اماكن تركيب الكاسيت والسماعات في الماروتي...

[dr.hazem]

السلام عليكم ورحمة الله وبركاته

الماروتي دي عربية شقيه
والحقيقه النقاش فيها لا يمل
وليها طقوس وعلها حاجات وحركات لا تنتهي

بتسمح للواحد انه يسبح بخياله فعلا...

النهارده حبيت نتكلم عن اماكن تركيب الكاسيت والسماعات في االعربية

وانا متاكد ان في اماكن كتير وشفت العجب...

عموما هحاول احصر الاماكن دي معاكم واحب اسمع منكم لو في اماكن او حيل جديده...

1/جنب الساعه...
ده مكان جميل ويحسسك ان العربية محترمه وانه في مكان للكاسيت وده فيه طريقتين
اما تركب الكاسيت ابو بكرتين وفي منه بييجي بفلاشه وده مبحبوش مع انه هيركب بدوون اي تخريب او قص

يا اما بقص جزء من جنب الساعه وده محتاج صنايعي كويس يا اما تابلوهاك هيبقى عار


2/كونصوله 128...
ودي بتتم بازاله الكونصوله الاصليه وتركب كونصوله برضو في نظري حقيره الا لو خامتها نضيفه وتركب

عيوبها الشكل احيانا والحقيقه لاي شخص طويل ممكن تعاكس الرجل...


3/في فتحات التكييف الوسطى...
دي سمعت ان التوكيل بيعملها
لكن طبعا هتمنعك من استخدام التكييف في حالة حبيت تركبه واكيد الدفايه لوبتستخدمها في الشتا وده عيب خطير الحقيقه غير بقا لو نسيت الهوايات مفتوحه ممكن يدخله تراب جامد...

4/جنب رجل الراكب الامامي في الجنب بيبقى واقف والحقيقه شكل عار فعلا...

5/ في درج التابلوه وهسيبلكم التعليق عشان متوقفش...


ههههههههههههههههههههههههههههههههههه

اماكن السماعات:
اكيد الرف الخلفي عنصر اساسي للسماعات لكن في اماكن تانيه:
1/المكان المجهز في التابلوه
ده بيسمح بتركيب سماعه اماميه...

2/الفتح ف البيبان الاماميه وده بيدي توزيع صوت خرافي



3/الفبر الجانبي في الشنطه
ده مميز وجديد يعيبه ان ناحية لشمال في زور التنك واخاف ان تطلع اي شرارة استاتيكيه والنتيجه اعتقد تخيلتوها
هههههههههههههههههههههههههه
لكن في ناس ركبتها وتمام
ممكن نحط حاجه بين الاتنين وتنفع
وآدي عم الحج لقيته قاري الافكار بتاعتنا على ارض الواقع


تحياتي للجميع

[bondok20002002]

طبعاً المكان رقم 4 إنك راكب عربية سيات قده مكان مرفوض
أما فى درج التابلو الكاسيت أعتقد ده مكان مقبول بس لو الكاسيت غالى وفى dvd وبتاع
فأفضل مكان للكاسيت جنب الساعة ده مكان حلو قوى وبيدى شكل كامل للتابلوه
مكان السماعات إلى فى الشنطة مش حيديك توزيع كويس لأن إنت أصلاً كده كده عندك سماعات فى الرف فيبقى كله فى مكان واحد على العكس حيبقى الصوت أبعد وكمان إنك حتحط سماعات مدورة يعنى مش حيزيد عن 150 وات فمكان مش حلو أما مكان الباب أعتقد ده مكان كويس بس حتضطر تفتح فى الصاج وبتاع بس فعلاً مكان حلو بس المشكلة التكلفة والصنايعى النضيف بس أعتقد لو لقيت حد يعملها ممكن أجيب سماعات 150 وات وأضبط الدنيا
تحياتى

[alking_2006]

نسيت المكان رقم 6

http://www.nilemotors.net/Nile/269201-a.html

بس دا عايز كاسيت صغير :)

[bondok20002002]

اه بس المكان رقم 6 عايز كاسيت صغبر فوي مش ينفع تعديل

[dr.hazem]

نسيت المكان رقم 6
http://www.nilemotors.net/Nile/269201-a.html

بس دا عايز كاسيت صغير :)

مظبوط فعلا انا نسيت المكان الجميل ده
:-)
جزاك الله خيرا على التذكير
تحياتي

Sent from my LT18i using Forum Runner

[dr.hazem]

بس برضو في عيب بسيط في المكان ده...
اللي مركب او هيركب قزاز كهرباء مش هيقدر يحط الزراير في المكان ده...

Sent from my LT18i using Forum Runner

[ahma8]

هو انا لو شلت الكاسيت البايونير عندى و حطيتة جنب الساعة ينفع ولا المكان صغير عليه

[dr.hazem]

هو انا لو شلت الكاسيت البايونير عندى و حطيتة جنب الساعة ينفع ولا المكان صغير عليه

ينفع بس هتحتاج تقص شوية...

Sent from my LT18i using Forum Runner

[D . a .\ AYMAN]

أنا شايف إن أحسن مكان جنب الساعة وتتقص بنضافة ... أعتقد ده أنضف مكان في العربية حتى نخلص من البلاستيكة الى هما مغطيين بيها جنب الساعة دي

[bondok20002002]

أنا شايف إن أحسن مكان جنب الساعة وتتقص بنضافة ... أعتقد ده أنضف مكان في العربية حتى نخلص من البلاستيكة الى هما مغطيين بيها جنب الساعة دي

هو ده المكان إلى الصح بجد وتحس إن التابلوه كامل من كل حاجة

[Amr Axel]

تسلم ايديك يا ابو حازم
بصراحة حوار التابلوه ده جامد جدااا لكن المشكلة انه الجهاز هيسخن و هيبقي شغال و هو مقلوب

اما السماعات فممكن بدل في الباب من تحت لأ تبقي في الباب فوق اقصي اليمين في الفيبر و تكون سماعات أصغر شوية هيدي توزيع اجمد