مقاسات كوتش الماروتي كام؟

[rameahmed]

السلام عليكم و رحمة الله و بركاته
كنت عاوز اسأل عن مقاسات كاوتش الماروتي الاصلي و ايه هو احسن نوع بس يكون من الانواع المشهوره زي مشلان و بريدجستون و بيرلي و هل مقاساته موجوده بسهوله و اجيبه منين و اذاي اعرف مقاس الكوتش و كنت عاوز الكوتش الجديد يبقي نفس المقاس الي موجود بالظبط و جزاكم الله كل خير

[mesaharaty]

المقاس :
12 / 70 / 145

الأنواع كتير زى : جوديير - هانكوك - جى تى وكله قريب من بعضه
وإن شاء الله مقاساته موجودة بسهولة وممكن حضرتك لو قريب تروح شارع أحمد سعيد هتلاقى كتير جدا بتوع كاوتش وبطاريات وكمان ممكن عند أولاد بيومى بالدقى شارع التحرير معروف جدا .
حتعرف المقاس بسهولة لأن الأرقام دى بتبقى مكتوبة على جانب الكاوتش .
المهم فى الموضوع إنه مايكونش متخزن بقاله فترة طويلة ولا الفردة فيها لوحة . وتاريخ الصلاحية بيبقى مكتوب على الفردة بالأسبوع والسنة :
فمثلا 1512 تعنى إن تاريخ الإنتاج هو الأسبوع الخامس عشر من عام 2012 وهكذا .
أرجو أكون أفدتك

[Amr Axel]

المقاس الأصلي 12\70\145 و لو عايز تزود الثبات شوية ممكن تركب فردة اعرض شوية فليكن 12\65\155 بس لو هتغير في المقاس الأفضل تغير الـ4 فرد مش اتنين بس عشان ميحصلش اي اختلال في توازن العربية
الأنواع مفيش اكتر منها لكن ع حسب مقدرتك و هتغير كام فردة يعني اخرك كام في الفردة

[rameahmed]

انا بالنسبه ليه مش مشكله الفلوس المهم اجيب نوع كويس يريحني و كنت هغير ال 4 فرد بس كونت عاوز اعرف امتي تكون الكوتش متخزن عند الراجل يعني اجيبه بعد اد ايه من تاريخ انتاجه يعني مثلا سنه و لا 6 اشهر و لا اقل و جزاكم الله كل خير

[rameahmed]

و ياريت لو حد يعرف السعر هيكون في حدود كام ابقي مشتكر جدا

[Amr Axel]

المفروض ميكونش عدي كتيير ع تاريخ انتاجه خاصة ان هنا ما شاء الله طريقة التخزين عند محلات كتيير سيئة
فحاول تجيب حاجة انتاج نص السنة دي فيما فوق
و الموضوع ده هيعرفك ازاي تعرف تاريخ الانتاج و بيانات الكاوتش

http://www.nilemotors.net/Nile/232923-a.html

الأنواع لو لقيت بريدجستون ياباني يبقي تمام بس الفردة ممكن تدخل في 350-400 ج لأني كل ما اسأل ملقيش غير اندونيسي

انا أفضلك جوود يير هندي زي الأصلي
ياما تشوف حاجة زي السبكترا او الاكسيلرا الاتنين اندونيسي و ما شاء الله كويسيين و سعرهم رخيص
و dr.hazem ركب طقم اسبكترا اندونيسي و ما شاء الله شغال كويس و ناعم

http://www.nilemotors.net/Nile/277800-a.html

و هننتظر تقرير منك ان شاء الله في موضوع في القسم عن تركيب طقم كاوتش لتوتي :)

[dr.hazem]

المفروض ميكونش عدي كتيير ع تاريخ انتاجه خاصة ان هنا ما شاء الله طريقة التخزين عند محلات كتيير سيئة
فحاول تجيب حاجة انتاج نص السنة دي فيما فوق
و الموضوع ده هيعرفك ازاي تعرف تاريخ الانتاج و بيانات الكاوتش

http://www.nilemotors.net/Nile/232923-a.html


الأنواع لو لقيت بريدجستون ياباني يبقي تمام بس الفردة ممكن تدخل في 350-400 ج لأني كل ما اسأل ملقيش غير اندونيسي

انا أفضلك جوود يير هندي زي الأصلي
ياما تشوف حاجة زي السبكترا او الاكسيلرا الاتنين اندونيسي و ما شاء الله كويسيين و سعرهم رخيص
و dr.hazem ركب طقم اسبكترا اندونيسي و ما شاء الله شغال كويس و ناعم

http://www.nilemotors.net/Nile/277800-a.html

و هننتظر تقرير منك ان شاء الله في موضوع في القسم عن تركيب طقم كاوتش لتوتي :)

مفيش بريدجستون يركب ع الماروتي ابدا مبيصنعهوش اصلا
المقاس الوحيد عندهم للجنط 12 جاي عرضه175 وده ولا يمكن يركب...
تحياتي

Sent from my SE Arc S using Forum Runner

[Amr Axel]

[QUOTE=dr.hazem;3874646418]مفيش بريدجستون يركب ع الماروتي ابدا مبيصنعهوش اصلا
المقاس الوحيد عندهم للجنط 12 جاي عرضه175 وده ولا يمكن يركب...
تحياتي

Sent from my SE Arc S using Forum Runner[/QUOTE]

لا طبعا 175 مينفعش باي شكل من الاشكال ده مش هيعرف يلف الدريكسيون لو اتركب غير العفشة اللي هتضيع

يبقي خليك في الجوود يير الهندي او الهانكوك الكوري او السبكترا او اكسيلرا اندونيسي

[maak333]

السلام عليكم
انا لسه مغير الاربع فرد بتوع عربيتي عشان هما بتوع الفابريكه وبقالهم حوالي 4 سنين وكذا حد قالي غيرهم عشان ممكن لا قدر الله يفرقعو فادورت علي الجوديير بس للاسف ملقتش وكمان ملقتس المقاس بتاع الماروتي غير في نوعين GT & Hancock فاجبت ال جي تي عشان لقيتو انتاج السنه دي الفرده ب 270 من واحد بتاع كاووتش معروف في شارع التحرير في الدقي

[dr.hazem]

السلام عليكم
انا لسه مغير الاربع فرد بتوع عربيتي عشان هما بتوع الفابريكه وبقالهم حوالي 4 سنين وكذا حد قالي غيرهم عشان ممكن لا قدر الله يفرقعو فادورت علي الجوديير بس للاسف ملقتش وكمان ملقتس المقاس بتاع الماروتي غير في نوعين gt & hancock فاجبت ال جي تي عشان لقيتو انتاج السنه دي الفرده ب 270 من واحد بتاع كاووتش معروف في شارع التحرير في الدقي

انا شفت جي تي وهانكوك وجوديير وسبيكترا كل الانواع دي موجوده ومتوفره والاسعار من 230 لحد 300
حسب المقاس والصناعه...
والمعلومه الاكيده عندي ان اسوأهم هو الجوديير اللي راكب فيها لانه ناشف ناشف ناشف بغباء....

تحياتي