تظبيط الماروتي

[motto]

سلام عليكم يا جماعه ... انا بقى عاوز نصايحكم وخبراتكم في تعديل الماروتي
عندي ماروتي 2010 سودا وظبطها شويه ... ار بي ام وفوانيس شبوره وستاره كبس للزجاج الخلفي وكاسيت بايونير وازاز كهربا امامي وكمان طقم عارقاات لونين بلون الالعربيه والتابلوه رمادي اسود وطبعا هي فيها انذار وسنتر .. وطاسات سودا ... قوليلي ايه افكاركم انتم بقى يا جدعان

[mesaharaty]

ألف مبروك ربنا يبارك لك فيها
طيب ماتتحفنا كده بكام صورة حلوة للعروسة بعد المكياج

[Y a r i s]

الف مبروك عليها. واهم حاجة الجنوط العريضة
دي هتخلي العربية تفرق معاك وتبقى واقفه كدة زي الفرس ... وتحياتي

[motto]

ان شاء الله حصورها وارفع الصور يا جماعه بس ادونا اراكم برده

[lidosasa]

الف مبروك عليها. واهم حاجة الجنوط العريضة
دي هتخلي العربية تفرق معاك وتبقى واقفه كدة زي الفرس ... وتحياتي

هو الجنط العريض مش ممكن يحك فى العربية ولا أيه ؟؟؟ ياريت لو حد مركبه يقول لينا المفيد وقطر الجنوط بالظبط وسعره . لآن الجنوط لو أعرض شوية ومش بيأثر على عفشة العربية حيبقى أفضل بكتير فى الشكل وفى ثبات العربية على الطريق

[waelgam2005]

ده احنا اللى شكلنا هناخد افكار منك ياعم ياريت صورة بعد التعديل وخصوصا الطاسات بلونها الاسود عاوز اشوف شكلها عامل ازاى وبقيت التعديلات الله يخليك

[waelgam2005]

على العموم انا هقولك على اللى عامله فى عربيتى
انا عامل شريط اسود عريض على الابواب كلها تحت البلاستيك الاسود اللى بيبقى فى الابواب لحد العتب
وعامل خطين اسود رفيعين بطول الشنطه على الجمب اليمين ناحية ال 800 اللى على الشنطه
ومركب طاسات برضه عاديه ونفسى الونها برضه
وعامل رف خشب كونتر لسماعتين وكاسيت كينود ولسه مركب لمبة ليدات كبيرة للصالون
ومفيم الازاز اللى ورا والشرعتين بس تفييم خفيف
وعامل شماسة فاميه على الازاز اللى قدام
ولفيت شيكرتون ابيض على عصاية المساحة اللى ورا مخليه شكلها حلو مع الفاميه بس للاسف ملقتش البتاع الابيض اللى بيتلزق على المساحات فا عاملها بشيكرتون مؤقتا

[mohamed_mesho3]

يا ريت يا باشا تقولى الستاير الكبس اتكلفت كام بالظبط و عملتها فين ,, انا نزلت شارع دمشق و سألت و لقيت طقم العربية كله ب 275 جنيه و بصراحة السعر فجأنى
و يا ريت شوية صور بقى :)

[motto]

طب سوال سمج جدا جدا ازاي ارفع الصور لاني مش بعرف في الحاجات دي

[motto]

الستاره الكبس الخلفي دي اكلفت 40 ج بس

[motto]

waelgam2005 ادينا شويه صور وايه موضوع لمبه الصالون دي ؟

[waelgam2005]

[motto]

الاسعار
الار بي ام ب 150 ج
كربون الكبوت اتكلف 60 ج
فوانيس شبوره ب 35 ج
غطا دريكسيون جلد مبطن سفنج 30 ج
ستاره كبس خلقي 40 ج
طقم عراقات ادي 40 مامي 45 ج
زجاج كهربا امامي ياباني تويتا مستورد 250 ج
مفرش جلد للتابلوه 15 ج
غطاء للفتيس 3 ج
طقم طاسات عادي 40 ج
سبراي اسود لتلوين الطاسات 7 ج
فرش جلد للارضيه ب 100 ج
فرش جلد للكراسي 170 ج
تفييم اسود خفيف للزجاج الخلفي الصغير 10 ج
طقم دواسات بنزبن سبور 15 ج
حليه شكمان 10 ج
ولو افتكرت حاجه تاني حقولكم ياجماعه بس انا مش عارف ارفع الصور ... ارفعو صور عربياتكم كمان خلونا نعاين شويا

[waelgam2005]

نور الصالون بتاع العربية اللى اول ما تفتح الباب بتاعك ينور اصفر ده
انا غيرته وركبت نور ليدات لون تلجى بقى مخلى العربية نهار ومديها شكل حلو اوى