زجاج الماروتى الأمامى اتدشدش :(

[alking_2006]

السلام عليكم

امبارح و انا ماشى على طريق ال na بالتجمع و نازل على مدينة نصر
طوبة خبطت فى الزجاج الأمامى للماروتى و عملت صوت بوووووووووو
و فجأة لقيت الزجاج كله اتشرخ و مبقتش شايف ااااااى حاجة و الكلام دا و انا على سرعة :(
و كمان الطوبة عملت فتحه فى الزجاج و قطع الزجاج الصغيرة بقت عمالة تطير و تخبط فيا
و انا حاطط ايدى على عينى و فى نفس الوقت بهدى السرعة و فى نفس الوقت بجنح يمين علشان اركن فعربية جاية من ورا على يمينى كانت هتلبس فيا
الحمد لله و قدر الله و ما شاء فعل

المشكلة اللى انا شارى منها العربية من 3 سنين كانت مغيره الزجاج و مركبة نوع اللى هوا بيتفتفت سكر لما يتشرخ مش اللى بينزل قطعه واحدة

طبعا مكونتش اعرف كدا المهم جيت اخلع الكاوتشة علشان انزل الزجاج علشان اعرف اسوق العربية و اروح اغيره لقيت الزجاج نزل على الصالون قطع سكر و بهدلى العربية من جوا

المهم نظفت الدنيا نص نص علشان اعرف اسوق العربية و سوقت من غير زجاج و التراب بهدلى عينى و نزلت الحى السابع سألت الناس دلونى على محل كويس بتاع زجاج اسمه "الثلاثى" جنب مطعم البرج فى مدينة نصر

روحتله قالى فيه نوعين
نوع ب 140 و دا طبقه واحدة و دا زى اللى كان راكب و بيتدشدش سكر لما يتشرخ
و نوع ب 250 و دا 3 طبقات و بينزل حته واحدة لو لا قدر الله اتشرخ

ركبت ابو 250 و دا فيه بردو شماسه منه فيه و الحمد لله

و قدر الله و ما شاء فعل
و ربنا يحفظنا جميعا

عايز اروح دلوقتى اى مكان يكنسلى العربية بالمكنسة علشان الزجاج مبهدل الدنيا مش عايز اروح اى بنزينه و خلاص و يطلع الشغل نص نص لو حد يقدر يدلنى

[bondok20002002]

يا حمدلله على السلامة وبجد تغور العربية فى الف دهية المهم إنت الحمدلله إنك سليم وأعتقد اى بنزينة حتى لو مش حلوة لو إنت ظبطت الراجل إلى بيغسلك حيظبطك أنا ناوى بعد لما أعمل ترس الفلام أروح أعمل للعربية كار كير ب 120 جنيه فى مدينة نصر واحد زميلى عملها عنده وقالى حلوة جداً لو حابب أسالهولك ماشى
تحياتى والف حمدلله على سلامتك

[alking_2006]

يا حمدلله على السلامة وبجد تغور العربية فى الف دهية المهم إنت الحمدلله إنك سليم وأعتقد اى بنزينة حتى لو مش حلوة لو إنت ظبطت الراجل إلى بيغسلك حيظبطك أنا ناوى بعد لما أعمل ترس الفلام أروح أعمل للعربية كار كير ب 120 جنيه فى مدينة نصر واحد زميلى عملها عنده وقالى حلوة جداً لو حابب أسالهولك ماشى
تحياتى والف حمدلله على سلامتك

تسلملى يا حبى ربنا يخليك و يحفظ الجميع
عموما لو عرفت تسأله ابقى قولى ايه النظام و حتى لو كدا ممكن نتفق فى يوم نروح نعمل العربيتين مع بعض

[alking_2006]

دلوقتى الزجاج نوعين

النوع اللى ب 140 دا اسمه "سيكوريت" و لقيت ناس على النت بتقولك دا امن علشان لما بتكسر بيتفتفت حتت صغيرة بحيث متعملش اصابة لحد

النوع اللى ب 250 دا اسمه "تريبلكس" و دا بيبقى صعب كسره لأنه بينزل حته واحد

بيقولك لو حادث لا قدر الله الزجاج ال "سيكوريت" افضل لو عاوزين يخرجوا الناس اللى جوا السيارة من مكان الزجاج لأنه سهل الكسر لكن ال "تريبلكس" صعب كسره

لكن فى الظروف العادية يتفوق ال "تريبلكس" انه لو اتشرخ هتقدر تكمل مشوارك و تغيره فى وقت اجازتك مثلا على عكس ال "سيكوريت" مش هتقدر تكمل مشوارك و لازم يتغير فى اقرب مكان زى ما حصل معايا و حكيتلكوا

حبيت انقل الكلام اللى انا عرفته علشان ابقى وصلت معلومه صح

علشان انا كنت فاكر ان ال "سيكوريت" دا درجة ثانية او مصرى و ال "تريبلكس" دا درجة اولى او مستورد لكن طلع الموضوع حاجة تانيه خالص و فى الاخر دا عرض و طلب و كل واحد و دماغه زى بردو ما فيه كاوتش تيوبلس و بشمبر و بطارية سائلة و بطارية جافة و ناس بتستخدم دا و ناس بتستخدم دا

[dr.hazem]

لا حول ولا قوة الا بالله...
اولا الحمد لله على السلامة ومتشوفش شر ان شاء الله والحمد لله إنها جت على قد كده...
ياترى حجم الزلطه ايه؟ يعني عربية نطرتها عليك ولا حد رماها لاهداف اخرى؟
ربنا يستر طريقنا جميعا...
انا لو مكانك هركب التريبلكس برضو لاني بمشي ع الدائري كتير والزلط بيبقى عامل زي القذائف والله...
الحمد لله على الستر...
تحياتي

Sent from my SE Arc S using Forum Runner

[alking_2006]

لا حول ولا قوة الا بالله...
اولا الحمد لله على السلامة ومتشوفش شر ان شاء الله والحمد لله إنها جت على قد كده...
ياترى حجم الزلطه ايه؟ يعني عربية نطرتها عليك ولا حد رماها لاهداف اخرى؟
ربنا يستر طريقنا جميعا...
انا لو مكانك هركب التريبلكس برضو لاني بمشي ع الدائري كتير والزلط بيبقى عامل زي القذائف والله...
الحمد لله على الستر...
تحياتي

sent from my se arc s using forum runner

الله يسلمك يا حبى و الحمد لله على كل حال

انا قعدت ادور فى العربية على الزلطة ملقيتهاش
فخمنت انها ضربت فى الزجاج كسرته من غير ما تدخل جوا العربية و ردت و وقعت فى الشارع
بس اكيد عربية نطرتها لأن طريق ال na دا طريق سريع "رابط الدائرى بمدينة نصر بمسافة 4 كيلو من غير رادارات :(" و مفيهوش ناس فيه عربيات ماشية طلقة مجانين يعنى رنج 180 او 200 كدا لكن انا ماشى بالسرعة الطبيعية بتاعتنا يعنى

[hassan.ali]

ابن عم الماروتي (السويفتاوي) بيسلم عليك ويقولك حمدا لله ع السلامة

[alking_2006]

ابن عم الماروتي (السويفتاوي) بيسلم عليك ويقولك حمدا لله ع السلامة

الله يسلمك يا كبير :)
حسن يا جماعة زميلى فى الشغل و مكتبه جنب مكتبى خنقنى يعنى :) :)
ماروتى و جنبى سويفت و قريب نعمل رابطة سوزوكى و نقفل الشركة :) :)

[hassan.ali]

الله يسلمك يا كبير :)
حسن يا جماعة زميلى فى الشغل و مكتبه جنب مكتبى خنقنى يعنى :) :)
ماروتى و جنبى سويفت و قريب نعمل رابطة سوزوكى و نقفل الشركة :) :)

يعني انا مردتشي اسيح عشان محدش يعرف

[bondok20002002]

المركز إسمه Zero car خلف رابعة العدوية أنا لما اخلص بكرة حكون جاهز وكده نروح إن شاء الله ب س لما أخلص بكرة حقولك ونشوف كده إن شاء الله
تحياتى

[alking_2006]

المركز إسمه zero car خلف رابعة العدوية أنا لما اخلص بكرة حكون جاهز وكده نروح إن شاء الله ب س لما أخلص بكرة حقولك ونشوف كده إن شاء الله
تحياتى

ماشى يا جميل شوف ايه ظروفك و قوللى

[Amr Axel]

لا حول و لا قوة الا بالله

الحمد لله انك بخير و مبروك الازاز الجديد يا باشا

الزلط ع طريق الـn\a قذائف فعلا بيبهدلني لو فاتح الشباك اللي تييجي طايرة في وشي او في النضارة او في راسي و اللي مرة لحقتها ع شفتي قبل ما تكمل هههههههه ناهيك الازاز اللي اتخرم منه و لا العربية اللي دهانها اتبهدل

[Amr Axel]

يعني انا مردتشي اسيح عشان محدش يعرف

اهلا و سهلا بحضرتك معانا يا باشاو سعيد بانضمامك لنسور السوزوكي :)