Tweet
اجيب الحاجات ده منين برجاء المساعده ؟؟
يا ريت يا جماعه حد يقلي اجيب الحاجات ده منين المثلث العاكس و الكوريك التمساحه و العدة و منفاخ الكاوتش الي بيشتغل من الولاعه و هل هيشتغل في الماروتي :) وكابل الكهربا و كابل الجر عشان عوز احطهم في شنطة العربيه عشان لقدر الله لو في اي حاجه حصلت و جزاكم الله كل خير يو ياريت كل واحد يبقي شايل الحاجات ده معاه في العربيه
-
(سبحان الله و بحمده.... سبحان الله العظيم) -
السلام عليكمالمشاركة الأصلية كتبت بواسطة rameahmed مشاهدة المشاركة
هتلاقى الكلام ده كله فى حتت كتير
دمشق . الحرفين ,,,,,,,,,,,,,,,,,,,,,,,,,,,,,,,,,,
بس افضل مكان فى رائى التوفيقيه والله اعلمWael Kamel
سبحان الله والحمدلله والله اكبر
wael_kamel سابقا -
على فكره فى منفاخ بيشتغل من البطاريه على طول وطبعا صينى بس ممتاز جداالمشاركة الأصلية كتبت بواسطة rameahmed مشاهدة المشاركة
على العموم ربنا معاك ولما تجيب الحاجات ديه عرفنا ايه نظام الاسعارWael Kamel
سبحان الله والحمدلله والله اكبر
wael_kamel سابقاComment
-
بس هل ممكن المنفاخ يشتغل من ولاعة الماروتي(سبحان الله و بحمده.... سبحان الله العظيم)Comment
-
الاخ rameahmed
كل الحاجات ده هتلاقيها في التوفيقيه
المثلث العاكس: هلاقيه في التوفيقيه ولو ملقتهوش من اي وحدة مرور
الكوريك التمساحه: هتلاقيه برضه في التوفيقيه هات اقل حاجه 1 طن ثمنه تقريبا 120 لكن انصح باللكوريك الاصلي للسياره نظرا لصغر حجمة وسهوله شيله في الشنه لان ليه مكان بجوار الاستبن ومبياخدش حيز كبير وهو بالنسبه لسياره عملي جدا
منفاخ الكاوتش الي بيشتغل من الولاعه: نظرا لظروف عملي انا جربت انواع كثيره كلهم حلوين بالنسبه للماروتي وهيشتغلو لكن اللانواع الكبيره هتسخن سلك الولاعه لو اشتغل فتره كبيره ودشه شكله عباره عن بستم واسطانه حديد وثمنه حوالي 150 جنيه لكن في كاروفور في قسم السيارات فيه انواع صغيره ومتوسطه انا جيبت الاثنين واحد كان سعره 40جنيه تقريبا بس ده باخد وقت كبير علشان ينفخ العجله حوال 5او 8 دقائق لو العجله علي الارض والنوع المتوسط سعره حوالي من 60 الي 90 جنيه وده ممتاز بالنسبه للماروتي ومبياخدش وقت ومبيعملش حمل علي الولاعه
كابل الكهربا: فيه انواع كتير برضه في التوفيقيه وكارفور الاسعار تبدأ من 60 جنيه لكن انا افضل انك تعمله انت لان فيه انواع بتبقي مضروبه مش قد كده ممكن تشتري من التوفقيقه 2 طقم ماسك قواطيش الطقم ب 7 جنيه وتجيب 4 متر سلك محترم 6مل وده اقل حاجه لو اوز اكبر هات وبكده الكبل مش هيكلفك50 جنيه وهيكون محترم جدا وارخص من الجاهز
كابل الجر: برضه في التوفيقيه او كاروفور بس انا مش فاكر سعره كام لو ملقتش في التوفيقيه روح الوكاله عن الناس اللي بتعمل الويرات ممكن يتعمل هناك
العدة: افضل ماكن لشراء العده شارع الجمهوريه او السبته واضل شيئ تجيبه ططقم سيستيم اصغر طقم هينفع وسعره 50 جنيه
واي سؤال انا موجود مش هبخل في الرد عليكComment
-
شكراً على التقرير الجامد جداً ده وضرب نااااااااااااااار ويلا
تحياتى[CENTER][sor2]http://img442.imageshack.us/img442/4595/dabp1.jpg[/sor2]
[SIZE=3] [OVERLINE][U][I] [SIZE=5][B]BoNdOk FoR EvEr[/B][/SIZE][/I][/U][/OVERLINE][/SIZE]
[/CENTER]Comment
-
جزاك الله خيرا يا بشمهندس اياد على الرد المفصل...المشاركة الأصلية كتبت بواسطة eiad_naser
تحياتي
Sent from my SE Arc S using Forum Runnerdon't judge a car unless you have driven it
hm414 سابقاComment
-
المشاركة الأصلية كتبت بواسطة eiad_naser مشاهدة المشاركة
الله ينور يا كبيييييييييييييرWael Kamel
سبحان الله والحمدلله والله اكبر
wael_kamel سابقاComment
-
متشكر جدا جد جدا علي الرد و جزاكم الله كل خير بس هل في كارفور المعادي قسم للسيارات ؟المشاركة الأصلية كتبت بواسطة eiad_naser مشاهدة المشاركة(سبحان الله و بحمده.... سبحان الله العظيم)Comment
-
و معلش هو ايه طقم سيستم ده ؟؟ يعني انا كنت عاوز اعرف العده الي لاازم اجيبها للعربيه ايه بالظبط يعني مفتاح رقم كام و المفكات و الكلام ده و جزاك الله كل خير يا باشمهندس اياد(سبحان الله و بحمده.... سبحان الله العظيم)Comment
-
يوجد في جميع فروع كارفور قسم لأدوات السيارات
ده صوره لاهم طقم عده مش هتحتاج حاجه غيره لو عملت اي حاجه في العربيه الا العفشه
رقم 1: طقم لقم سيستيم وده هتلاقيه في شارع الجمهوريه انا عن نفسي جايب اصغر طقم وسعره 50 جنيه وجيبت معاه ذراع تطويل وذراع سوسته وهو معاهه لقمه للبوجيهات ده ممكن تلف عليه شويه
رقم 2: مفتاح فرنساوي المقاس الوسط سعره 20 جنيه
رقم 3: بنسه كلابه المقاس الوسط وسعرها 20 جنيه
رقم 4: قصافة سلك كهربائي سعرها 15 جنيه ( يمكن الاستغناء عنها )
رقم 5: بنسه عاديه سعرها 15 جنيه
رقم 6: شريط لحام شكرتون سعره 2.5 جنيه
رقم 7: مفك بنشر وكام خابور لزوم الكوتش التيوبلس السعر في حدود 10 جنيه ( يمكن الاستغناء عنهم )
رقم 8: مفك عادي ومفك صليبه الواحد ب 5 جنيه
رقم 9: طقم النكيه ب 15 جنيه ( يمكن الاستغناء عنه )
رقم 10: طقم مفتاح بنحيه مقاسات 8 و 10 و 12 و 13 و 14 و 16 متوسط السعر للواحد 5 جنيه
رقم 11: مبرد ( يمكن الاستغناء عنه )
طبعاً لو جيبت رقم 1 مش هتحتاج لفتاح بيبه لو مجبتوش هتتاج لمفتاحين بيبه واحد 8 وواحد 10 علي الاقل
ويا سلام لو جبت طقم المفكات ده بحوالي 10 جنيه
وده صوررة منفاخ العجل الصغير
Comment
-
أشكرك يا دكتور حازم علي شكرك ليالمشاركة الأصلية كتبت بواسطة dr.hazem مشاهدة المشاركة
واشكرك علي مروك العطرComment
-
ما شاء الله...المشاركة الأصلية كتبت بواسطة eiad_naser
مجهود جبار ورد وافي ويدرس...
تحياتي لحضرتك وواجبنا اننا نشكرك طبعاً وكل المشاركات الفعاله زي مشاركة حضرتك.... :-)
Sent from my SE Arc S using Forum Runnerdon't judge a car unless you have driven it
hm414 سابقاComment
-
المشاركة الأصلية كتبت بواسطة eiad_naser مشاهدة المشاركةالمشاركة الأصلية كتبت بواسطة eiad_naser مشاهدة المشاركة
تسلم ايديك ع المجهود في كتابة هذا الرد الوافي
و احب اضيف بخصوص كابل الشحن زي طبعا ما قال تعمله عمولة تجيب طقم يد اتنين احمر و اتنين اسود و تجيب سلك اسمه حجازي ده نضيف و سميك سيبك من الجاهز اللي احيانا بيبقي منظر ع الفاضي و غالي و بيضرب مع كترة الاستعمال
و شريط لاصق اسود و احمر و تقسم السلك اللي جبته اتنين واحد توصله بـ2 يد لون احمر و تلف عليه شريط لاصق احمر عشان يبقي موجب
و النص التاني توصله بـ2 يد اسود و تلف عليه شريط لاصق اسود عشان يبقي سالب
اما عن طريق الاستخدام فهي انك تخلي العربيتين بعيد عن بعض شوية بحيث ميلمسوش بعض و توصل الموجب بالبطارية الفارغة بالموجب بالبطارية المليانة
ثم توصل السالب في البطارية الفاضية او ارضي في العربية اللي بطاريتها فاضية ثم بالسالب في البطارية المليانة و خلي بالك الترتيب في التوصيل و اوعي تعكس حاجة عشان متضربش الدنيا
و تقفل اي انوار او اي حاجة تستهلك كهربا في العربية اللي بطاريتها فاضية و بعدين تدور العربية اللي بطاريتها مليانة و تدوس بنزين شوية كأنك بتسخن عشان تشحن
و تجرب العربية اللي بطاريتها فاضية تدورها لو دارت خلص شيل التوصيل بعكس الترتيب اللي عاملته بمعني السالب في العربية اللي بطاريتها مليانة ثم السالب من الارضي او السالب في البطارية الفاضية
ثم الموجب من البطارية المليانة ثم الموجب من البطارية الفاضية
بس كده :)
بخصوص الكوريك خليك في العفريتة الصغير لأن التمساحة حجمه كبيير و هياكل الشنطة انا اساسا سايبه في البيت و بستخدم الصغير لكن لو سفر او مكان بعيد باخد التمساحة احتياطي
فيه حاجة نسيتها و هي شنطة الاسعافات الأولية ديه من اهم الادوات التي يجب ان تكون في السيارة :)
[CENTER][SIGPIC][/SIGPIC]
[SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
[SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
[URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
[/CENTER]
AXEL سابقاComment
-
المشاركة الأصلية كتبت بواسطة eiad_naser مشاهدة المشاركةيوجد في جميع فروع كارفور قسم لأدوات السيارات
ده صوره لاهم طقم عده مش هتحتاج حاجه غيره لو عملت اي حاجه في العربيه الا العفشه
رقم 1: طقم لقم سيستيم وده هتلاقيه في شارع الجمهوريه انا عن نفسي جايب اصغر طقم وسعره 50 جنيه وجيبت معاه ذراع تطويل وذراع سوسته وهو معاهه لقمه للبوجيهات ده ممكن تلف عليه شويه
رقم 2: مفتاح فرنساوي المقاس الوسط سعره 20 جنيه
رقم 3: بنسه كلابه المقاس الوسط وسعرها 20 جنيه
رقم 4: قصافة سلك كهربائي سعرها 15 جنيه ( يمكن الاستغناء عنها )
رقم 5: بنسه عاديه سعرها 15 جنيه
رقم 6: شريط لحام شكرتون سعره 2.5 جنيه
رقم 7: مفك بنشر وكام خابور لزوم الكوتش التيوبلس السعر في حدود 10 جنيه ( يمكن الاستغناء عنهم )
رقم 8: مفك عادي ومفك صليبه الواحد ب 5 جنيه
رقم 9: طقم النكيه ب 15 جنيه ( يمكن الاستغناء عنه )
رقم 10: طقم مفتاح بنحيه مقاسات 8 و 10 و 12 و 13 و 14 و 16 متوسط السعر للواحد 5 جنيه
رقم 11: مبرد ( يمكن الاستغناء عنه )
طبعاً لو جيبت رقم 1 مش هتحتاج لفتاح بيبه لو مجبتوش هتتاج لمفتاحين بيبه واحد 8 وواحد 10 علي الاقل
ويا سلام لو جبت طقم المفكات ده بحوالي 10 جنيه
وده صوررة منفاخ العجل الصغير
شكرا ع المشاركة الجميلة دي :)[CENTER][SIGPIC][/SIGPIC]
[SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
[SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
[URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
[/CENTER]
AXEL سابقاComment
Comment