدي اشارة يمين شمال تدي اشارة شمال كل ده بيتم اخذه في الحسبان

الاختبار ع ما اتذكر كان زي حرف s و في وسطه مطب صناعي صغير زي اللي بيبقي في الرحابده اللي اتذكره لما جيت اطلع الرخصة من حوالي 4-5 سنين

في انتظار انك تبلغينا انك طلعتي الرخصة او اي حاجة جديدة في الاختبارات :)

بالتوفيق

[Pinky world]

شهادة باطنة و نظر لاستخراج رخصة قيادة
صور البطاقة
صور شخصية
معرفش موضوع فصيلة الدم ده لأني لما جيت اطلعها مطلبوهاش
باقي الاوراق و الملف هيتم سحبها من هناك المصاريف حوالي 90-100 ج
ده اللي اتكلفته كله ساعة ما جيت اعملها و كنت عاملها في مرور التجمع الخامس و هناك الاختبارات بسيطة
حاولي تروحي بدري ع اد ما تقدري
هتدخلي اختبار نظري مكتب و يسألك العلامات المرورية معناها ايه و لازم تجاوبي عليها صح
الاختبار العملي اهم حاجة تقعدي مرتاحة في العربية وحزام الامان مربوط و تكوني مسخنة العربية قبل ما تدخلي و لو جيتي تلفي يمين تدي اشارة يمين شمال تدي اشارة شمال كل ده بيتم اخذه في الحسبان

الاختبار ع ما اتذكر كان زي حرف s و في وسطه مطب صناعي صغير زي اللي بيبقي في الرحابده اللي اتذكره لما جيت اطلع الرخصة من حوالي 4-5 سنين

في انتظار انك تبلغينا انك طلعتي الرخصة او اي حاجة جديدة في الاختبارات :)

بالتوفيق

والله بجد انا مش عارفة اشكر حضرتك ازاي على تعبك معايا
يعني قلتلي النصايح الي ماحدشش قالهالي قبل كدة
ربنل يجازيك كل خير

[Pinky world]

الاوراق المطلوبه
شهاده رمد
شهاده باطنه
فصيلة الدم
صور البطاقه
صور شخصيه
بس

شكرا لحضرتك

[Amr Axel]

والله بجد انا مش عارفة اشكر حضرتك ازاي على تعبك معايا
يعني قلتلي النصايح الي ماحدشش قالهالي قبل كدة
ربنا يجازيك كل خير

الله يكرمك المهم ايه الاخبار الرخصة طلعت و لا لسه ؟؟

و يا ريت تكتبي بلون تاني لأن الأحمر مخالف لقوانين المنتدي لأنه خاص بمداخلات الادارة فقط

[Pinky world]

[/color]


الله يكرمك المهم ايه الاخبار الرخصة طلعت و لا لسه ؟؟

و يا ريت تكتبي بلون تاني لأن الأحمر مخالف لقوانين المنتدي لأنه خاص بمداخلات الادارة فقط

جيت اروح النهاردة بس وانا باخد اذن من الشغل زمايلي خوفوني قالولي لازم تروحي مع حد معاه رخصة لحسن تتمسكي في الطريق في اي مكان وماعرفتش اعمل ايه بقى واليوم اتكنسل

[Amr Axel]

جيت اروح النهاردة بس وانا باخد اذن من الشغل زمايلي خوفوني قالولي لازم تروحي مع حد معاه رخصة لحسن تتمسكي في الطريق في اي مكان وماعرفتش اعمل ايه بقى واليوم اتكنسل

كلام مظبوط حتي لو العربية باسمك و مفيش رخصة قيادة خاصة لا يسمح لك بقيادتها

و خلي بالك لو سايقة عربية مش باسمك لازم يكون المالك معاكي او يكون معاكيرخصة العربية و توكيل من المالك بقيادة العربية( ده توكيل بيكون للقيادةفقط لأثبات ان المالك سامح لك بقيادتها ) و التوكيلبيتعمل في الشهر العقاري

[Pinky world]

رخصة العربية مش باسمي وصاحب العربية مسافر وماعنديش توكيل